Tag Archives: မြန်မာသတင်း

News in Brief

01

(၁)   ကျောက်စိမ်းလုပ်ကွက် ဧရိယာနည်းပြီး အထွက်လျော့၍ လုပ်ကိုင်လိုသူ နည်းလာ

ဖားကန့်ရှိ ကျောက်စိမ်း တူးဖော်ရေးလုပ်ကွက်များတွင် ထပ်မံတူးဖော်ရန် လုပ်ကွက်ဧရိ ယာနည်းပါးသွားပြီး ကျောက် ထွက်ရှိမှုလျော့ကျလာ၍ လုပ်ကိုင်လိုသည့် ကုမ္ပဏီများနည်းပါး လာကြောင်း သတ္တုတွင်းဝန်ကြီး ဌာန ညွှန်ကြားရေးမှူးချုပ် ဦးဝင်းထိန်က ပြောသည်။

Credit to: 7 Day

See More>>>

(၂)   တင်ဒါအောင်ကျောက်စိမ်းများကြောင့် မန္တလေး ကျောက်စိမ်းဈေးကွက် အနည်းငယ် ကျဆင်းဖွယ်ရှိ

ဖားကန့်မြို့ မဏိရတနာ ကျောက်စိမ်းခန်းမတွင် သြဂုတ်လ ၂၁ ရက်နေ့က ကျင်းပပြီးစီးခဲ့ သည့် ရွေးကျန်ကျောက်စိမ်းတင်ဒါအောင် ကျောက်များ မန္တလေးမြို့ကျောက်စိမ်းဈေးကွက် အနည်းငယ် ကျဆင်းသွားနိုင်ကြောင်း မန္တလေးမြို့ရှိ ကျောက်စိမ်းဈေးမှ ကျောက်စ်ိမ်းကုန်သည်များမှ ပြောကြားသည်။

Credit to:Eleven 

လေကြောင်းသတင်း

(၁)   Silk Air နှင့် Singapore လေကြောင်းလိုင်းများ အောက်တိုဘာမှ စ၍ ရန်ကုန်-စင်ကာပူ ခရီးစဉ်အား တစ်ပတ်လျှင် အကြိမ် ၂၀ သို့ တိုးမြှင့်ပျံသန်းမည်

ရန်ကုန်-စင်ကာပူခရီးစဉ် ပျံသန်းနေသော လေကြောင်းလိုင်းများဖြစ်သည့် Singpore Airlines နှင့်ှsilk Air လေကြောင်းလိုင်းများသည် လာမည့် အောက်တိုဘာလမှ စ၍ တစ်ပတ်လျှင် အကြိမ် ၂၀ သို့ တိုးမြှင့်ပျံသန်းမည်ဖြစ်ကြောင်း Silk Air လေကြောင်းလိုင်း ရန်ကုန်မြို့သို့ ပျံသန်းခြင်း ၂၅နှစ်မြောက် နှစ်ပတ်လည် အခမ်းအ

နားပွဲမှ သိရသည်။

Credit to: Eleven

စီးပွားရေးနှင့်ရင်းနှီးမြှုပ်နှံမှုသတင်း


(၁)
  မြန်မာအပါအဝင် မဲခေါင်ဒေသနိုင်ငံများ ဂျပန်နှင့် ပူးပေါင်း၍ စက်မှုလုပ်ငန်းထူထောင် ရေး စီမံကိန်းဆောင်ရွက်ရန် သဘောတူ

မြန်မာအပါ အဝင် မဲခေါင်ဒေသနိုင်ငံများ ဂျပန် နိုင်ငံနှင့်ပူးပေါင်း၍ စက်မှုလုပ်ငန်း ထူထောင်ရေးစီမံကိန်းကို ဆောင်ရွက် သွားရန် ဩဂုတ် ၂၄ ရက်က သဘော တူညီခဲ့ကြကြောင်း သိရသည်။

Credit to: Democracy

See More>>> 

(၂)   ထားဝယ်၌ LNG သိုလှောင်ဖြန့်ဖြူးရေးစက်ရုံတည်ဆောက်ရန် Shell ကုမ္ပဏီနှင့် ပူးပေါင်းမည်

ထားဝယ် အထူးစီးပွားရေးဇုန် ၌ တည်ဆောက်မည့် သဘာဝ ဓာတ်ငွေ့အရည် LNG သိုလှောင် ဖြန့်ဖြူးရေး စက်ရုံတည်ဆောက်ရန် ပြီးခဲ့သည့် သြဂုတ်လ တတိယအပတ်အတွင်းက Italian-Thai Development ကုမ္ပဏီနှင့် LNG Plus International ကုမ္ပဏီတို့ ဘန်ကောက်၌ သဘောတူလက်မှတ်ရေးထိုး ခဲ့ကြောင်း သြဂုတ် ၂၄ ရက် ဘန်ကောက်ပို့စ် သတင်းအရသိရသည်။

Credit to: Democracy 

ငွေကြေးနှင့်ဘဏ်သတင်း

(၁)   ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအတွက် JICA ထံမှ ဂျပန်ယန်း ၂၄ ဘီလျံကျော် ချေးယူခွင့်ပြုရန် လွှတ်တော်သို့ တင်ပြ

ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအတွက် ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) ထံမှ ဂျပန်ယန်း ၂၄ ဒသမ ၈၆၆ ဘီလျံ ချေးယူခွင့်ပြုရန် ရထားပို့ဆောင်ရေးဝန်ကြီးဌာန ဒုတိယ၀န်ကြီး ဦးမြင့်သိန်းက လွှတ်တော်သို့ တင်ပြခဲ့သည်။

Credit to: Eleven

See More>>>

(၂)   နိုင်ငံခြားငွေဖြင့် ၀န်ဆောင်မှုနှင့် ကုန်ပစ္စည်းရောင်းချမှုများကို အရေးယူမည်ဟုဆို

ပြည်တွင်း၌ အမေရိကန် ဒေါ်လာတန်ဖိုးမြင့်တက်မှုကို လျှော့ချရန် ကုန်ပစ္စည်းများ၊ ၀န် ဆောင်မှုများအား နိုင်ငံခြားငွေဖြင့်ရောင်းချမှုကို အရေးယူရန်စီစဉ်နေကြောင်း မြန်မာနိုင်ငံဗဟိုဘဏ်မှ သတင်းရရှိသည်။

Credit to: 7 Day

See More>>>

အိမ်၊ ခြံ၊ မြေ၊ လယ်ယာသတင်း

(၁)   ဒဂုံစီးတီးမြေနေရာ အစားပေးမှု အစိုးရနှင့် ဆွေးနွေးဆဲဟုဆို

ရပ်ဆိုင်းခံထားရသည့် ဒဂုံစီးတီးစီမံကိန်းကို မြေနေရာအ စားပြန်ပေးခြင်းနှင့် ပတ်သက်၍ လတ်တလောတွင် အစိုးရနှင့် ဆွေးနွေးနေဆဲအဆင့်သာရှိသေးသည်ဟု အဆိုပါကုမ္ပဏီမှသတင်း ရရှိသည်။

Credit to: 7 Day

See More>>>

(၂)   ဗိုလ်ဗထူး တိုက်ခန်းဝယ်သူများ ငွေသွင်းချိန် နောက်ကျပါက ဒဏ်ရိုက်မည်

တန်ဖိုးမျှတ အိမ်ရာစီမံကိန်းများတစ်ခုဖြစ်သော ဗိုလ်ဗထူး အိမ်ရာစီမံကိန်းတိုက်ခန်း ၀ယ်ယူထားသူများအနက် ငွေသွင်း၇န် ကျန်ရှိသူများအနေနှင့် သတ်မှတ်ရက်ထက် နောက်ကျပါက ရက်လွန် ဒဏ်ကြေး အဖြစ် ဒဏ်ရိုက်မည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာ ဌာန (အဆောက်အအုံ)မှ အကြီးတန်းအရာရှိတစ်ဦးက ပြောကြားသည်။

Credit to:Eleven

(၃)   ဥယျာဉ်မြေကို အိမ်ရာမြေပြောင်းခြင်းက ပိုင်ဆိုင်မှုအပေါ် သက်ရောက်မှု မရှိဟုဆို

ထားဝယ်မြို့ပေါ် ၁၅ရပ်ကွက်ရှိ ဥယျာဉ် ခြံမြေ အဖြစ်ရှိနေသေးသည့် မြေများကို အိမ်ရာမြေအဖြစ် ပြောင်းလဲခြင်းသည် ပိုင်ဆိုင်သူအမည် အပြောင်းအလဲ ပြုလုပ်၍ မရသည့်အတွက် ပိုင်ဆိုင်မှုအပေါ် သက်ရောက်မှုမရှိနိုင်ကြောင်း ထားဝယ်မြို့နယ် လယ်ယာမြေစီမံခန့်ခွဲ ရေးနှင့် စာရင်းအင်းဦးစီးဌာနထံမှ သိရသည်။

Credit to: Eleven 

(၄)   ဖဆပလ အိမ်ရာနှင့် လမ်းသစ်ရိပ်သာ အိမ်ရာတို့ကို အဆင့်မြှင့်တင် ပြန်လည်တည်ဆောက်ရန် ညှိနှိုင်းမှုများ ပြုလုပ်နေ

ဆောက်လုပ်ရေးဝန်ကြီးဌာန မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ တည်ဆောက်ပေးခဲ့သော ပြည်သူ့အိမ်ရာများထဲ ဖဆပလ အိမ်ရာနှင့် လမ်းသစ်ရိပ်သာအိမ်ရာတို့ကို အဆင့်မြှင့်တင် ပြန်လည်တည်ဆောက်ရန်အတွက် ညှိနှိုင်းမှုများ ပြုလုပ်လျက်ရှိကြောင်း ရန်ကုန်တိုင်းဒေသကြီး မြို့ပြနှင့် အိမ်ရာဖွံ့ဖြိုးရေး ဦးစီး

ဌာတိုင်းဒေသကြီး ညွှန်ကြားရေးမှုး ဦးယုခိုင်ကေ ပြာသည်။

Credit to:ပြည်မြန်မာ 

နိုင်ငံရေးသတင်း

(၁)   မြန်မာနိုင်ငံ၌ ဒီမိုကရေစီ အပြည့်အ၀ ရရှိပြီဟု ၉၅ ရာခိုင်နှုန်းက မယူဆဘဲ ငါးရာခိုင်နှုန်းကသာ ယူဆကြောင်း 2015 Myanmar Asian Barometer Survey (ABS) စစ်တမ်းတွင် ဖော်ပြ

မြန်မာနိုင်ငံ၌ ဒီမိုကရေစီ အပြည့်အ၀ ရရှိပြီဟု ၉၅ ရာခိုင်နှုန်းက မယူဆဘဲ ၅ ရာခိုင်နှုန်းကသာ ယူဆကြောင်း 2015 Myanmar Asian Barometer Survey (ABS) စစ်တမ်းတွင် ဖော်ပြခဲ့သည်။

Credit to: Eleven

See More>>>

(၂)   ဦးသိန်းစိန်ကို သမ္မတ ထပ်ဖြစ်ရန် လိုလားသူ ၁၆ ရာခိုင်နှုန်းရှိဟု စစ်တမ်းဆို

လက်ရှိအစိုးရအဖွဲ့ကို ဦးဆောင်သူ နိုင်ငံတော်သမ္မတ ဦးသိန်းစိန်ကို လာမည့် သက်တမ်းအတွက် သမ္မတထပ်ဖြစ်ရန် လိုလားသူ ၁၆ ရာခိုင်နှုန်း ရှိကြောင်း အာရှဘာရိုမီတာ ဆာဗေးအဖွဲ့ ပါမောက္ခ Ms. Bridget Welsh က ပြောကြား သည်။

Credit to: The Voice

See More>>>

လွှတ်တော်နှင့်နိုင်ငံရေးပါတီသတင်း

 (၁)   ဒေါ်အောင်ဆန်းစုကြည်၏ ကိုယ်စားလှယ်လောင်းစိစစ်မှု ကန့်ကွက်သူမရှိ အောင်မြင်

၂၀၁၅ အထွေထွေရွေး ကောက်ပွဲ ၀င်ရောက်ယှဉ်ပြိုင် မည့် ဒေါ်အောင်ဆန်းစုကြည်၏ ကိုယ်စားလှယ်လောင်းစိစစ်လွှာ ကန့်ကွက်သူမရှိအောင်မြင်ကြောင်း ရန်ကုန် တောင်ပိုင်းခရိုင် ရွေး ကောက်ပွဲ ကော်မရှင် အဖွဲ့ခွဲမှ သတင်းရရှိသည်။

Credit to: 7 Day

See More>>>

(၂)   NLD က ကိုယ်စားလှယ်လောင်း ရုပ်သိမ်းမှုများ၊ မှားယွင်းတင်သွင်းမှုများနှင့် ပတ်သက်၍ သက်ဆိုင်ရာ ခရိုင်ရွေးကောက်ပွဲ ကော်မရှင်ရုံးများထံ ပြန်လည်တင်ပြမှုများ ပြုလုပ်

အမျိုးသားဒီမိုကရေစီအဖွဲ့ချုပ် (NLD) မှ ကိုယ်စားလှယ်လောင်းရုပ်သိမ်းမှုများ၊ မှားယွင်းတင်သွင်းမှုများနှင့် ပတ်သက်၍ သက်ဆိုင်ရာ ခရိုင်ရွေးကောက်ပွဲကော်မရှင်ရုံးများထံသို့ ထိုသူများက ပြန်လည်တင်ပြမှုများ ပြုလုပ်နေကြောင်း NLD ပါတီ ပြောရေးဆိုခွင့်ရှိသူ ဦးဉာဏ်ဝင်းက ပြောကြားသည်။

Credit to: Eleven

See More>>>

(၃)   လွှတ်တော်ကိုယ်စားလှယ်လောင်းအဖြစ်မှ ပယ်ချခံရမှု အယူခံဝင်မည်ဟု ဦးရွှေမောင်ဆို

မွေးဖွားချိန်တွင် မိဘနှစ်ပါး နိုင်ငံသား မဟုတ်သောကြောင့် ကိုယ်စားလှယ်လောင်း လျှောက်ထားလွှာ ပယ်ချမှုကို ရခိုင်ပြည်နယ် ရွေးကောက်ပွဲကော်မရှင်ထံ အယူခံဝင် ဖြေရှင်းမည်ဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင်ဟောင်း ဦးရွှေမောင်က The Voice သို့ ပြောကြားသည်။

Credit to: The Voice

See More>>>

(၄)   နိုင်ငံရေး ရပ်တည်ချက် ကွဲပြားခြင်း မရှိကြောင်း NLD နှင့် ၈၈ ပူးတွဲကြေညာ

လာမည့် အထွေထွေရွေးကောက်ပွဲတွင် တိုင်းပြည် တည်ငြိမ်အေးချမ်းစွာ ပြုပြင်ပြောင်းလဲနိုင်ရေးအတွက် အမျိုးသားဒီမိုကရေစီအဖွဲ့ချုပ် (NLD) ပါတီ နှင့် ၈၈ ငြိမ်းချမ်းရေးနှင့် ပွင့်လင်းလူ့အဖွဲ့အစည်းအကြား နိုင်ငံရေးရပ်တည်ချက် ကွဲပြားခြင်း မရှိကြောင်း နှစ်ဖက်အဖွဲ့အစည်းများက ပူးတွဲ ထုတ်ပြန်ကြေညာသည်။

Credit to: The Voice

See More>>>

(၅)   အစိုးရဖွဲ့နိုင်သည်ဆိုသော ပါတီကြီးနှစ်ခုက ပြည်သူသို့ ကတိက၀တ် မထုတ်ပြန်နိုင်သေးချိန်တွင် ပါတီတစ်ခုက ကတိက၀တ် ရေးဆွဲထားပြီ

အစိုးရတစ်ရပ်ဖွဲ့နိုင်သည်ဟု ကြေညာထားသော အင်အားကြီး ပါတီကြီး နှစ်ခုက ရွေးကောက်ပွဲအပြီး အစိုးရဖွဲ့ဖြစ်ပါက ပြည်သူများသို့ လုပ်ဆောင်ပေးမည့် ကတိက၀တ်ကို ထုတ်ပြန်ကြေညာနိုင်ခြင်းမရှိ သေးသည့် အချိန်တွင် ကိုယ်စားလှယ်လောင်း တတိယအများဆုံးတင်ထားသော တစည (တိုင်းရင်းသား စည်းလုံးညီညွတ်ရေး ပါတီ)က ပြည်သူသို့ ကတိက၀တ် ကို ထုတ်ပြန်ရန် ပြင်ဆင်ထားပြီဖြစ်ကြောင်း သတင်းရရှိသည်။

Credit to;ပြည်မြန်မာ

See More>>> Attached file

(၆)   သူရဦးရွှေမန်း ပါတီမှ နုတ်ထွက်ပါက ထူးခြားသော ပြောင်းလဲမှု မရှိနိုင်ဟု ဦးဌေးဦး ပြောကြား

ကြံ့ခိုင်ရေးပါတီ၏ ဥက္ကဋ္ဌရာထူးမှ ထုတ်ပယ်ခံရသော ပြည်သူ့လွှတ်တော် ဥက္ကဋ္ဌ သူရဦးရွှေမန်း ပါတီမှ နုတ်ထွက်ပါကလည်း ပါတီတွင်း ထူးခြားသော ပြောင်းလဲမှု မဖြစ်နိုင်ကြောင်း လက်ရှိ ယာယီဥက္ကဋ္ဌ တာဝန်ယူထားသော ဦးဌေးဦးက The Voice သို့ ပြောသည်။“ထူးထူးခြားခြား ပြောင်းလဲမှုတော့မဖြစ်နိုင်ပါဘူး၊ နေရာတစ်နေရာတော့ လွတ်သွားတာပေါ့” ဟု ၎င်းက ဆိုသည်။

Credit to: ပြည်မြန်မာ

See More>>>

စစ်တပ်နှင့်တိုင်းရင်းသားလက်နက်ကိုင်သတင်း
(၁)
  တပ်မတော်အနေဖြင့် လွတ်လပ်ပြီးတရားမျှတသည့် ရွေးကောက်ပွဲဖြစ်ရန်ကို သာလိုလားပြီး ရွေးကောက်ပွဲရလဒ်ကိုလည်း လက်ခံသွားမည်ဟု တပ်မတော် ကာကွယ်ရေးဦးစီးချုပ်ပြောကြား တပ်မတော်ပိုင် စီးပွားရေးလုပ်ငန်းများကိုလည်း အချိန်သင့်သည့်အခါတွင် အများပိုင်လုပ်ငန်းများအသွင်ပြောင်းလဲဆောင်ရွက်သွားမည်ဟုဆို

တပ်မတော် အနေဖြင့် လွတ်လပ်ပြီး တရားမျှတ သည့်ရွေးကောက်ပွဲဖြစ်ရန်ကိုသာ လိုလားပြီး ရွေးကောက်ပွဲရလဒ်ကို လည်း လက်ခံသွားမည်ဖြစ်ကြောင်း နှင့် တပ်မတော်ပိုင်စီးပွားရေးလုပ်ငန်း များကိုလည်း အချိန်သင့်သည့်အခါတွင် အများပိုင်လုပ်ငန်းများအသွင် ဆောင် ရွက်သွားမည်ဟု တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။

Credit to: Democracy

See More>>> 

(၂)   တစ်နိုင်ငံလုံး အပစ်ရပ်စာချုပ်တွင် တိုင်းရင်းသားလက်နက်ကိုင်အဖွဲ့အားလုံး တစ်ပြိုင်နက်တည်း ပါဝင်ရေးမူအားဖြင့် ကိုင်စွဲ၍ အစိုးရနှင့် ဆွေးနွေးမည်

တစ်နိုင်ငံလုံး အပစ်အခတ်ရပ်စဲရေး သဘောတူစာချုပ် (NCA) လက်မှတ်ထိုးရာတွင် တိုင်းရင်းသားလက်နက်ကိုင်အဖွဲ့အားလုံး တစ်ပြိုင်နက်တည်း ပါဝင်ရေးကို မူအားဖြင့် ကိုင်စွဲ၍  အစိုးရနှင့် ဆွေးနွေးသွားမည် ဖြစ်သော်လည်း အစိုးရဘက်က လက်ခံခြင်း မရှိပါက NCA တွင် လက်မှတ်ထိုး၍ မရသေးသည့် အဖွဲ့များ နစ်နာမှု မရှိစေရေးနှင့် ယင်းအဖွဲ့များ ပါဝင်လာနိုင်ရေးအတွက် မည်ကဲ့သို့ နည်းလမ်းရှာမည် ဆိုသည်ကို ဆွေးနွေးသွားရန် သြဂုတ် ၂၁ ရက်မှ ၂၄ ရက်အထိ ထိုင်းနိုင်ငံ ချင်းမိုင်၌ ပြုလုပ်ခဲ့သော တိုင်းရင်းသားလက်နက်ကိုင်အဖွဲ့ ထိပ်သီးခေါင်းဆောင်များ အစည်းအဝေးက ဆုံးဖြတ်ခဲ့ကြောင်း သတင်းရရှိသည်။

Credit to: Eleven

See More>> 

(၃)   အပစ်အခတ်ရပ်စဲရေး လေးသင်္ချေနှင့် ကမ္ဘာတစ်သိန်းမှသာ ဖြစ်မည်

လက်နက်ကိုင် အဖွဲ့အစည်းများ အားလုံး ပါဝင်သော အပစ်အခတ် ရပ်စဲရေးမှာ လာမည့်လေးသင်္ချေနှင့် ကမ္ဘာတစ်သိန်းမှသာ ဖြစ်မြောက်လာနိုင်မည်ဟု KNU ဗဟိုအလုပ်အမှုဆောင် ဖဒိုမန်းငြိမ်းမောင်က ပြောသည်။

Credit to:Messenger

See More>>>

(၄)   မူဆယ်မြို့ အင်းဝဘဏ် အဆောက်အအုံအပြင်ဘက်တွင် သြဂုတ် ၂၄ ရက် ည ၉ နာရီ ၅၅ မိနစ်က ပေါက်ကွဲမှုဖြစ်ခဲ့

မူဆယ်မြို့ အင်းဝဘဏ် အဆောက်အအုံအပြင်ဘက်တွင် သြဂုတ် ၂၄ ရက် ည ၉ နာရီ ၅၅ မိနစ်က ပေါက်ကွဲမှုဖြစ်ခဲ့ ပြီး ပေါက်ကွဲမှုအရှိန်ကြောင့် ကိုက် ၅၀၀ အကွာခန့်ရှိနေအိမ်၊ အဆောက်အအုံများတွင်ပါ တုန်ခါမှုကို ခံစားရကြောင်း ဒေသခံများကပြောသည်။

Credit to: ပြည်မြန်မာ

See More>>>

နိုင်ငံတကာသတင်း

(၁)   တရုတ်စီးပွားရေး နှေးကွေးမှုကို စိုးရိမ်နေကြချိန်တွင် အာရှ၌ စတော့ဈေးနှုန်းများ ကျဆင်း၊ ရေနံဈေးနှုန်း ဆက်လက်ကျဆင်းပြီး ဒေါ်လာ ၄၀ အောက်သို့ ရောက်ရှိ

တရုတ်စီးပွားရေး နှေးကွေးမှုက ကမ္ဘာ့စီးပွားရေး တိုးတက်မှုကို ရိုက်ခတ်လာနိုင်ကြောင်း စိုးရိမ်မှုများ မြင့်တက်နေချိန်တွင် ရှန်ဟိုင်းစတော့ဈေးကွက်၌ ရှစ်နှစ်အတွင်း အဆိုးဆုံး ရှယ်ယာဈေးနှုန်းများ ကျဆင်းမှု ဖြစ်ပွားခဲ့ပြီး အာရှစတော့ဈေးကွက်သည် သြဂုတ် ၂၄ ရက်က သိသိသာသာ ကျဆင်းခဲ့သည်။

Credit to: Eleven

See More>>>

လူမှုရေးသတင်း
(၁)
  “ဦးပိုင်သည် စစ်မှုထမ်းဟောင်းများ၊ တပ်မတော်သားများ၊ ပြည်သူများအတွက်ဟု ကာချုပ် ပြော”

မြန်မာ့စီးပွားရေးဦးပိုင်လီမိတက်အနေဖြင့် တပ်မတော်သား မိသားစုဝင်များ၏ သက်သာချောင် ချိရေး၊ စစ်မှု ထမ်းဟောင်းများ၏ သက်သာချောင်ချိရေး၊ပြည်သူလူထု၏ သက်သာချောင် ချိရေးများ ဆောင်ရွက်ပေးနိုင် ရန်နှင့် နိုင်ငံတော် စီးပွားရေးအား အထောက်အကူပြုရန် ရည်ရွယ်ချက်များဖြင့် လုပ်ဆောင်နေခြင်း ဖြစ်ကြောင်း မနေ့က စာနယ်ဇင်းကောင်စီ (ယာယီ)နှင့် တွေ့ဆုံစဉ် ဗိုလ်ချုပ်မှူးကြီး မင်းအောင်လှိုင်က ပြောဆိုလိုက်ခြင်း သည်။

Credit to: Irrawaddy

See More>>>

အထွေထွေ     

(၁)   ဟားခါးမြို့ပေါ်ရှိ မြို့ဟောင်းရပ်ကွက် လုံးဝမနေသင့်တော့သဖြင့် အိမ်ထောင်စု ၅၂၀ ပြောင်းရွှေ့ရန် နေရာအသစ်တောင်းခံထားမှုကို ချင်းပြည်နယ်အစိုးရ သဘောတူညီ

ဟားခါးမြို့ ပေါ်ရှိ မြို့ဟောင်းရပ်ကွက် လုံးဝ မနေသင့်တော့ခြင်းကြောင့် အိမ် ထောင်စု ၅၂ဝပြောင်းရွှေ့ရန်နေရာ သစ်တောင်းခံထားကြောင်း ချင်း ပြည်နယ်အစိုးရအဖွဲ့သစ်တောနှင့် သတ္တုဝန်ကြီးဦးကျော်ငြိမ်းက ပြော သည်။

Credit to: Democracy

ရန်ကုန်မြို့သစ်စီမံကိန်းနောက်ကွယ်မှ

ပြည်သူတွေ စိတ်ဝင်စားနေတဲ့ ရန်ကုန်မြို့သစ် စီမံကိန်း နောက်ကွယ်က
တရုတ်လူမျိုး ရှောင်စန်း ။
================================================
ရန်ကုန်တိုင်း ဒေသကြီး လွှတ်တော်အစည်းအဝေးတွင် ရုတ်တရက် တင်လိုက်သော ကြည့်မြင်တိုင် တစ်ဖက်ကမ်း အေးရွာတွင် အကောင်အထည်ဖော်မည့် ရန်ကုန်မြို့သစ် စီမံကိန်အကြောင်း ပွက်လောရိုက် နေကြသည်။ ယင်း၏ အကျိုးဆက်အဖြစ် သြဂုတ်လ ၂၉ရက်နေ့တွင်မူ နိုင်ငံတော်ပိုင် သတင်းစာများတွင် တင်ဒါခေါ်ပြီးမှ ဆောင်ရွက်မည်
ဖြစ်ကြောင်း ပြန်လည်ကြေညာခဲ့ရသည်။ ထိုအေးရွာမြို့သစ် စီမံကိန်းကို ၂၀၁၃ခုနှစ် ဒီဇင်ဘာလတွင် ဖွဲ့စည်းလိုက်သော မြန်မာ့စေတနာ မြို့သစ် အများပိုင် ကုမ္ပဏီက အကောင်အထည်ဖော်ရန် မူလက လက်သိပ်ထိုး စီစဉ်ခဲ့ကြသည်။

ထိုကုမ္ပဏီ အပါအ၀င် Yangon Crown ကုမ္ပဏီ၊ Crown Advance ကုမ္ပဏီတို့၏ ပိုင်ရှင် အစစ်ကိုလည်း ပြည်သူများ သိလိုလာကြသည်။ ထိုကုမ္ပဏီများတွင် နာမည် ထည့်မထား သော်လည်း အမှန်ပိုင်ဆိုင်သူ နှစ်ဦးမှာ ရှောင်စန်းနှင့် ရှောင်စွတ်ဆိုသည့် တရုတ် ညီအစ်ကိုဖြစ်သည်။

ညီဖြစ်သူ ရှောင်စွတ်သည် တရုတ်နိုင်ငံမှ အင်ဂျင်နီယာဘွဲ့ ရထားသူဖြစ်ပြီး မြန်မာစကားကို ကောင်းစွာ မပြောတတ် ပေ။ ရှောက်စန်းသည် လွန်ခဲ့သည့် (၁၅)နှစ်က ယူနန်ပြည်နယ်မှ ၀င်ရောက်လာသည့် တရုတ်လူမျိုးဖြစ်ပြီး သူ၏ ဇနီးမှာ ယူနန်ပြည်နယ် အစိုးရအဖွဲ့ဝင်တစ်ဦး၏ သမီးဖြစ်ပြီး ကူမင်မြို့တွင် နေထိုင်သည်။

ရှောက်စန်းသည် တရုတ်နယ်စပ်မှ ၀ါယာကြိုးများကို ပြည်တွင်းသို့ တရားမ၀င် ခိုးသွင်းရင်း ယခင်ဆောက်လုပ်ရေး ၀န်ကြီး ဗိုလ်ချုပ်ခင်မောင်မြင့် အရှေ့ပိုင်းတိုင်း စစ်ဌာနချုပ် တိုင်းမှူး ဘ၀ကရင်းနှီးခဲ့သည်။ဗိုလ်ချုပ်ခင်မောင်မြင့်၏ အကူအညီဖြင့်ပင် ဆောက်လုပ်ရေးလောကထဲသို့ ရောက်လာခဲ့သည်။

ရှောင်စန်း လူမသိသူမသိ ရရှိခဲ့သော ဆောက်လုပ်ရေး လုပ်ငန်းများမှာ ပုသိမ်-သလပ်ခွာ ကားလမ်း (မော်တင်စွန်း ကားလမ်း)၊ ပခုက္ကူတံတားတွင် ဘိုးပိုင်လုပ်ငန်း အားလုံး၊ ညောင်တုန်း တံတားတွင် ဘိုးပိုင်လုပ်ငန်း အားလုံး၊ ဘိုကလေး ကျွဲခြံရေကျော် တံတား ဆောက်လုပ်ရေး၊ တောင်ကြီးမြို့နယ်နှင့် မိုင်းပွန်မြို့နယ်တွင် လျှပ်စစ်ရုံးများ ဆောက်လုပ်ရေး၊ တောင်ကြီးမြို့ အစိုးရ ၀န်ထမ်းအိမ်ရာ ဆောက်လုပ်ရေး၊ ဟံသာဝတီကားဝင်းကို ရန်ကုန်စည်ပင်နှင့် အကျိုးတူပူးပေါင်း ဆောင်ရွက်ခွင့်၊ လင့်လမ်းဘဏ်ရိပ်သာကို ကျပ်၈ဘီလျံဖြင့် ၀ယ်ယူခွင့်၊ မကွေး ကံပြားကားလမ်းဖောက်လုပ်ရေး၊ ငမိုးရိပ်တံတား ဆောက်လုပ်ရေး၊ လက်ပံတောင်းတောင် ကြေးနီစီမံကိန်းတွင် မြေတူးဖော်ရေး လုပ်ငန်းတို့ ဖြစ်သည်။

မြန်မာ့စေတနာ မြို့သစ် အများပိုင် ကုမ္ပဏီကို တရားဝင် မဖွဲ့စည်းမီကပင် ထိုမြို့သစ်အတွက် အဆောက်အဦး ဒီဇိုင်းများမှာ၂၀၁၃ခုနှစ် အောက်တိုဘာလတွင် ရေးဆွဲခဲ့ပြီးဖြစ်သည်။

ရှောင်စန်းသည် Yangon Crown ကုမ္ပဏီအမည်ဖြင့် Standard ၀ါယာကြိုးများ ထုတ်နေသလို၊ မြောင်းတကာ စက်မှုဇုန်တွင်လည်း သံချောင်းလုံး စက်ရုံဟု အမည်တပ်ထားသော သံမဏိ စက်ရုံတစ်ရုံ ပိုင်ဆိုင်ထားသည်။

ရှောင်စန်းသည် သူ၏ ကုမ္ပဏီများတွင် သူ၏လူယုံ မြန်မာလူမျိုးများ အမည်ကိုသာ ထည့်သွင်းလေ့ရှိသည်။ ဗိုလ်ကြီး အုန်းကျော်မြင့်၏ နိုင်ငံတော် လုပ်ကြံမှုတွင် အစိုးရသက်သေ လုပ်သွားသူ ဗိုလ်ကြီးဝင်းသိန်း၏ သားမက် မျိုးသိန်းထွေး ခေါ် သားပု၊ အောင်ကမ္ဘာ အောင်စိန်တို့ နှင့်အတူ ရှောင်စန်းသည် ပြည်သူ့ရင်ပြင်ကိုလည်း  Natutal World တို့ပြည်သား ကုမ္ပဏီ အမည်ဖြင့် နှစ်ရှည်ငှားရမ်းခွင့် ရထားသည်။ မည်သူမှ သတိမထား မိလိုက်သော်လည်း ရှောင်စန်းသည် ဦးသိန်းစိန် ၀န်ကြီးချုပ်ဘ၀ဖြင့် ပခုက္ကူတံတားတည်ဆောက်မှု စစ်ဆေးစဉ်ဦးသိန်းစိန်၏ ဘေးတွင်ကပ်လျက်ရပ်ပြီး ရှင်းပြနေပုံသည် နိုင်ငံပိုင် သတင်းစာများ မျက်နှာဖုံးတွင် ပါဝင်ခဲ့ဖူးသည်။

လက်ပံတောင်းတောင် ကြေးနီစီမံကိန်းကို အိုင်ဗင်ဟိုနှင့် ၀မ်ပေကွင် အလွဲအပြောင်းတွင် ပျောက်ဆုံးသွားသော ကြေးနီတန် ၃၀၀သည် ရှောင်စန်း၏ Yangon Crown ၀ါယာစက်ရုံ ဂိုဒေါင် အတွင်းမှ ပြန်မိသော်လည်း ရှောင်စန်းသည် တစ်စုံတစ်ရာ အရေးယူခံရခြင်း မရှိခဲ့ပေ။

ရန်ကုန်တိုင်း ၀န်ကြီးချုပ် ဦးမြင့်ဆွေ၏ သားမက် သြစတြေးလျ နိုင်ငံသား ခံယူထားသူ ဦးတာရာ မြင့်ဆွေသည် ရှောင်စန်း၏ Yangon Crown ကုမ္ပဏီတွင် ဒါရိုက်တာတစ်ဦး ဖြစ်သည်။ ယခင်ဆောက်လုပ်ရေး ၀န်ကြီး ဗိုလ်ချုပ် ခင်မောင်မြင့်၏ သူငယ်ချင်းများ ဖြစ်သော ဗိုလ်သင်တန်း အပတ်စဉ်(၄၉)မှ ဗိုလ်မှူးကြီး ခင်မောင်မြင့်၊ ဗိုလ်မှူးကြီး ဌေးအောင်၊ ဗိုလ်မှူးကြီး လှတင့်နှင့် ယခင်ယာဉ်ထိန်း တပ်ဖွဲ့မှူး ရဲမှူးကြီး အောင်နိုင်တို့သည် ရှောင်စန်းထံတွင် ရာထူးကြီးများ ရယူထားသည်။

ရန်ကုန် မြို့သစ်စီမံကိန်းမှာ အများပြည်သူ ယခုမှ သိရှိသော်လည်း ၂၀၁၄ ခုနှစ် ဖေဖော်ဝါရီကပင် မည်သည့် ခွင့်ပြုချက်မှ မကျသေးမီ ဆောက်လုပ်ရေးလုပ်ငန်းများ စတင်ဆောင်ရွက်ပြီး အဆောက်အဦးများ စတင် ဆောက်လုပ်နေပြီ ဖြစ်သည်။

ယခုမီဒီယာများနှင့် အများပြည်သူ ကန့်ကွက်မှတင်ဒါခေါ်မည်ဟု ကြေညာခဲ့သော်လည်း အေးရွာတွင် လယ်မြေဧက ထောင်ချီဝယ်ယူပြီး ဖြစ်သော ရှောင်စန်းမှလွဲပြီး အခြားမည်သူမှ တင်ဒါအောင်မြင်လိမ့်မည်မဟုတ်။ ထိုအချိန်တွင် ရှောင်စန်း မျက်လှည့်ပြထားမည့် ကုမ္ပဏီတစ်ခုက မည်သို့မည်ပုံ ရယူသွားမည်ကို စောင့်ကြည့်ရပေဦးမည်ဖြစ်သည်။

ယနေ.ထုတ် Tomorrow သတင်းဂျာနယ် မျက်နှာဖုံးသတင်းဆောင်းပါး

ုနိုင်ငံ့ဝန်ထမ်းတွေ ဘယ်တော့မှ ပြည်သူကို ကူမလဲ

Thai-Myanmar နယ်စပ်ဘုရားသုံးဆူ နယ်စပ်မျဉ်းပေါ်မှာကျနော်ရပ်နေပါတယ် နောက်ကိုခြေတလှမ်းဆုတ်ရင် မြန်မာမြေပဲ့ ကျနော့်နောက်မှာမြင်နေရတာက မြန်မာပိုင်နက် ဘုရားသုံးဆူမြို့ပါ ထိုင်းဖက်ခြမ်းနဲ့ယှဉ်လိုက်ရင် အလံတိုင်တခုပဲမြင့်ပြီး ကျန်တာအကုန်နိမ့်ပါတယ်။

ကျနော့်ညာဖက်ခြမ်းမှာက ထိုင်းလဝကဂိတ်ရုံးလေးတည်ရှိပြီး ထိုင်းတွေ Border Pass လုပ်ပြီးမြန်မာပြည်ဖက်ကိုဝင်နေကြတာတွေ့ပါတယ်။ အာ့နဲ့ပြောရအုံးမယ် အဲလိုထိုင်းတွေဝင်နေတော့ ကိုယ်လည်းသူတို့နောက်က တန်းစီပြီးဝင်လိုက်ပါတယ်။ ကိုယ့်အလှည့်ရောက်လို့ ဘဒ်ပချာချွန်(ထိုင်းမှတ်ပုံတင်)ဆိုပြီးတောင်းတော့ မြန်မာပတ်စပို့ကိုထုတ်ပြလိုက်ပါတယ်။

အဲဒီမှာ ထိုင်းလဝကကမျက်ကလူးဆန်ပြာဖြစ်သွားပြီး…ဟာ!! ဖမာ့ပဲ့..သွားလို့မရဘူး..ခွန်ထိုင်းပဲ့သွားလို့ရတယ် မင်းလာရာလမ်းကအခုပြန်လှည့် ပိုင်း…ပိုင်း..ဆိုပြီးနှင်လွှတ်ပါတယ်။ ကျနော်လည်း တော်တော်ကြောင်သွားပါတယ် ဗမာပြည်ထဲကို ဗမာဝင်လို့မရဘူး ခွန်ထိုင်းပဲ့ဝင်လို့ရတယ်ဆိုတော့။

အာ့နဲ့အပြင်ထွက်လာပြီးရပ်နေတုန်း ဗမာတယောက်ရောက်လာပြီး အကိုသုံးဆူဖက်ဝင်မလို့လား ကျနော်ဌာနကလူနဲ့ ညှိပေးမယ်လေ ဘတ် ၂၀၀ ပေးရမယ်ဆိုပြီးလာပြောပါတယ်။ အဲလိုပြောခိုက်မှာပဲ့ ခုနက ထိုင်းလဝကက ကျနော့်ကိုလက်ရပ်ခေါ်လိုက်ပါတယ်။ ကိုယ်လည်းထင်မိတာ ဒီထိုင်းခုမှစိတ်ကောင်းဝင်လို့သွားခိုင်းတာထင်ပြီး သူ့ဆီလျှောက်လာပါတယ်။ အဲမှာ သူပြောပြတယ် မင်းပတ်စပို့နဲ့က ဒီဂိတ်တွေကဝင်လို့မရဘူး ပုံမှန်ဂိတ် (ရနောင်း၊မဲဆောက်တို့လို) တွေကပဲ့ဝင်လို့ရတယ်ပေါ့။ ခုနကမြန်မာရဲနဲ့လုပ်စားနေတဲ့ကောင်တွေက

မင်းဆီကလိုင်းရိုက်ခ လည်းယူမယ်။ ပြီးတော့နောက်ရဲကို လက်ကုတ်ပြီး မင်းကိုပတ်စပို့နဲ့ဝင်လာတာကိုအကြောင်းပြုပြီး ထပ်နွှာမယ်။ မင်းတို့ဖမာ့အာဏာပိုင်တွေအကျင့်မင်းလည်းသိမှာပါ။

ပြန်လှည့်ပြီး တရားဝင်ဂိတ်တွေကပဲဝင်ပါ တခြားအပေါက်တွေရှိတယ် မင်းဝင်သွားလည်း ဘုရားသုံးဆူက သေးသေးလေး။ သူတို့ ချက်ချင်းရှာတွေ့တယ် လာရစ်ကြမှာ လို့ပြောပြပါတယ်။ အာ့နဲ့ကျနော်လည်း မဝင်ဖြစ်တော့ပဲ အနီးနားက ဗမာမတယောက်ရောင်းနေတဲ့ထမင်းဆိုင်မှာဝင်းစားပြီး ဖြစ်လာတဲ့အကြောင်း ပြောပြပါတယ်။ အဲဒီအမကြီးလည်းပြောတယ်။ ပတ်စပို့ရှိမှန်း မြန်မာဖက်ကအာဏာပိုင်တွေသိသွားရင် မဝင်တာပဲ့ကောင်းတယ်တဲ့ အဲသလိုနဲ့ခံရတဲ့လူပေါင်းများပြီလို့ပြောပါတယ်။ ကျနော်လည်း စံခဘူရီမြို့ထဲလိုင်းကားစီးပြီးပြန်ဝင်လာပါတော့တယ်။

လမ်းမှာစဉ်းစားမိတယ်။ ထိုင်းအာဏာပိုင်တွေဟာ ဘယ်လိုအခြေနေပဲ့ဖြစ်နေပစေ သူတို့ထိုင်းတွေ အချင်းချင်းကူညီတာပဲရှိတယ်။ ပျော့ကွက်ရှာပြီးမရစ်ကြမလုပ်စားကြဘူး။ မြန်မာအာဏာပိုင်ဆိုသူတွေ နိုင်ငံဝန်ထမ်း ဆိုသူတွေကတော့ အမြဲလိုလို အရပ်သားပြည်သူဆို အားနည်းချက်ရှာ ရစ်မယ် ညှစ်မယ် ရှာစားဖို့ပဲ အာရုံစိုက်နေကြတယ်။

ရှက်ဖို့ကောင်းတာက ဒီလုပ်ရပ်ကို ထိုင်းတွေတောင်သိနေပြီ….ဘယ်ခေတ်ဘယ်ခါကျမှပဲ့ နိုင်ငံဝန်ထမ်း အာဏာပိုင်တွေ ပြည်သူကိုကူညီတဲ့ခေတ်ရောက်ပါ့မလဲ..???

မေမြတ်နိုးနဲ့သရဖူကိစ္စ

998433_731923663514941_2016410539_n 139969788851f6ea_l may_myat_noe_02 maymyatnoe www.mmdailystar.com (13) i i
မြန်မာအလှမယ် မေမြတ်နိုးကို သရဖူရုတ်သိမ်းတာနဲ့ ပတ်သတ်ပြီး ပြောစရာလေး တွေရှိလာပါတယ်၊ အေဂျင်စီက လှနုထွန်းနဲ့ မေမြတ်နိုးတို့ကြား ဘယ်လိုတွေကတိကဝတ်တွေ ရှိခဲ့လဲတော့ သေချာမသိဘူး၊ အခုကြားထဲက ဝင်လာတဲ့ ကိုရီးယားအဖွဲ့ အစည်းအကြောင်းကို ပြောချင်တယ်၊ နိုင်ငံကိုယ်စားပြုမယ်တစ်ယောက်ကို ဒေါ်လာတစ်သိန်းတန် (တကယ်ကောတန်ရဲလား မသိ) သရဖူယူပြီးရှောင်နေပါတယ်ဆိုပြီး ကြေငြာချက်ထုတ်လိုက်ကတည်းက အဲ့ဒီအဖွဲ့အစည်းရဲ့ ကလေးကလားဆန်မှုနဲ. မရိုးသားမှုကို ဖော်ပြလိုက်သလိုပါပဲ။

နောက်ပြီး မေမြတ်နိုး ကိုရီးယားကိုမိခင်နှင့်အတူသွားတဲ့အပေါ်မှာရော အဲ့ဒီအဖွဲ့ အစည်းက မိခင်ကို ပြန်လွှတ်ပြီး မေမြတ်နိုးတစ်ယောက်ထဲနေခဲ့ဖို့ ဖိအားပေးတာကလည်း အဲ့ဒီအဖွဲ့အစည်းရဲ့ မရိုးသားမှုကို သိသာစေပါတယ်၊ အသက် နှစ်ဆယ်မပြည့်သေးတဲ့ မိန်းခလေးတစ်ယောက်ကို ဘယ်လိုမိဘက နိုင်ငံရပ်ခြားမှာတစ်ယောက်ထဲ ထားခဲ့နိုင်မလဲ၊ စဉ်းစားကြည့်ကြပါ၊ နောက်ထပ် ထပ်ပြီးမသင်္ကာစရာကတော့ ပြီးခဲ့တဲ့နှစ်တွေက လာရောက်ယှဉ်ပြိုင်ခဲ့တဲ့မယ်တွေထဲက သုံးယောက်ဟာ ထွက်ပြေးလို့ လေဆိပ်ထိတောင် လိုက်ဖမ်းယူရတယ်ဆိုတဲ့ သတင်းဟာလည်း ထွက်ပေါ်လာတယ်။

At the 2011 pageant Amy Willerton, a contestant representing Wales, along with a number of other contestants, claimed the pageant had been fixed after the girl representing Venezuela was apparently placed runner-up of the talent round before she had competed. Led by Willerton, the contestants demanded answers from organisers and later made claims that some contestants had been offered automatic top-ranking placements in exchange for sex, by organisers. The events were filmed by Willerton and other contestants (which were later uploaded to YouTube under the  title “Confessions of a Beauty Queen” and spread throughout the pageant industry). Subsequently, she and the representatives from Aletha Shepherd of Guyana and Costa Rica] and Pamela Peralta … fled their hotel to the airport, claiming the pageant organisers had tried to keep them
there against their will and had followed them to the airport to stop them escaping.The Korean National Police Agency and organizers denied all accusations.Willerton claimed that the organizers bribed the police officers.

ပထမဆုံးနှစ်မှာပဲ ကိုရီးယားအလှမယ် ဂျန်အန်းအာ ထိပ်ဆုံးအဆင့်ဝင်နိုင်ဖို့ ကာမကို အလှူတော်ပေးခဲ့ရတယ်စွပ်စွဲခံရပြီး ပြိုင်ပွဲကနေနုတ်ထွက် ဗြိတိန်အလှမယ် အေမီဝီလာတန်ကလည်း ပြိုင်ပွဲစီစဉ်သူတွေက လိင်ပိုင်းဆိုင်ရာ အကြမ်းဖက်စော်ကားဖို့ကြံစည်လို့ ထွက်ပြေးတိမ်းရှောင်ခဲ့ရကြောင်း တစ်ကမ္ဘာလုံးသိအောင် ရင်ဖွင့်ပြောပြခဲ့ရတဲ့အဖွဲ့အစည်း။ ခု အဲဒီအဖွဲ့အစည်းက မြန်မာတစ်မျိုးသားလုံး ကိုစော်ကားတာတော့ လက်မခံနိုင်ပါဘူး။

ဒီလိုမျိုးအခြေအနေမှာ မေမြတ်နိုးဘက်ကနေပြီးတော့ နိုင်ငံသားတစ်ယောက်အနေနဲ့ မားမားမတ်မတ်ရပ်တည်ရပါလိမ့်မယ်၊ သမိုင်းကြောင်းမကောင်းခဲ့တဲ့ ကိုရီးယားအဖွဲ့အစည်းကိုရော၊ မယ်တွေအပေါ်မှာ ကာကွယ်ရပ်တည်မှုလုံးဝမရှိပဲ ကိုယ့်အတွက်ပဲရှေ့တန်းတင်ပြီး ထိမ်းချုပ်ထားချင်တဲ့ လှနုထွန်းရဲ့အေဂျင်စီကိုရော၊ ဘာမှန်းညာမှန်းမသိ နိုင်ငံခြားတိုင်းပြည်က တခုခုရေးလိုက်၊ပြောလိုက်ရင် ကိုယ့်နိုင်ငံသားဘက်က သေသေချာချာ မစုံစမ်းမလေ့လာပဲ ရေးတတ်တဲ့သူတွေကိုရောသတိပေးချင်ပါတယ်။

Miss Asia Pacific World ဟာ စတင်တည်ထောင်တာ သုံးနှစ်တာဘဲရှိပါသေးတယ် ကိုရီးယားအနုပညာအမည်ခံအေဂျင်စီတွေဟာ သူတို့ရဲမော်ဒယ်တွေ သရုပ်ဆောင်တွေကို လုပ်ငန်းအောင်မြင်ဖိုအတွက် လူကိုချရင်းနှီးခိုင်းလေ့ ရှိပါတယ်။( သေသေချာချာဆက်စုံစမ်းရင် လူကုန်ကူးမှုလို.တောင် ခေါင်းစဉ်တပ်လို.ရနိုင်တယ် )

လွန်ခဲ့တဲ့လေးနှစ်လောက် အဲလိုမျိုး အတင်းစေခိုင်းလို သက်သေသွားတဲ့ ကိုရီးယား သရုပ်ဆောင်ရဲသေတမ်းစာမှာပါတဲ့ အချက်အလက်တွေကြောင့် သူဌေးတချိုနဲ့ ရုပ်သံဒါရိုက်တာတချိူ အရေးယူခံခဲ့ရပါတယ်။ APW organization Korea က ပွဲလုပ်တာ သုံးနှစ်ဘဲရှိပေမယ့် မေမြတ်နိုးနဲ့ပါဆိုရင် သရဖူသိမ်းတဲ့ အဖြစ်မျိုးက ၃ ကြိမ်ရှိပြီး လိုကြားပါတယ်ခင်ဗျာ။

မေမြတ်နိုးတစ်ယောက်ထဲကို လက်ညှိုးထိုးနေလို့တော့မပြီးဘူး။ ဘာတဲ့ …အလှမယ်ကို ထိန်းချုပ်မရလို့ အဲဒီအဖွဲ့အစည်းဆီကို လှမ်းတိုင်တယ်လို့လည်းကြားတယ်။ အဲဒီသူတွေရော ဒီလိုတန်းမရှိတဲ့ အဖွဲ့အစည်းနဲ့ ချိတ်ဆက်ဆောင်ရွက်ပြီး ပြည်တွင်းက ရိုက်စားလုပ်နေကြတဲ့ ပြိုင်ပွဲဝင်စေခဲ့ကြတဲ့သူတွေရော အားလုံးကိုရှုတ်ချပါတယ်။

စက်တင်ဘာ ၂ ရက် မေမြတ်နိုးရဲ့ ရှင်းလင်းပွဲဆီကနေလည်း နောက်ကွယ်မှာ ဖြစ်နေတဲ့လှို့ ၀ှက်ချက်တွေအားလုံးကို ပွင့်ပွင့်လင်းလင်းချပြရင်ဖွင့်ဖို့လည်းမျှော်လင့်နေပါတယ်။ တစ်နိုင်ငံလုံးကို ကိုရီးယားက ၃ နှစ်လောက်သာရှိသေးတဲ့ နံမည်ပျက်ရှိတဲ့၊ ဘာမဟုတ်တဲ့ အဖွဲ.အစည်းတစ်ခုက စော်ကားတာခံလိုက်ရတာ ရင်နာလို့မဆုံးဘူးးး။ လေးစားလျက်…။။

Beware of Logic

လောဂျစ်တွေ သတိထား

simple-logic-large

(၁)

လောဂျစ် (Logic)။ ကျွန်တော်တို့ မော်လမြိုင် ကောလိပ်တွင် ကျောင်းနေစဉ်က သင်ရသည်။

“ဗျိုင်းသည်ဖြူသည်။ ထုံးသည်ဖြူသည်။ ထို့ကြောင့် ထုံးသည် ဗျိုင်းဖြစ်သည်”

“ကျီးသည်မည်း၏။ မီးသွေးသည်မည်း၏။ ထို့ကြောင့် မီးသွေးသည် ကျီးဖြစ်၏”

ထိုလောဂျစ်များသည် မှားကြောင်းဆရာမက ထောက်ပြခဲ့သည်။

(၂)
အင်္ဂလိပ်တို့၏ စုန်းဟုတ်မဟုတ် စစ်ဆေးသောနည်းတွင် စုန်းယိုးသူကို ရေထဲချသည်။ ၁၅ မိနစ်ကြာတော့ ပြန်ဆယ်သည်။

မသေရင်စုန်း၊ မီးရှို့သတ်သည်။ သေရင်စုန်းမဟုတ်။ အပြစ်က လွတ်သည်။

ကြောက်စရာကောင်းသော လောဂျစ်ဖြစ်သည်။ နှစ် ၂၀၀ ကျော်ကြာမှ ထိုစီရင်ချက် မှားနေသည်ကို သိသည်။

ပြင်သစ်လူဝီဘုရင်၏ မိဖုရား Marie Antoinette (၁၇၅၅-၁၇၉၃) သည် ပြင်သစ်တော်လှန်ရေး ဖြစ်နေစဉ် လမ်းပေါ်တွင် ဘာတွေအော်နေတာလဲဟု သူမ၏ အထိန်းတော်များကို မေးသည်။ “လူတွေက ပေါင်မုန့်တောင်းနေတာပါ။ ငတ်နေကြလို့” ဟု အထိန်းတော်က ပြောသောအခါ “အတော်အတဲ့ လူတွေပဲ။ ပေါင်မုန့်မရှိရင် ကိတ်မုန့်စားပေါ့” ဟု ပြောဖူးသည်။

ထိုလောဂျစ်များကို အကန့်အသတ်ကြောင့်ဖြစ်သော လောဂျစ်မှားများဟု ဆိုသည်။ မိမိသိသော ဘောင်အတွင်းမှ တွေးတောရရှိသော လောဂျစ်သာ ဖြစ်သည်။

(၃)

ထိုလောဂျစ်မှားကြောင်း မသင်လည်း တတ်ပါသည်။ လူ၏ ဥာဏ်ရည်ဥာဏ်သွေး (Human Intelligence) သည် ဆင်ခြင်ခြင်းဖြင့် တိုးတက်သလို ဆင်ခြင်ရာမှလည်း ဥာဏ်ရည်ဥာဏ်သွေး တိုးတက်လာသည်။ အထူးသဖြင့် ကျွန်တော်တို့ မြန်မာလူမျိုးများသည် ဗုဒ္ဓအဘိဓမ္မာများကို ဖတ်ရသည်။ သင်ရသည် ဘုန်းတော်ကြီး ကျောင်းများတွင် တရားတွေ နာကြရသည်။

ခုံတော်မောင်ကျဘမ်းလို စာအုပ်တွေကို ဖတ်ရသည်။ စကားတောင်စားကို ဖတ်ရသည်။ ၅၅၀ နိပါတ်တော်၊ အီစွပ်ပုံပြင်များသည် ဥာဏ်ရည်ဥာဏ်သွေးကို ဆင်ခြင်တွေးခေါ်နိုင်သည့်ဘက်ကို ဦးတည်သည်။

ပုံပြင်များစွာတွင် ဒဿနတွေ ပါသလို လောဂျစ်တွေ ပါသည်။

ဗုဒ္ဓဘုရားရှင် လက်ထက်ကပါ။ သိဉ္စည်းဆရာကြီးကို တပည့်များက ပြောသည်။

“ဆရာကြီးဗုဒ္ဓရဲ့ တရားတွေဟာ အင်မတန် ကောင်းမွန်မှန်ကန် သင့်မြတ်တယ်။ ဒါကြောင့် လူလိမ္မာများစွာဟာ ဗုဒ္ဓဂေါတမနောက်ကို လိုက်သွားကုန်ကြပြီအရှင်၊ ဘယ်လိုလုပ်ကြမှာလဲ” ဒီလိုမေးတော့ ရဟန်းကြီးက ရယ်သတဲ့။

“တပည့်တို့ လောကမှာ လူမိုက်နဲ့ လူလိမ္မာ ဘယ်သူက များပါသလဲ”

“လူမိုက်က များပါတယ်”

“ဒါကြောင့် မင်းတို့မပူကြနဲ့။ ငါ့နောက်မှာလည်း တပည့်တွေများစွာ ရှိနေကြမှာပါပဲ”။ ၎င်းသည် လောဂျစ်ဖြစ်သည်။

အမှားအမှန်ကို ဆိုလိုသည် မဟုတ်။ ဒါဆိုရင် နောက်ဆက်တွေးကြည့်ပါ။ လူမိုက်အရေအတွက်တွေ များသည်။

ဆရာကြီးတွင် တပည့်တွေ များမည်။ ထို့ကြောင့် ဆရာကြီးသည် လူမိုက်ဖြစ်သည်။

သိဉ္စည်းဆရာကြီးကိုယ်တိုင် လူမိုက်တို့၏ ဆရာကြီးအဖြစ် မိမိကိုယ်မိမိ ခံယူကြောင်း သူ့စကားအရ သိနိုင်ပါသည်။

ဒီတော့ ဗုဒ္ဓ၏ မင်္ဂလာတရားကို ရှုနိုင်သည်။

“လူမိုက်ကို ပေါင်းသင်းရင် မင်္ဂလာ မရှိဘူး။ ပညာရှိကို ပေါင်းသင်းမှ မင်္ဂလာ ရှိမယ်”

မှန်သည်။ ထို့ကြောင့် မှန်ကန်သော လောဂျစ်ကိုရဖို့ ဆင်ခြင်ရန် လိုအပ်သည်။

(၄)
သို့သော် နိုင်ငံရေး နယ်ပယ်တွင် စကားအသုံးအနှုန်းတွေကို ပြင်ဆင်ကာ လူတွေကို လှည့်စားသည်။ ဥပမာ-

“ပြည်နယ်တွင် ပညာရေး တိုးတက်မှုအတွက် လုပ်ဆောင်ရာ အထက်တန်းကျောင်း အရေအတွက် ရာခိုင်နှုန်း ၂၀၀ တိုးမြင့်လာကြောင်း တွေ့ရသည်”။ ထိုသတင်းမျိုးကို ဖဆပလ လက်ထက်က တွေ့ရသည်။ အမှန်မှာ မူလက အထက်တန်းကျောင်း တစ်ကျောင်းသာ ရှိနေသော ပြည်နယ်တွင် ကျောင်းနှစ်ကျောင်း ဖြစ်လာကြောင်း ရေးနိုင်ပါသည်။ သို့သော် မရေးပါ။

ရာခိုင်နှုန်း ၂၀၀ တိုးတက်လာသည်ဟုရေးကာ လှည့်စားပါသည်။

မိုးလေ၀သကလည်း ကြေညာသည်။

ရွာရန်ရာခိုင်နှုန်း ၅၀ ဖြစ်ပါသည်တဲ့။ တကယ်တော့ “ရွာချင်ရွာမယ် မရွာချင်နေမယ်” ဟု ပြောသည်နှင့် တူသည်။

မကြာသေးမီက ဒေါက်တာဆိတ်ဖွားကို ရှာဖွေသည်။ (ကျွန်တော်လည်း နေပြည်တော်တွင် သွားရောက်အစစ်ခံရ ပါသည်)

ဤတွင် အစိုးရပိုင်းဆိုင်ရာ ပုဂ္ဂိုလ်တစ်ဦးက “ကျွန်တော်မဟုတ်ပါ။ ကျွန်တော့်လက်အောက် ၀န်ထမ်းလည်း တစ်ယောက်မှ မဟုတ်ပါ” ဟု ရဲရဲကြီး အာမခံသွားခဲ့သည်။

“ကျွန်တော်မဟုတ်ပါ” ဆိုသော စကားကို ဘယ်သူမဆို ပြောနိုင်ပါသည်။ ဒါပေမဲ့ “ကျွန်တော့်လက်အောက်က ၀န်ထမ်းလည်း တစ်ယောက်မှ မဟုတ်ပါ” ဆိုတာကိုတော့ စဉ်းစားစရာ ဖြစ်လာပါသည်။ ဘယ်အကြီးအကဲမှ မိမိဝန်ထမ်းဘာ ဆိုတာကို အတိအကျ မပြောနိုင်ပါ။ အမေရိကန်တို့၏ လျှို့ဝှက်ချက်ကို နာဆာမှဝန်ထမ်း ကွန်ပျူတာကျွမ်းကျင်သူ Edward Snowden သည် စုဆောင်းရယူခဲ့သည်။ ပြီးတော့ နိုင်ငံခြားကို ထွက်ပြေးခဲ့သည်။ ဒါကို အမေရိကန်တို့ မသိပါ။

မန္တလေးမှ ရဲစခန်းက အဖြစ်ကို ကြည့်ပါ။ ဆရာသည် တပည့်ကို နေရာတကာမှာ တာဝန်မခံနိုင်ပါ။ ထိုပုဂ္ဂိုလ်က သူတို့တစ်ယောက်မှ မဟုတ်ကြောင်း အတိအကျ ပြောနိုင်လျှင် ဆိတ်ဖွားသည် သူဖြစ်ရမည်ပေါ့။ ကျွန်တော်စွပ်စွဲသည် မဟုတ်ပါ။ လောဂျစ်ကို တင်ပြနေခြင်း ဖြစ်သည်။

(၅)
တစ်ခုတော့ ပြောလိုပါသည်။

စက်တင်ဘာ ၁၂ ရက်ထုတ် Daily Eleven သတင်းစာပါ နိုင်ငံဘဏ္ဍာငွေ အလွဲသုံးသူများ၏ နိုင်ငံခြားဘဏ် ငွေစာရင်း၊ အကောင့်ငါးခုနှင့် ပတ်သက်၍ မြန်မာအစိုးရ ပြောရေးဆိုခွင့်ရှိသူ ပြန်ကြားရေးဒုဝန်ကြီး ဦးရဲထွဋ်က Facebook စာမျက်နှာတွင် ရှင်းလင်းထားရာ အစိုးရအနေဖြင့် နိုင်ငံပိုင် ငွေများအား ပြည်ပတွင် လုံးဝအပ်နှံထားခြင်း မရှိကြောင်း ကမ္ဘာ့ဘဏ်ကလည်း ယင်းကိစ္စ မှန်ကန်မှု မရှိသည်ကို သတင်းထုတ်ပြန်ရန်ရှိကြောင်း ဖော်ပြထားသည်။

ထိုအချက်အလက်သည် သူ၏တင်ပြချက်ဖြစ်၍ လောဂျစ်သဘောအရ လက်ခံရပေမည်။

သို့သော် “ဒီလောက်များတဲ့ငွေတွေ ပြည်ပဘဏ်တွေမှာ (အပ်ထားတာကို)မြန်မာနိုင်ငံအပေါ် ဘဏ္ဍာရေးနဲ့ ငွေကြေးအရ အရေးယူပိတ်ဆို့ နှစ်ပေါင်းများစွာ လုပ်ဆောင်လာတဲ့ အမေရိကန် ပြည်ထောင်စုက မသိဘဲ နေပါ့မလား။ ဒီထက်နည်းတဲ့ ငွေစာရင်းတွေတောင် ရှာဖွေပြီး ပိတ်ဆို့နိုင်တဲ့ စွမ်းအားတွေ ရှိနေတယ်။ BIC လို NGO ကတောင် သိနိုင်ရင် အီးယူဘာကြောင့် မသိတာလည်း စဉ်းစားကြည့်ပေါ့” တဲ့။ ဤလောဂျစ်ကတော့ မှားပါသည်။

အမေရိကန် အစိုးရတို့ အီးယူတို့ မသိတာနဲ့ BIC လို NGO က သိတာကို ဆက်စပ်လို့ မရပါဘူး။

အချို့ကိစ္စကို တစ်ရပ်ကွက်လုံး သိကြပေမယ့် သမီးတို့အဖေ မသိတာမျိုးတွေ အများကြီးပါ။

မိဘနှစ်ပါးသာ သိပေမယ့် တစ်ရပ်ကွက်လုံး သိချင်မှ သိပါမည်။ ရပ်ကွက်ထဲက ဆိုက်ကားသမား မောင်တိုးသည် မြန်မာစကား ကျွမ်းကျင်သည်။ အေဘီစီဒီလောက်တော့ တတ်သည်။ သို့သော် အိုဘားမားက မင်္ဂလာပါဟုသာ ပြောနိုင်သည်။ ကကြီးခခွေး တတ်ပါ့မလား။ အိုဘားမားသည် အမေရိကန် သမ္မတကြီးပဲ ကကြီးခခွေးလောက်တော့ တတ်မှာပဲဟု မပြောနိုင်ပါ။

မြန်မာစကား ရှိသည်။ “ဆန်ခိုးမမိ ဖွဲခိုးမိတဲ့” နည်းတာကို သိပေမယ့် များတာမသိတာ ဘာမှမဆန်းပါဘူး။

(၆)
လောကကြီးမှာ မသိတာ မတတ်တာ အများကြီးပါ။ ပုံပြင်လေးတစ်ခုကို ပြောလိုသည်။

တစ်ခါက ခရစ်ယာန် ဘုန်းတော်ကြီးတစ်ပါးသည် လှေစီးကာ တစ်ဖက်ကမ်းသို့ ကူးသည်။ အခွင့်အခါရတုန်း တရားဟောမည်ဟု စိတ်ကူးကာ လှေသမားအား “မင်းဘုရားသခင်ကို သိလား”

“မသိပါအရှင်”

“ယေရှု ခရစ်တော်ကိုရော”

“မသိပါသခင်”

“ဒါဆို မယ်တော်မာရီကိုရော”

“မသိပါ”

“အင်း မင်းအတော်ခက်တဲ့ကောင်ပဲ မသိတာတွေ အများကြီးပဲ”

ဤတွင် မိုးသည်းထန်စွာ ရွာလာ၍ လေပြင်းတိုက်လာသည်။

“အရှင်ရေကူးတတ်လား”

“မတတ်ပါ”

“လှေကမှောက်တော့မယ်။ ကျွန်တော့် အင်္ကျီစကို သေသေချာချာ ဆွဲထားပါ။ မှောက်တဲ့လှေ ခိုစီးပြီးသွားမယ်။ ကျွန်တော့်ကို အသာဆွဲထား” လှေမှောက်သွားသည်။ သူတို့နှစ်ယောက် မှောက်သောလှေကို ခိုတွဲကာ ကမ်းကိုရောက်ခဲ့ကြသည်။

လောကမှာ မသိတာတွေ အများကြီးပါ။ အမေရိကန်နှင့် အီးယူတို့ကို အရမ်းအထင် မကြီးသင့်ပါ။

မြန်မာပြည်သူများလည်း သိတာတွေ အများကြီးပါ။ တစ်နှစ်တစ်နှစ် ဓာတ်ငွေ့ရောင်းရသော ဒေါ်လာဘီလျံ ဘယ်လောက်ရှိသလဲ။ သိသူတွေတော့ ရှိပါမည်။ အီးယူနှင့် အမေရိကန်တို့ မသိဘူးလို့တော့ မယူဆပါ။ (ဒါကတော့ ယူဆချက်သာ ဖြစ်သည်။ လောဂျစ်မဟုတ်ပါ)

စကားစ သတ်ပါတော့မည်။

အတွေးများကို မိမိသိသော ဘောင်အတွင်းမှ တွေးကြသည်။ မိမိကို သင်ကြားပေးသောကျောင်း (Institution) မှ ရရှိသော လောဂျစ်များဖြင့် ဆင်ခြင်ကြသည်။ ထိုဆင်ခြင်မှုသည် နှစ်ပေါင်း ၅၀ ကျော်အထိ အမြစ်စွဲနေကြသည်။

“ငါနှင့်မတူ ငါ့ရန်သူ” ဟူသော အတွေးမျိုးသည် မင်းအစိုးရ အားလုံးတွင် ရှိတတ်ကြသည်။ အမှန်တော့ နိုင်ငံသားအားလုံးတွင် တူညီသော ရည်ရွယ်ချက် ရှိသည်။ နိုင်ငံတော် တိုးတက်ဖို့ပါ။

ကမ္ဘာသား အားလုံးတွင်လည်း တူညီသော ရည်ရွယ်ချက် ရှိသည်။ ကမ္ဘာကြီး တိုးတက်ဖို့ပါ။

“ငါခေါင်းဆောင်ဖြစ်လို့ ငါပြောတာ မှန်တယ်” ဆိုသည့်ခေတ်ကို ထားပစ်ခဲ့ပါ။

မှန်ကန်စွာ ဆင်ခြင်တတ်ပါစေ။

(ဆောင်းပါးရှင်-ဒေါက်တာခင်မောင်ညို)

အမေရိကန် ဒဏ်ခတ်သူများ စာရင်းက ဘယ်သူတွေ လွတ်ကြမလဲ

Crony

မြန်မာ စစ်အစိုးရလက်ထက်က ခရိုနီလို့ သတ်မှတ်ခံထားသူတွေထဲက တချို့ဟာ အမေရိကန်ပြည်ထောင်စုရဲ့ နာမည်ပျက်စာရင်း သွင်းခံထားရာကနေ ပယ်ဖျက်ပေးဖွယ် ရှိနေတယ်လို့ သတင်းတွေ ထွက်ပေါ်နေပါတယ်။

ပြီးခဲ့တဲ့ ဇွန်လကုန်ပိုင်းက အမေရိကန်နိုင်ငံခြားရေး ဌာနက အရာရှိတချို့နဲ့ အမေရိကန်ရဲ့ နာမည်ပျက်စာရင်းဝင် မြန်မာစီးပွားရေး လုပ်ငန်းရှင်တချို့နဲ့ ရန်ကုန်မှာ တွေ့ဖြစ်ခဲ့ကြပါတယ်။

အမေရိကန် အရာရှိတွေကလည်း ခရိုနီလို့သတ်မှတ်ခံထားရတဲ့ မြန်မာသူဋ္ဌေးတွေ ဒီမိုကရေစီရေးကို ရှေးရှုရင် နာမည်ပျက်စာရင်းက ပယ်ဖျယ်ဖွယ် ရှိတယ်ဆိုတာ ပြောလာကြတယ်။

စာရင်းက လွတ်ဖို့ စစ်တပ်နဲ့ ရှင်းရှင်းနေဖို့နဲ့ လူ့အခွင့်အရေးချိုးဖောက်မှုတွေ မလုပ်ဖို့ လိုတယ်လို့ အမေရိကန်အစိုးရအရာရှိတွေက ဆိုတယ်။

အမေရိကန် နိုင်ငံခြားရေးဝန်ကြီးဌာနမှ ဒီမိုကရေစီ၊ လူ့အခွင့်အရေးနှင့် အလုပ်သမား ရေးရာ ဆိုင်ရာ လက်ထောက်ဝန်ကြီး တွမ်မာလင်နော့စကီးက ဧရာဝတီကို မကြာသေးခင်က ” စစ်တပ်နဲ့ စီးပွားရေး အဆက်အသွယ်ဖြတ်လိုက်ပြီလား၊ မြေယာ သိမ်းယူမှုကို ရှောင်ရှားခြင်း အပါအ၀င် လူ့အခွင့် အရေးကို လေးစားသလား၊ အရပ်ဖက်ဥပဒေတွေကို လိုက် နာသလားဆိုတာ ကျနော်တို့ ကြည့်သွားပါမယ်။ ဒီအရာတွေကို ပြသနိုင်ဖို့ အကောင်းဆုံး နည်းလမ်းတခုကတော့ စီးပွားရေး ပိုင်ဆိုင်မှုများအတွက် ယုံကြည်နိုင်လောက်တဲ့ လွတ်လပ်တဲ့ စာရင်းစစ် စနစ်ကို အသုံးပြုဖို့ နဲ့ သူတို့ရဲ့ လုပ်ငန်းဆောင်ရွက်မှုတွေမှာ ယုံကြည်နိုင်လောက်တဲ့ လွတ်လပ်တဲ့ လူမှုရေးနဲ့ သဘာဝပတ်ဝန်းကျင်ဆိုင်ရာ သက်ရောက်မှု အကဲဖြတ်မှုတွေရှိဖို့ ဖြစ်ပါတယ်။ ဒီကိစ္စမှာ ကုသိုလ်ဖြစ် လှူဒါန်းမှုတွေကို ထည့်သွင်းစဉ်းစားမှာ မဟုတ်ပါဘူး ဆိုတာ ရှင်းလင်းအောင်ပြောထားပြီး ဖြစ်ပါတယ်။ သူတို့ ပိုက်ဆံကို ဘယ်လို သုံး သလဲဆိုတာက အရေး မကြီးပါဘူး။ သူတို့ပိုက်ဆံ ဘယ်လိုရှာသလဲ ဆိုတာက အရေးကြီးပါတယ်” လို့ ပြောဆိုခဲ့တယ်။

ဦးသိန်းစိန်အစိုးရ တက်လာအပြီး အမေရိကန်နိုင်ငံက အရပ်သားနိုင်ငံရေးသမားများအဖြစ် ပြောင်းလဲခဲ့တဲ့ သမ္မတဦးသိန်းစိန်နဲ့ ၂၀၀၈ ခုနှစ်က မြောက်ကိုရီးယားနိုင်ငံသို့ ချစ်ကြည်ရေး ခရီးသွားရောက်ခဲ့တဲ့ ပြည်သူလွှတ်တော် ဥက္ကဌ ဗိုလ်ချုပ်ကြီးဟောင်း သူရဦးရွှေမန်းတို့ကို ဒဏ်ခတ်မှုစာရင်းက ပယ်ဖျက်ပေးခဲ့တယ်။

ဒါပေမယ့် မြန်မာလုပ်ငန်းရှင်ကြီးတွေကို မပယ်ဖျက်သေးတာကြောင့် မြန်မာနိုင်ငံက စီးပွားရေးလက်တွဲဖက်တွေလို့ မြင်ကြတဲ့  အမေရိကန် စီးပွားရေးသမားတွေက ဆူဆူညံညံ တောင်းဆိုလာနေကြတာကတကြောင်း၊ တရုတ်ဩဇာအောက်က ရုန်းထွက်လာနေတဲ့ မြန်မာကို လက်မလွှတ်ချင်ဘဲ ဆုပေးချင်တာက တကြောင်းကြောင့် ဒဏ်ခတ်မှုစာရင်းကို ပြင်ဖို့ လုပ်လာကြပါတယ်။။

ဇန်န၀ါရီလ လလယ်ပိုင်းတုန်းကလည်း ရန်ကုန်မြို့မှာ မြန်မာနိုင်ငံဆိုင်ရာ အမေရိကန် သံအမတ်ကြီး Derek Mitchell က မြန်မာလုပ်ငန်းရှင်ကြီးများနဲ့ တွေ့ဆုံခဲ့ပြီး အမေရိကန် ဘဏ္ဍာရေး ၀န်ကြီးဌာနက ဒဏ်ခတ်မှု စာရင်းအတွင်းက နာမည်အချို့ကို မကြာမီ ဖယ်ရှားပေးတော့မယ်လို့ သတင်းကောင်းပေးခဲ့ပါသေးတယ်။

အမေရိကန်အစိုးရ နိုင်ငံခြားရေးဌာနက စီးပွားရေး၊ ကုန်သွယ်မှု ဆိုင်ရာ လက်ထောက်နိုင်ငံခြားရေးဝန်ကြီး Charles H. Rivkin လည်း ရှေ့လ ရန်ကုန်ကိုလာပြီး မြန်မာစီးပွားရေးလုပ်ငန်းရှင်တွေနဲ့ တွေ့ဖို့ရှိပါတယ်။ ဒဏ်ခတ်မှုစာရင်းကို ပြန်ပြင်ရာမှာ သူ့ခရီးစဉ်က အရေးပါပါလိမ့်မယ်။

၂ဝ၁၂ ခုနှစ်ကတည်းက အမေရိကန်ပြည်ထောင်စုက မြန်မာအပေါ် တားဆီး ပိတ်ပင်အရေးယူထားတဲ့ ဒဏ်ခတ်ပိတ်ဆို့မှုတွေကို တော်တော်များများကို ဖြေလျှော့လာတာပါ။ ကိုကာကိုလာ ကုမ္ပဏီနဲ့ Western Union တို့လို ကုမ္ပဏီတွေကတော့ မြန်မာနိုင်ငံမှာ အခုဆိုရင် ရင်းနှီးမြှုပ်နှံနေကြပြီဖြစ်ပါတယ်။ ဒီအပြင် နောက်ထပ် အမေရိကန်ကုမ္ပဏီတွေကလည်း မြန်မာနိုင်ငံမှာ ရင်းနှီးမြှုပ်နှံချင်နေကြပါတယ်။

ဒါပေမယ့် မြန်မာနိုင်ငံတွင်းမှာ အမေရိကန်ကုမ္ပဏီတွေနဲ့ တွဲလုပ်မယ့် ငွေပင်ငွေရင်း အလုံးအရင်း ရှိသူတွေ တော်တော်များများက SDN လို့ ခေါ်တဲ့ ဒဏ်ခတ်မှု စာရင်း အမည်ပျက် စာရင်းဝင်ဖြစ်နေတာကြောင့် အမေရိကန်ဘက်က ကုမ္ပဏီတွေက မြန်မာခရိုနီတွေရဲ့ ကုမ္ပဏီတွေနဲ့ စီးပွားရေး အတူလုပ်ရင် ဥပဒေအရ မလွယ်တဲ့ အခြေအနေ ဆိုက်နေတာပါ။

လတ်တလောမှာပဲ အမေရိကန် ဘဏ္ဍာရေး ဝန်ကြီးဌာနက နာမည်ပျက်စာရင်း သွင်းထားတဲ့ မြန်မာကုမ္ပဏီပေါင်း ၁၂ဝ လောက်နဲ့ တသီးပုဂ္ဂလတွေ တော်တော်များများ ရှိနေတာပါ။

မြန်မာကုမ္ပဏီတွေကို အမေရိကန် ဘဏ္ဍာရေးဝန်ကြီးဌာနက နာမည်ပျက်စာရင်းသွင်းတာကလည်း ၂ဝ၁၁ ခုနှစ်မတိုင်ခင်ထိ မြန်မာနိုင်ငံကို စစ်အုပ်ချုပ်ရေးနဲ့ အုပ်စိုးခဲ့တဲ့ စစ်ဗိုလ်ချုပ်ကြီးတွေနဲ့ နီးစပ်ဆက်နွယ်ပြီး အခွင့်ထူးတွေ ခံစားခဲ့ကြလို့ဖြစ်တယ်။

ဆယ်စုနှစ်တွေနဲ့ ချီတဲ့ စစ်အုပ်ချုပ်ရေး သဘောအရ စီးပွားရေးကို စစ်တပ်ကပဲ အများဆုံး ထိန်းချုပ်ခဲ့တာဖြစ်ပြီး ကုမ္ပဏီတွေကလည်း မြန်မာ အစိုးရစစ်တပ်နဲ့ နက်နက်ရှိုင်းရှိုင်း ဆက်နွယ် ထိစပ်ကြရတာဖြစ်ပြီး အခုထိလည်း ဒီအရှိန်က ရှိနေဆဲပဲလို့ ကျွမ်းကျင်သူတွေက ဆိုကြပါတယ်။

“ တိုင်းပြည်မှာ အဓိက စီးပွားရေးကို လုပ်ဆောင်ကြသူ အများစုဟာ အခုထိလည်း သီးခြား ပစ်မှတ်ထား ဒဏ်ခတ်ခံထားရဆဲပါဘဲ” လို့ စီးပွားရေး ဒဏ်ခတ်ပိတ်ဆို့မှု ဆိုင်ရာ အထူးပြု ရှေ့နေ Erich Ferrari က Wall Street Journal သတင်းစာကို ပြောထားပါတယ်။

အမေရိကန်နိုင်ငံခြားရေး ဝန်ကြီး ဂျွန်ကယ်ရီ လွန်ခဲ့တဲ့ ရက်ပိုင်းက မြန်မာနိုင်ငံသွားစဉ် နာမည်ပျက်စာရင်းထဲ ရှိနေတဲ့ မြန်မာစီးပွားရေး လုပ်ငန်းရှင် မက်စ် ဦးဇော်ဇော် ပိုင်ဆိုင်တဲ့ ဟိုတယ်တခုမှာ တည်းခိုခဲ့တဲ့ကိစ္စဟာ အမေရိကန်အစိုးရရဲ့ ကြိုတင်အချက်ပြမှုလည်း ဖြစ်ကောင်းဖြစ်နေနိုင်ပါတယ်။

အမေရိကန်နိုင်ငံခြားရေး ဝန်ကြီးဌာနက နာမည်ပျက်စာရင်းဝင်လူ ပိုင်ဆိုင်တဲ့ ဟိုတယ်မှာ တည်းခိုလို့ အမေရိကန်ရဲ့ ဒဏ်ခတ်ပိတ်ဆို့မှု ဆိုင်ရာ ပြဌာန်းချက်ကို ချိုးဖောက်ရာမကျဘူးလို့ တုံ့ပြန်ဖြေရှင်းခဲ့ရပါတယ်။

ဒါပေမယ့် ဦးဇော်ဇော်ပိုင် ဟိုတယ်မှာ တည်းခိုတာဟာ အကျိုးတုန့်ပြန်ချက် နည်းမယ်ဆိုတာ အမေရိကန်တွေ တွက်ချက်ပြီးမှ ဆုံးဖြတ်ခဲ့ပုံပါ။

၂၀၁၁ ခုနှစ်ကုန်မှာ နိုင်ငံခြားရေးဝန်ကြီးဖြစ်ခဲ့တဲ့ ဟေလာရီကလင်တန် နေပြည်တော် လာတုန်းကလည်း ဦးဇော်ဇော်လို နာမည်သိပ်မဆိုးတဲ့ ဦးချစ်ခိုင်ပိုင်တဲ့ သင်္ဂဟဟိုတယ်မှာ ရွေးချယ်တည်းခိုသွားခဲ့ဖူးပါတယ်။

ဓမ္မစေတီခေါင်းလောင်း

1077388_268666556660857_1579143138261990949_o

ဘဘ ဦးစံလင်း ( မြေပုံ ) ခင်ဗျား….

ဝမ်းသာပါတယ် ဘဘ အခုလို ခေါင်းလောင်းကြီးကို ရှာဖွေနိုင် ( ဘဘ အပြောအရ ) တဲ့အတွက် အလွန်ပင်ဝမ်းသာရပါ၏…
ဘဘ ဒီလိုပဲပြောမယ်ဆိုတာ ကြိုတွက်ပြီးသားပါ ဘဘ ပြောထားတဲ့ရက် ကလည်း ပြည့်နေပြီ ဆိုတော့ ဘဘ ဒီလိုပဲ ပြောရတော့မှာပေါ့ ၊ ဘဘ တင် ဒါမျိုး ပြောတာမဟုတ်ပါဘူး ဘဘ အရင် ခေါင်းလောင်းကြီးကို ဆယ်ဖို့ ကြိုးစားခဲ့တဲ့ အဖွဲ့တိုင်း တွေ့ပြီလို့ပဲ ပြောခဲ့တာ , မတွေ့ဘူးလို့ဘယ်အဖွဲ့ကမှ မပြောခဲ့ဘူး, ခက်တာက တွေ့တယ်သာပြောကြတာ ကုန်းပေါ်ကိုတော့ အခုချိန်ထိ ရောက်မလာသေးဘူး..
တစ်ခုရှိတာက ဘဘ အရင် ရှာခဲ့တဲ့ ၁၁ ဖွဲ့ ကတော့ ခေါင်းလောင်းကို တွေ့ပြီ သို့သော် နည်းပညာလိုအပ်ချက်၊ အစီုးရရဲ့ ထောက်ပံ့မှု မရခြင်း,တွေ့ထားတာက ထုထည်ကြီးတဲ့ ဂျင်ပုံကြီး မို့ ခေါင်းလောင်းဆိုတာ ၁၀၀% မသေချာလို့ ဆိုပြီး ရိုးသားစွာ ဝန်ခံပြီး လက်လျော့ လိုက်ကြတယ်။

အခု ဘဘ ကြတော့ အရူးမို့လား မသိဘူး ထူးတယ်ခင်ဗျ …

ဘဘ က ဒါကြီးကို ဆယ်မယ်ဆိုပြီး Media အကြို ရှင်းလင်းပွဲ လုပ်ကတည်းက အရူးကွက်နဲ့ စခဲ့တာလေ …ဘဘ မှတ်မိမှာပါ..
ဘဘ ပဲ မျက်ရည် လည်ရွဲ နဲ့ ပထမ အခေါက်က တွေ့ပေမယ့် နဂါးတွေ စောင့်လို့ ဘဘ ကို ရေအောက်ထဲမှာ ဂုပ်ကို ဆွဲထားလို့ ဆယ်လို့မရခဲ့ဘူး
(ဂုပ်ကိုသာ ဆွဲ မထားဘူးဆိုရင် တစ်ခါတည်းပဲ ပွေ့ ယူလာတော့မလို) ဆိုပြီး Media ရှေ့မှာ မျက်ရည်နဲ့ မျက်ခွက် ငိုချင်းချ ပြီး အရူးကွက်စနင်းခဲ့တာ သားက မှတ်မိတယ်ခင်ဗျ….

Media ပွဲလဲ ပြီးရော ဘဘ ရဲ့ ခေါင်းလောင်းရှာပုံတော် စပြီဆိုပါတော့ အဲ့မှာလည်း ဘဘ လည်တယ်ခဗျ , စည်းပေါက်မယ် , မလိုအပ်တဲ့ ပြသနာ တွေ ဖြစ်လာမယ်ဆိုပြီး သတင်းမထုတ်ပြန်ဘူး ခင်ဗျ တစ်ကယ်တော့ ဘဘ မှာ ရေရေရာရာ ပြောစရာ သတင်းမှ မရှိတာ, ဘယ်သတင်းကိုထုတ်ပြန်မှာလဲ

ရှာပြီဟေ့ ဆိုတော့လည်း ရေအောက်ကြမ်းပြင် ပြတ်ရွေ့ခြင်းပထဝီ အနေအထား ပြောင်းလဲခြင်းဆိုတာတွေကို လုံးဝ ထည့်မတွက်ပဲ , လွန်ခဲ့တဲ့ နှစ်၄၀၀ လောက်က ကျသွားတဲ့ နေရာမှာပဲ ရေ တစွတ်စွတ် ငုပ် , radiator , metal detector တွေ မသုံးပဲ ရှာဖွေတဲ့ ဘဘ ရဲ့ ထင်ရာစိုင်း နည်းစနစ် တွေကိုအံ့သြ မိတာအမှန်ပဲ ခင်ဗျ။ အဲ့လိုနဲ့ ၁ ပတ်လောက်ကြာတော့ ဘဘ ထင်သလိုဖြစ်မလာတော့ အကျပ်ရိုက်ပြီ ,အဲ့ဒီမှာ ဘဘ ကို ကယ်လိုက်တာ နတ်စင်တစ်ရာ ဘုန်းကြီးခင်ဗျ။

ဘဘုန်းကလည်း နဂါးတွေ သိုက်တွေ လူဝင်စားတွေဆိုရင် ဘဘုန်းဂွင် တွေ ဆိုတော့ အခုရှာတဲ့နေရာကနေ ပေ ၂၀ လောက် ရွှေ့ရှာပါဆိုပြီး မိန့်တယ်ခင်ဗျ ….ဘဘ က လည်း နဂို ကတည်းက ဂယောင်ဆိုတော့ ဘဘုန်း ပြောတဲ့နေရာကို ရွှေ့ တယ်ခင်ဗျ ( မရွှေ့ရင်လည်း ဘဘ ဘာလုပ်ရမှန်းမှ မသိတော့တာ ) သောင်တူးစက်တောင် ပြောတဲ့နေရာ မရောက်သေးဘူး ဆရာတော်က ခေါင်းလောင်းတွေ့ပြီ ဆိုပြီး media တွေကို မိန့်လိုက်တယ် အဲ့လို ဘဘ တောင်မသိလိုက်ပဲ ဆရာတော်က ဖောလိုက်တော့ ဘဘ ရဲ့ ပြန်ကြားရေးတာဝန်ခံက ဘဘုန်းအရှက်မကွဲအောင် ခေါင်းလောင်းတော့တွေ့တယ် ဒါပေမယ့် ဓမ္မစေတီ မဟုတ်ဘူး ဆိုပြီး ထပ်ဖောရသေးတယ် , အဲ့ဒီ မှာ
ခေါင်းလောင်းက ၂ လုံးလား ဆိုပြီး media ကိုကိုမမ တို့ ယောင်စိန် တွေ ဖြစ်ကုန်ရော..
( ဘဘ တို့ အဖွဲ့က ရီရတာတော့ အမှန်ပဲ )

ဒါနဲ့ပဲ သောင်တူးစက်က ဘဘုန်း ထင်သလို ပြောလိုက်တဲ့နေရာ လည်းရောက်ရော ပွဲမစခင်ကတည်းက ဘဘ တတွတ်တွတ် ပြောနေတဲ့ ဘဘ သံယောဇဉ်ကြီးလှတဲ့ ဘဘ ရဲ့ အဓိက ဇတ်ကောင် နဂါးတွေ အပေါ်ကို ပိပါလေရောတဲ့။ အဲဒါကို အဲ့ ပိနေတဲ့ နဂါးထဲက တစ်ကောင်က လှည်းကူးမှာ နေတဲ့ အမယ်အိုကြီးကို ဝင်ပူးပြီး ဖယ်ပေးဖို့ ဖယ်မပေးရင် ခေါင်းလောင်းကို ဆယ်မရအောင် လုပ်ထားလိုက်မယ်ဆိုပြီး media ကနေတစ်ဆင့်ဖွလိုက်တယ် , ဒါပေမယ့် ဒီတစ်ခါတော့ ဘဘ နပ်သွားပြီ အရူးလိုလို ဘွားတော်လိုလို အဘွားကြီး ပြောတဲ့အတိုင်း မယောင် တော့ပဲ လုပ်စရာရှိတာ ဆက်လုပ်တယ်။ ဘဘ ရဲ့ hero နဂါးတွေ ဒုက္ခ ရောက်နေတာကို ဘဘ လက်ပိုက်ကြည့်နေကတည်းက နဂါး စောင့်တယ်လို့ ဘဘ ပြောခဲ့တာ ဖောကွက်( အရူးကွက် ) ဆိုတာ သိတဲ့လူကသိတယ် ဘဘရေ။

အခုတော့ ဘဘ ရဲ့ ပွဲသိမ်းရိုက်ချက် လာပြီ။ ခေါင်းလောင်းကိုတော့ တွေ့ပြီ ဒါပေမယ့် နဂါးထဲမှာ အကြီးဆုံး ရွှေရောင် နဂါးမင်းကြီးက ဆီမီးထွန်းပြီး ပူဇော် နေလို့ ဆယ်ဖို့ရက်ကို ခဏစောင့်ရအုံးမယ်လို့ ဘဘ ပြောပြီနော်။ ပွဲစပြီ ဆိုကတည်းက ဘာ တစ်လုံးမှ မပြောပဲ အ အ ကြီးလို နေလာတဲ့ ဘဘ က အခုတော့ သတင်းထုတ်ပြန်လိုက်ပြီပေါ့။ ကျွန်တော် အပေါ်မှာ ပြောခဲ့သလို ရှာတဲ့ အဖွဲ့တိုင်း တွေ့ပြီလို့ပြောပါတယ် ကုန်းပေါ်ကိုသာ မတင်နိုင်ကြတာ ပြည်သူလူထုကို မပြနိုင်ကြတာ အခု ဘဘ ကလည်း တွေ့တယ်လို့ပြောပြန်ပြီ။

ဒီတစ်ခါတော့ ကျွန်တော်တို့ မျက်ဝါးထင်ထင် တွေ့ဖူးအောင် , ဘဘ ကို တိုက်ခိုက်နေတဲ့ လူတွေ ပါးစပ်ပိတ်သွားအောင်. ဓမ္မစေတီခေါင်းလောင်းကြီး ဆိုတာ တစ်ကယ်ရှိပါလား ဆိုတာ ရှင်းသွားအောင် ဘဘ လုပ်နိုင်ပါ့မလား လို့ သံသယဝင်မိတယ် , ဘဘ ကလည်း အရူးလိုလို အထူးလိုလို ဂယောင်ဆိုတော့ ကျွန်တော်တို့ကတော့ မျက်စိရှေ့မှာ ခေါင်းလောင်းကြီးကို မြင်ရတော့မှပဲ ယုံတော့မယ် ဘဘရေ…။

နဂါးတွေ အကြောင်းကတော့ သူများတွေတော့မသိဘူး ကျွန်တော်ကတော့ ဘဘပြောနေတဲ့ နဂါး Story တွေဟာ ဘဘ ရဲ့ exit လို့ထင်မိတယ် …..ကမ္ဘာကျာ် လူလိမ်ကြီးတွေရဲ့ ဆိုရိုးစကားကလည်း ရှိတယ်လေ အဲဒါက “လိမ်တော့မယ်ဆိုရင် ကိုယ်ရှူးကိုယ်ပတ် အဖြစ်ကနေ လွတ်မြောက်အောင် ထွက်ပေါက် ဖန်တီးထားပါ ” ဆိုတဲ့ စကားပါပဲ အခု ဘဘလည်း ခေါင်းလောင်းကို ဆယ်မရဘူး ဆိုတဲ့အခါ အကြောင်းပြချက် ရအောင် နဂါး story တွေကို ပွဲမစခင်ကတည်းက ပြောလာတယ်လို့ ထင်မိပါကြောင်း။

အဲ့လိုမဟုတ်ဘဲ တစ်ကယ်ကို ခေါင်းလောင်းကြီး ကို ဆယ်နိုင်ပြီ ဆိုရင် ခေါင်းလောင်းတီးဖို့ ငပိရိုး နဲ့အတူ ရင်ခုန်စွာ စောင့်နေပါ့မယ် ဘဘ ရေ (ခေါင်းလောင်းက ငပိရိုး နဲ့ထိုးမှ အသံထွက်မယ်ဆိုလို့ ) 

ဘဘ လို ဂယောင်ကို ခင်တဲ့
ဖိုးသား ( ငပိရိုးနဲ့စောင့်နေသူ)