မြန်မာ့ရင်းနှီးမြှုပ်နှံမှုကော်မရှင် ဥက္ကဌကြီးအတွက်

578575_127219160793016_1402193108_n

ကိုယ့်သားသမီးတွေကျတော့ နိုင်ငံခြားမှာ သွားထား၊ တိုင်းတစ်ပါးနိုင်ငံသား ခံယူခိုင်းထားပြီး သူများ သားသမီးတွေကျတော့ ဖြစ်ချင်ရာဖြစ်ဆိုတဲ့ သဘောလား။

နိုင်ငံတစ်ခု တိုးတက်ကြီးပွားဖို့ရာ Human Resources လို့ခေါ်တဲ့ လူသားစွမ်းရည်ဖွံ့ဖြိုးရေးဟာ အင်မတန်မှ အရေးပါတယ်ဆိုတာ အားလုံးက လက်ခံထားတယ် မဟုတ်လား။ ခေတ်မီနိုင်ငံရေး၊ စီးပွားရေး အတွေးအခေါ်အယူအဆတွေရှိမှ တိုင်းပြည်ဖွံ့ဖြိုးအောင် ကြံဆောင်နိုင်မယ်။

ဒါလည်း မှန်တယ်။ ဒီတော့ ဦးနှောက်ရှင်သန်ဖွံ့ဖြိုးရေးဟာ အခြေခံ ကျတယ်။ လူတစ်ဦးမှာ ဦးဆောင်တာဟာ ဦးနှောက်။ တိုင်းပြည်မှာ ပညာတတ်တွေ ပေါများပြီး အဲဒီပညာတတ်တွေရဲ့ ဦးနှောက်က ကမ္ဘာ့အဆင့်မှီ စဉ်းစားတွေးခေါ်နိုင်ပါမှ ခင်ဗျားတို့ ပြောတဲ့ ခေတ်မီဖွံ့ဖြိုးတိုးတက်မှုဆိုတာကို ရမယ်။ ကိုယ့်အိတ်ကပ်ထဲ ငွေဘယ်လို ထည့်ရမလဲဆိုတဲ့ Personal Economy ကိုသာ Higher Level ထိ တစ်ဖက်ကမ်းခပ် တတ်မြောက်ပြီး နိုင်ငံတိုးတက်ရာ တိုးတက်ကြောင်း တွေးခေါ်ကြံဆမှုမှာတော့ Zero Level က မတက်ရင် ဒီမိုကရေစီစနစ်ကြီးက ကောင်းပါလျက် လူတွေက ဖျက် ဖြစ်နေပါလိမ့်မယ်။

ကဲ … အဲဒီလို အရေးကြီးတဲ့ ဦးနှောက်တွေ ရှင်သန်ဖို့ ဘယ်လို လေ့ကျင့်ပြုစုကြမလဲ။ ယနေ့ခေတ်လူငယ် မျိုးဆက်သစ်တွေကို ဦးနှောက်ပိုင်းဆိုင်ရာရှင်သန်ဖွံ့ဖြိုးအောင် တွေးခေါ်မှုပညာတွေ အထူးလေ့ကျင့် ပြုစုပေးဖို့ လိုပါလိမ့်မယ်။ ကိုယ်ရည်ကိုယ်သွေး၊ ဉာဏ်ရည်ဉာဏ်သွေး၊ ဖွံ့ဖြိုးတိုးတက်ဖို့ လေ့ကျင့်ပြုစုပေးတဲ့နေရာမှာ ဒီလူငယ်တွေရဲ့ ဦးနှောက်တွေ လန်းဆန်းတက်ကြွနေဖို့လဲ လိုပါတယ်။ အဲဒီမှာ အဓိက ပြဿနာက အရက်၊ ဘီယာ၊ ဆေးလိပ် … ဒါတွေ သောက်သုံးခြင်းအားဖြင့် နောင်တစ်ချိန် ကျွန်တော်တို့ အားကိုးရမယ့် လူငယ်တွေရဲ့ ဦးနှောက်တွေဟာ လေးလံထိုင်းမှိုင်းပြီး အသုံးချလို့ မရတဲ့အခြေအနေမျိုးထိ ကြီးမားတဲ့ ဆိုးကျိုးတွေ ပေးပါလိမ့်မယ်။

နိုင်ငံတိုင်း၊ လူမျိုးတိုင်းမှာ အရက်ပြဿနာ ရှိကြတယ်ဗျာ။ သူတို့ဆီမှာ အရက်စွဲရောဂါကို မူးယစ်ဆေးဝါး၊ ဆေးလိပ်အန္တရာယ်တို့နဲ့ တန်းတူထားပြီး အစိုးရဌာနတွေ၊ အစိုးရ မဟုတ်တဲ့ အဖွဲ့အစည်းတွေက တစ်နိုင်ငံချင်းရော နိုင်ငံအများ စုပေါင်းပြီးပါ အလေးအနက်ထား တိုက်ဖျက်နေကြပါတယ်။

ကဲ …ကျွန်တော်တို့ နိုင်ငံမှာရော…..?

ပြည်ပရင်းနှီးမြှုပ်နှံမှုတွေ ၀င်လာမှ စီးပွားရေး တိုးတက်မယ်ဆိုပြီး မြန်မာနိုင်ငံရင်းနှီးမြှုပ်နှံမှုကော်မရှင် (Myanmar Investment Commission-MIC) က အရက်၊ ဘီယာနဲ့ ဆေးလိပ်စက်ရုံတည်ဆောက်ခွင့်တွေ၊ တင်သွင်းခွင့်၊ ဖြန့်ဖြူးခွင့်၊ ရောင်းချခွင့်တွေကို လက်သိပ်ထိုး တိုးတိုးတိတ်တိတ်ခွင့်ပြုချက် (Permit) များ ပေးနေတော့ မခက်ပါလား။ ဒီမိုကရေစီခေတ်မှာတော့ (Permit) စနစ်များ စွန့်လွှတ်သင့်ပြီထင်ပါရဲ့ဗျာ။

ဒီမေးခွန်းလေးတွေဖြေပေးကြပါ။

– MIC က မြန်မာနိုင်ငံမှာ အရက်သမား၊ ဘီယာသမား၊ ဆေးလိပ်သမားဦးရေ တိုးပွားအောင် လုပ်နေတာလား?

– Permit တွေ အပေါ်ကများ မြိုးမြိုးမြက်မြက်လေးတွေ၊ ဆီဦးထောပတ်လေးတွေ စားနေရလို့လား?

– နိုင်ငံရဲ့ အနာဂါတ် မျှော်လင့်ချက် ရောင်ခြည် လူငယ်လူရွယ်တွေကို မူးယစ်ဆေးဝါးနဲ့ ယဉ်ပါးကြီးပြင်းလာသူတွေ ဖြစ်စေချင်တာလား?

– ကိုယ့်သားသမီးတွေကျတော့ နိုင်ငံခြားမှာ သွားထား၊ တိုင်းတစ်ပါး နိုင်ငံသား ခံယူခိုင်းထားပြီး သူများသားသမီး တွေကျတော့ ဖြစ်ချင်ရာဖြစ်ဆိုတဲ့ သဘောလား?

– ရင်းနှီးမြှုပ်နှံမှုကော်မရှင်ကြီးအနေနဲ့ အရက်၊ ဘီယာနဲ့ ဆေးလိပ်တွေပဲ ရင်းနှီးဖို့ လုပ်တတ်ပါသလား?

MIC ဥက္ကဋ္ဌ ဦးစိုးသိန်းဟာ ဂန္ဓ၀င်မြောက်လှတဲ့ နောက်ကြောင်းရာဇ၀င်များကို ပိုင်ဆိုင်သူတစ်ယောက် ဖြစ်ပါတယ်။ ဟာသလည်း အတော်ပြောတတ်တယ်။ ပျော်တတ်တယ်ဆိုပါတော့ (ကော့သောင်းမိုတယ်မှ အဆိုတော်လေးများ၊ ထိုင်းလှေပိုင်ရှင်တွေ ပို့ပေးတဲ့ အချောအလှလေးများက သူ့အကြောင်း ပိုသိပါမည်)။

MIC ဥက္ကဋ္ဌဖြစ်တာနဲ့ သတင်းစာဆရာတွေ၊ မီဒီယာတွေကို ဖိတ်ခေါ်ပြီး ရန်ကုန်မှာရှိတဲ့ ဂုံးကျော်တံတားကြီး ၄ စင်းကို ၄ လနှင့် အပြီးဆောက်မယ်လို့ အပြောင်မြောက်ဆုံး ဟာသပျက်လုံးကိုလည်း မှတ်မှတ်ရရ ပြောခဲ့ပါသေးသည်။

“၁ နာရီနှင့်အပြီး လုပ်ပေးမယ်” ဆိုတဲ့ လက်သုံးစကားကတော့ အတော်လေး ဟတ်ထိတယ်လို့ ဆိုကြပါ၏ (ယုံမိတဲ့လူတွေအတွက် ဖြစ်ပါလိမ့်မည်)။ လူအထင်ကြီးမယ့် စကားလုံးအလှလေးတွေများ အချိန်ရှိတိုင်း စဉ်းစားနေပါသလား ဥက္ကဋ္ဌကြီးခင်ဗျား။

စကားပြောကောင်းတယ်လို့ အနားက လူတွေမြှောက်ပေးတိုင်း နားမယောင်စေချင်ပါဘူး။ တစ်ကယ်က ၀န်ကြီးဥက္ကဋ္ဌဟာ အင်မတန်ရှားပါးတဲ့ ကမ္ဘာ့အရှည်ဆုံး ဂင်းနစ်မှတ်တမ်းဝင် လျှာတစ်ချောင်းကို ပိုင်ဆိုင်ထားသူပါ။ မြန်မာနိုင်ငံမှာ လာရောက်ရင်းနှီးမြှုပ်နှံလိုသူတွေက လျှာရှည်တဲ့ဥက္ကဋ္ဌကို စိတ်မချလို့များ မြန်မာနိုင်ငံမှာ ရင်းနှီးမြှုပ်နှံမယ့် ကိစ္စတွေကို နောက်ဆုတ်သွားကြလေရော့သလား။ နိုင်ငံတော်တော်များများမှာ ခွင့်ပြုချက် မရတဲ့ အရက်၊ ဘီယာ၊ ဆေးလိပ်ကုမ္ပဏ်ီတွေကသာ မြန်မာနိုင်ငံမှာ MIC ရှိတယ်၊ ချောင်တယ်ဟေ့ဆိုပြီး ခြေဦးလှည့်လာကြတာလား မသိပေါင်ဗျာ။

ဒီတော့ကာ… MIC ဥက္ကဋ္ဌကြီးခင်ဗျာ … နိုင်ငံတိုးတက်ဖို့အတွက် မျှော်လင့်ချက်ရောင်ခြည် အနာဂါတ် လူငယ်တွေရဲ့ဘဝကို ပန်းကောင်းအညွန့်ချိုး လုပ်ရပ်တွေအတွက် မြန်မာနိုင်ငံရှိ သားသမီးရှင်များမှ ဥက္ကဋ္ဌကြီးရဲ့လျှာ ပေ ၁၀၀ ကျော် ရှည်ပါစေကြောင်း ဆုတောင်းမေတ္တာပို့သလျက်ဆိုတာ သိစေအပ်ပါသည်ခင်ဗျာ … ။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s