ကဲ.. ဘော်ဒါတို့ရေ..။ Like and Share လုပ်ပြီး သွားအားပေးလိုက်ပါဦးဗျို့..။ သူကလေးက 2013 ခုနှစ်ကလည်း ဝင်ပြိုင်ဖူးသဗျ..။
Dear all, please kindly check the link below and hit share and LIKE with your facebook via this link. I just notice her since from 2013 Miss Myanmar International. Gorgeous and attractive smile make her beauty.
(၁) ကျောက်စိမ်းလုပ်ကွက် ဧရိယာနည်းပြီး အထွက်လျော့၍ လုပ်ကိုင်လိုသူ နည်းလာ
ဖားကန့်ရှိ ကျောက်စိမ်း တူးဖော်ရေးလုပ်ကွက်များတွင် ထပ်မံတူးဖော်ရန် လုပ်ကွက်ဧရိ ယာနည်းပါးသွားပြီး ကျောက် ထွက်ရှိမှုလျော့ကျလာ၍ လုပ်ကိုင်လိုသည့် ကုမ္ပဏီများနည်းပါး လာကြောင်း သတ္တုတွင်းဝန်ကြီး ဌာန ညွှန်ကြားရေးမှူးချုပ် ဦးဝင်းထိန်က ပြောသည်။
Credit to: 7 Day
(၂) တင်ဒါအောင်ကျောက်စိမ်းများကြောင့် မန္တလေး ကျောက်စိမ်းဈေးကွက် အနည်းငယ် ကျဆင်းဖွယ်ရှိ
ဖားကန့်မြို့ မဏိရတနာ ကျောက်စိမ်းခန်းမတွင် သြဂုတ်လ ၂၁ ရက်နေ့က ကျင်းပပြီးစီးခဲ့ သည့် ရွေးကျန်ကျောက်စိမ်းတင်ဒါအောင် ကျောက်များ မန္တလေးမြို့ကျောက်စိမ်းဈေးကွက် အနည်းငယ် ကျဆင်းသွားနိုင်ကြောင်း မန္တလေးမြို့ရှိ ကျောက်စိမ်းဈေးမှ ကျောက်စ်ိမ်းကုန်သည်များမှ ပြောကြားသည်။
Credit to:Eleven
လေကြောင်းသတင်း
(၁) Silk Air နှင့် Singapore လေကြောင်းလိုင်းများ အောက်တိုဘာမှ စ၍ ရန်ကုန်-စင်ကာပူ ခရီးစဉ်အား တစ်ပတ်လျှင် အကြိမ် ၂၀ သို့ တိုးမြှင့်ပျံသန်းမည်
ရန်ကုန်-စင်ကာပူခရီးစဉ် ပျံသန်းနေသော လေကြောင်းလိုင်းများဖြစ်သည့် Singpore Airlines နှင့်ှsilk Air လေကြောင်းလိုင်းများသည် လာမည့် အောက်တိုဘာလမှ စ၍ တစ်ပတ်လျှင် အကြိမ် ၂၀ သို့ တိုးမြှင့်ပျံသန်းမည်ဖြစ်ကြောင်း Silk Air လေကြောင်းလိုင်း ရန်ကုန်မြို့သို့ ပျံသန်းခြင်း ၂၅နှစ်မြောက် နှစ်ပတ်လည် အခမ်းအ
နားပွဲမှ သိရသည်။
Credit to: Eleven
စီးပွားရေးနှင့်ရင်းနှီးမြှုပ်နှံမှုသတင်း
(၁) မြန်မာအပါအဝင် မဲခေါင်ဒေသနိုင်ငံများ ဂျပန်နှင့် ပူးပေါင်း၍ စက်မှုလုပ်ငန်းထူထောင် ရေး စီမံကိန်းဆောင်ရွက်ရန် သဘောတူ
မြန်မာအပါ အဝင် မဲခေါင်ဒေသနိုင်ငံများ ဂျပန် နိုင်ငံနှင့်ပူးပေါင်း၍ စက်မှုလုပ်ငန်း ထူထောင်ရေးစီမံကိန်းကို ဆောင်ရွက် သွားရန် ဩဂုတ် ၂၄ ရက်က သဘော တူညီခဲ့ကြကြောင်း သိရသည်။
Credit to: Democracy
(၂) ထားဝယ်၌ LNG သိုလှောင်ဖြန့်ဖြူးရေးစက်ရုံတည်ဆောက်ရန် Shell ကုမ္ပဏီနှင့် ပူးပေါင်းမည်
ထားဝယ် အထူးစီးပွားရေးဇုန် ၌ တည်ဆောက်မည့် သဘာဝ ဓာတ်ငွေ့အရည် LNG သိုလှောင် ဖြန့်ဖြူးရေး စက်ရုံတည်ဆောက်ရန် ပြီးခဲ့သည့် သြဂုတ်လ တတိယအပတ်အတွင်းက Italian-Thai Development ကုမ္ပဏီနှင့် LNG Plus International ကုမ္ပဏီတို့ ဘန်ကောက်၌ သဘောတူလက်မှတ်ရေးထိုး ခဲ့ကြောင်း သြဂုတ် ၂၄ ရက် ဘန်ကောက်ပို့စ် သတင်းအရသိရသည်။
Credit to: Democracy
ငွေကြေးနှင့်ဘဏ်သတင်း
(၁) ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအတွက် JICA ထံမှ ဂျပန်ယန်း ၂၄ ဘီလျံကျော် ချေးယူခွင့်ပြုရန် လွှတ်တော်သို့ တင်ပြ
ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအတွက် ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) ထံမှ ဂျပန်ယန်း ၂၄ ဒသမ ၈၆၆ ဘီလျံ ချေးယူခွင့်ပြုရန် ရထားပို့ဆောင်ရေးဝန်ကြီးဌာန ဒုတိယ၀န်ကြီး ဦးမြင့်သိန်းက လွှတ်တော်သို့ တင်ပြခဲ့သည်။
Credit to: Eleven
(၂) နိုင်ငံခြားငွေဖြင့် ၀န်ဆောင်မှုနှင့် ကုန်ပစ္စည်းရောင်းချမှုများကို အရေးယူမည်ဟုဆို
ပြည်တွင်း၌ အမေရိကန် ဒေါ်လာတန်ဖိုးမြင့်တက်မှုကို လျှော့ချရန် ကုန်ပစ္စည်းများ၊ ၀န် ဆောင်မှုများအား နိုင်ငံခြားငွေဖြင့်ရောင်းချမှုကို အရေးယူရန်စီစဉ်နေကြောင်း မြန်မာနိုင်ငံဗဟိုဘဏ်မှ သတင်းရရှိသည်။
Credit to: 7 Day
အိမ်၊ ခြံ၊ မြေ၊ လယ်ယာသတင်း
(၁) ဒဂုံစီးတီးမြေနေရာ အစားပေးမှု အစိုးရနှင့် ဆွေးနွေးဆဲဟုဆို
ရပ်ဆိုင်းခံထားရသည့် ဒဂုံစီးတီးစီမံကိန်းကို မြေနေရာအ စားပြန်ပေးခြင်းနှင့် ပတ်သက်၍ လတ်တလောတွင် အစိုးရနှင့် ဆွေးနွေးနေဆဲအဆင့်သာရှိသေးသည်ဟု အဆိုပါကုမ္ပဏီမှသတင်း ရရှိသည်။
Credit to: 7 Day
(၂) ဗိုလ်ဗထူး တိုက်ခန်းဝယ်သူများ ငွေသွင်းချိန် နောက်ကျပါက ဒဏ်ရိုက်မည်
တန်ဖိုးမျှတ အိမ်ရာစီမံကိန်းများတစ်ခုဖြစ်သော ဗိုလ်ဗထူး အိမ်ရာစီမံကိန်းတိုက်ခန်း ၀ယ်ယူထားသူများအနက် ငွေသွင်း၇န် ကျန်ရှိသူများအနေနှင့် သတ်မှတ်ရက်ထက် နောက်ကျပါက ရက်လွန် ဒဏ်ကြေး အဖြစ် ဒဏ်ရိုက်မည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာ ဌာန (အဆောက်အအုံ)မှ အကြီးတန်းအရာရှိတစ်ဦးက ပြောကြားသည်။
Credit to:Eleven
(၃) ဥယျာဉ်မြေကို အိမ်ရာမြေပြောင်းခြင်းက ပိုင်ဆိုင်မှုအပေါ် သက်ရောက်မှု မရှိဟုဆို
ထားဝယ်မြို့ပေါ် ၁၅ရပ်ကွက်ရှိ ဥယျာဉ် ခြံမြေ အဖြစ်ရှိနေသေးသည့် မြေများကို အိမ်ရာမြေအဖြစ် ပြောင်းလဲခြင်းသည် ပိုင်ဆိုင်သူအမည် အပြောင်းအလဲ ပြုလုပ်၍ မရသည့်အတွက် ပိုင်ဆိုင်မှုအပေါ် သက်ရောက်မှုမရှိနိုင်ကြောင်း ထားဝယ်မြို့နယ် လယ်ယာမြေစီမံခန့်ခွဲ ရေးနှင့် စာရင်းအင်းဦးစီးဌာနထံမှ သိရသည်။
Credit to: Eleven
(၄) ဖဆပလ အိမ်ရာနှင့် လမ်းသစ်ရိပ်သာ အိမ်ရာတို့ကို အဆင့်မြှင့်တင် ပြန်လည်တည်ဆောက်ရန် ညှိနှိုင်းမှုများ ပြုလုပ်နေ
ဆောက်လုပ်ရေးဝန်ကြီးဌာန မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ တည်ဆောက်ပေးခဲ့သော ပြည်သူ့အိမ်ရာများထဲ ဖဆပလ အိမ်ရာနှင့် လမ်းသစ်ရိပ်သာအိမ်ရာတို့ကို အဆင့်မြှင့်တင် ပြန်လည်တည်ဆောက်ရန်အတွက် ညှိနှိုင်းမှုများ ပြုလုပ်လျက်ရှိကြောင်း ရန်ကုန်တိုင်းဒေသကြီး မြို့ပြနှင့် အိမ်ရာဖွံ့ဖြိုးရေး ဦးစီး
ဌာတိုင်းဒေသကြီး ညွှန်ကြားရေးမှုး ဦးယုခိုင်ကေ ပြာသည်။
Credit to:ပြည်မြန်မာ
နိုင်ငံရေးသတင်း
(၁) မြန်မာနိုင်ငံ၌ ဒီမိုကရေစီ အပြည့်အ၀ ရရှိပြီဟု ၉၅ ရာခိုင်နှုန်းက မယူဆဘဲ ငါးရာခိုင်နှုန်းကသာ ယူဆကြောင်း 2015 Myanmar Asian Barometer Survey (ABS) စစ်တမ်းတွင် ဖော်ပြ
မြန်မာနိုင်ငံ၌ ဒီမိုကရေစီ အပြည့်အ၀ ရရှိပြီဟု ၉၅ ရာခိုင်နှုန်းက မယူဆဘဲ ၅ ရာခိုင်နှုန်းကသာ ယူဆကြောင်း 2015 Myanmar Asian Barometer Survey (ABS) စစ်တမ်းတွင် ဖော်ပြခဲ့သည်။
Credit to: Eleven
(၂) ဦးသိန်းစိန်ကို သမ္မတ ထပ်ဖြစ်ရန် လိုလားသူ ၁၆ ရာခိုင်နှုန်းရှိဟု စစ်တမ်းဆို
လက်ရှိအစိုးရအဖွဲ့ကို ဦးဆောင်သူ နိုင်ငံတော်သမ္မတ ဦးသိန်းစိန်ကို လာမည့် သက်တမ်းအတွက် သမ္မတထပ်ဖြစ်ရန် လိုလားသူ ၁၆ ရာခိုင်နှုန်း ရှိကြောင်း အာရှဘာရိုမီတာ ဆာဗေးအဖွဲ့ ပါမောက္ခ Ms. Bridget Welsh က ပြောကြား သည်။
Credit to: The Voice
လွှတ်တော်နှင့်နိုင်ငံရေးပါတီသတင်း
(၁) ဒေါ်အောင်ဆန်းစုကြည်၏ ကိုယ်စားလှယ်လောင်းစိစစ်မှု ကန့်ကွက်သူမရှိ အောင်မြင်
၂၀၁၅ အထွေထွေရွေး ကောက်ပွဲ ၀င်ရောက်ယှဉ်ပြိုင် မည့် ဒေါ်အောင်ဆန်းစုကြည်၏ ကိုယ်စားလှယ်လောင်းစိစစ်လွှာ ကန့်ကွက်သူမရှိအောင်မြင်ကြောင်း ရန်ကုန် တောင်ပိုင်းခရိုင် ရွေး ကောက်ပွဲ ကော်မရှင် အဖွဲ့ခွဲမှ သတင်းရရှိသည်။
Credit to: 7 Day
(၂) NLD က ကိုယ်စားလှယ်လောင်း ရုပ်သိမ်းမှုများ၊ မှားယွင်းတင်သွင်းမှုများနှင့် ပတ်သက်၍ သက်ဆိုင်ရာ ခရိုင်ရွေးကောက်ပွဲ ကော်မရှင်ရုံးများထံ ပြန်လည်တင်ပြမှုများ ပြုလုပ်
အမျိုးသားဒီမိုကရေစီအဖွဲ့ချုပ် (NLD) မှ ကိုယ်စားလှယ်လောင်းရုပ်သိမ်းမှုများ၊ မှားယွင်းတင်သွင်းမှုများနှင့် ပတ်သက်၍ သက်ဆိုင်ရာ ခရိုင်ရွေးကောက်ပွဲကော်မရှင်ရုံးများထံသို့ ထိုသူများက ပြန်လည်တင်ပြမှုများ ပြုလုပ်နေကြောင်း NLD ပါတီ ပြောရေးဆိုခွင့်ရှိသူ ဦးဉာဏ်ဝင်းက ပြောကြားသည်။
Credit to: Eleven
(၃) လွှတ်တော်ကိုယ်စားလှယ်လောင်းအဖြစ်မှ ပယ်ချခံရမှု အယူခံဝင်မည်ဟု ဦးရွှေမောင်ဆို
မွေးဖွားချိန်တွင် မိဘနှစ်ပါး နိုင်ငံသား မဟုတ်သောကြောင့် ကိုယ်စားလှယ်လောင်း လျှောက်ထားလွှာ ပယ်ချမှုကို ရခိုင်ပြည်နယ် ရွေးကောက်ပွဲကော်မရှင်ထံ အယူခံဝင် ဖြေရှင်းမည်ဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင်ဟောင်း ဦးရွှေမောင်က The Voice သို့ ပြောကြားသည်။
Credit to: The Voice
(၄) နိုင်ငံရေး ရပ်တည်ချက် ကွဲပြားခြင်း မရှိကြောင်း NLD နှင့် ၈၈ ပူးတွဲကြေညာ
လာမည့် အထွေထွေရွေးကောက်ပွဲတွင် တိုင်းပြည် တည်ငြိမ်အေးချမ်းစွာ ပြုပြင်ပြောင်းလဲနိုင်ရေးအတွက် အမျိုးသားဒီမိုကရေစီအဖွဲ့ချုပ် (NLD) ပါတီ နှင့် ၈၈ ငြိမ်းချမ်းရေးနှင့် ပွင့်လင်းလူ့အဖွဲ့အစည်းအကြား နိုင်ငံရေးရပ်တည်ချက် ကွဲပြားခြင်း မရှိကြောင်း နှစ်ဖက်အဖွဲ့အစည်းများက ပူးတွဲ ထုတ်ပြန်ကြေညာသည်။
Credit to: The Voice
(၅) အစိုးရဖွဲ့နိုင်သည်ဆိုသော ပါတီကြီးနှစ်ခုက ပြည်သူသို့ ကတိက၀တ် မထုတ်ပြန်နိုင်သေးချိန်တွင် ပါတီတစ်ခုက ကတိက၀တ် ရေးဆွဲထားပြီ
အစိုးရတစ်ရပ်ဖွဲ့နိုင်သည်ဟု ကြေညာထားသော အင်အားကြီး ပါတီကြီး နှစ်ခုက ရွေးကောက်ပွဲအပြီး အစိုးရဖွဲ့ဖြစ်ပါက ပြည်သူများသို့ လုပ်ဆောင်ပေးမည့် ကတိက၀တ်ကို ထုတ်ပြန်ကြေညာနိုင်ခြင်းမရှိ သေးသည့် အချိန်တွင် ကိုယ်စားလှယ်လောင်း တတိယအများဆုံးတင်ထားသော တစည (တိုင်းရင်းသား စည်းလုံးညီညွတ်ရေး ပါတီ)က ပြည်သူသို့ ကတိက၀တ် ကို ထုတ်ပြန်ရန် ပြင်ဆင်ထားပြီဖြစ်ကြောင်း သတင်းရရှိသည်။
Credit to;ပြည်မြန်မာ
See More>>> Attached file
(၆) သူရဦးရွှေမန်း ပါတီမှ နုတ်ထွက်ပါက ထူးခြားသော ပြောင်းလဲမှု မရှိနိုင်ဟု ဦးဌေးဦး ပြောကြား
ကြံ့ခိုင်ရေးပါတီ၏ ဥက္ကဋ္ဌရာထူးမှ ထုတ်ပယ်ခံရသော ပြည်သူ့လွှတ်တော် ဥက္ကဋ္ဌ သူရဦးရွှေမန်း ပါတီမှ နုတ်ထွက်ပါကလည်း ပါတီတွင်း ထူးခြားသော ပြောင်းလဲမှု မဖြစ်နိုင်ကြောင်း လက်ရှိ ယာယီဥက္ကဋ္ဌ တာဝန်ယူထားသော ဦးဌေးဦးက The Voice သို့ ပြောသည်။“ထူးထူးခြားခြား ပြောင်းလဲမှုတော့မဖြစ်နိုင်ပါဘူး၊ နေရာတစ်နေရာတော့ လွတ်သွားတာပေါ့” ဟု ၎င်းက ဆိုသည်။
Credit to: ပြည်မြန်မာ
စစ်တပ်နှင့်တိုင်းရင်းသားလက်နက်ကိုင်သတင်း
(၁) တပ်မတော်အနေဖြင့် လွတ်လပ်ပြီးတရားမျှတသည့် ရွေးကောက်ပွဲဖြစ်ရန်ကို သာလိုလားပြီး ရွေးကောက်ပွဲရလဒ်ကိုလည်း လက်ခံသွားမည်ဟု တပ်မတော် ကာကွယ်ရေးဦးစီးချုပ်ပြောကြား တပ်မတော်ပိုင် စီးပွားရေးလုပ်ငန်းများကိုလည်း အချိန်သင့်သည့်အခါတွင် အများပိုင်လုပ်ငန်းများအသွင်ပြောင်းလဲဆောင်ရွက်သွားမည်ဟုဆို
တပ်မတော် အနေဖြင့် လွတ်လပ်ပြီး တရားမျှတ သည့်ရွေးကောက်ပွဲဖြစ်ရန်ကိုသာ လိုလားပြီး ရွေးကောက်ပွဲရလဒ်ကို လည်း လက်ခံသွားမည်ဖြစ်ကြောင်း နှင့် တပ်မတော်ပိုင်စီးပွားရေးလုပ်ငန်း များကိုလည်း အချိန်သင့်သည့်အခါတွင် အများပိုင်လုပ်ငန်းများအသွင် ဆောင် ရွက်သွားမည်ဟု တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။
Credit to: Democracy
(၂) တစ်နိုင်ငံလုံး အပစ်ရပ်စာချုပ်တွင် တိုင်းရင်းသားလက်နက်ကိုင်အဖွဲ့အားလုံး တစ်ပြိုင်နက်တည်း ပါဝင်ရေးမူအားဖြင့် ကိုင်စွဲ၍ အစိုးရနှင့် ဆွေးနွေးမည်
တစ်နိုင်ငံလုံး အပစ်အခတ်ရပ်စဲရေး သဘောတူစာချုပ် (NCA) လက်မှတ်ထိုးရာတွင် တိုင်းရင်းသားလက်နက်ကိုင်အဖွဲ့အားလုံး တစ်ပြိုင်နက်တည်း ပါဝင်ရေးကို မူအားဖြင့် ကိုင်စွဲ၍ အစိုးရနှင့် ဆွေးနွေးသွားမည် ဖြစ်သော်လည်း အစိုးရဘက်က လက်ခံခြင်း မရှိပါက NCA တွင် လက်မှတ်ထိုး၍ မရသေးသည့် အဖွဲ့များ နစ်နာမှု မရှိစေရေးနှင့် ယင်းအဖွဲ့များ ပါဝင်လာနိုင်ရေးအတွက် မည်ကဲ့သို့ နည်းလမ်းရှာမည် ဆိုသည်ကို ဆွေးနွေးသွားရန် သြဂုတ် ၂၁ ရက်မှ ၂၄ ရက်အထိ ထိုင်းနိုင်ငံ ချင်းမိုင်၌ ပြုလုပ်ခဲ့သော တိုင်းရင်းသားလက်နက်ကိုင်အဖွဲ့ ထိပ်သီးခေါင်းဆောင်များ အစည်းအဝေးက ဆုံးဖြတ်ခဲ့ကြောင်း သတင်းရရှိသည်။
Credit to: Eleven
(၃) အပစ်အခတ်ရပ်စဲရေး လေးသင်္ချေနှင့် ကမ္ဘာတစ်သိန်းမှသာ ဖြစ်မည်
လက်နက်ကိုင် အဖွဲ့အစည်းများ အားလုံး ပါဝင်သော အပစ်အခတ် ရပ်စဲရေးမှာ လာမည့်လေးသင်္ချေနှင့် ကမ္ဘာတစ်သိန်းမှသာ ဖြစ်မြောက်လာနိုင်မည်ဟု KNU ဗဟိုအလုပ်အမှုဆောင် ဖဒိုမန်းငြိမ်းမောင်က ပြောသည်။
Credit to:Messenger
(၄) မူဆယ်မြို့ အင်းဝဘဏ် အဆောက်အအုံအပြင်ဘက်တွင် သြဂုတ် ၂၄ ရက် ည ၉ နာရီ ၅၅ မိနစ်က ပေါက်ကွဲမှုဖြစ်ခဲ့
မူဆယ်မြို့ အင်းဝဘဏ် အဆောက်အအုံအပြင်ဘက်တွင် သြဂုတ် ၂၄ ရက် ည ၉ နာရီ ၅၅ မိနစ်က ပေါက်ကွဲမှုဖြစ်ခဲ့ ပြီး ပေါက်ကွဲမှုအရှိန်ကြောင့် ကိုက် ၅၀၀ အကွာခန့်ရှိနေအိမ်၊ အဆောက်အအုံများတွင်ပါ တုန်ခါမှုကို ခံစားရကြောင်း ဒေသခံများကပြောသည်။
Credit to: ပြည်မြန်မာ
နိုင်ငံတကာသတင်း
(၁) တရုတ်စီးပွားရေး နှေးကွေးမှုကို စိုးရိမ်နေကြချိန်တွင် အာရှ၌ စတော့ဈေးနှုန်းများ ကျဆင်း၊ ရေနံဈေးနှုန်း ဆက်လက်ကျဆင်းပြီး ဒေါ်လာ ၄၀ အောက်သို့ ရောက်ရှိ
တရုတ်စီးပွားရေး နှေးကွေးမှုက ကမ္ဘာ့စီးပွားရေး တိုးတက်မှုကို ရိုက်ခတ်လာနိုင်ကြောင်း စိုးရိမ်မှုများ မြင့်တက်နေချိန်တွင် ရှန်ဟိုင်းစတော့ဈေးကွက်၌ ရှစ်နှစ်အတွင်း အဆိုးဆုံး ရှယ်ယာဈေးနှုန်းများ ကျဆင်းမှု ဖြစ်ပွားခဲ့ပြီး အာရှစတော့ဈေးကွက်သည် သြဂုတ် ၂၄ ရက်က သိသိသာသာ ကျဆင်းခဲ့သည်။
Credit to: Eleven
လူမှုရေးသတင်း
(၁) “ဦးပိုင်သည် စစ်မှုထမ်းဟောင်းများ၊ တပ်မတော်သားများ၊ ပြည်သူများအတွက်ဟု ကာချုပ် ပြော”
မြန်မာ့စီးပွားရေးဦးပိုင်လီမိတက်အနေဖြင့် တပ်မတော်သား မိသားစုဝင်များ၏ သက်သာချောင် ချိရေး၊ စစ်မှု ထမ်းဟောင်းများ၏ သက်သာချောင်ချိရေး၊ပြည်သူလူထု၏ သက်သာချောင် ချိရေးများ ဆောင်ရွက်ပေးနိုင် ရန်နှင့် နိုင်ငံတော် စီးပွားရေးအား အထောက်အကူပြုရန် ရည်ရွယ်ချက်များဖြင့် လုပ်ဆောင်နေခြင်း ဖြစ်ကြောင်း မနေ့က စာနယ်ဇင်းကောင်စီ (ယာယီ)နှင့် တွေ့ဆုံစဉ် ဗိုလ်ချုပ်မှူးကြီး မင်းအောင်လှိုင်က ပြောဆိုလိုက်ခြင်း သည်။
Credit to: Irrawaddy
အထွေထွေ
(၁) ဟားခါးမြို့ပေါ်ရှိ မြို့ဟောင်းရပ်ကွက် လုံးဝမနေသင့်တော့သဖြင့် အိမ်ထောင်စု ၅၂၀ ပြောင်းရွှေ့ရန် နေရာအသစ်တောင်းခံထားမှုကို ချင်းပြည်နယ်အစိုးရ သဘောတူညီ
ဟားခါးမြို့ ပေါ်ရှိ မြို့ဟောင်းရပ်ကွက် လုံးဝ မနေသင့်တော့ခြင်းကြောင့် အိမ် ထောင်စု ၅၂ဝပြောင်းရွှေ့ရန်နေရာ သစ်တောင်းခံထားကြောင်း ချင်း ပြည်နယ်အစိုးရအဖွဲ့သစ်တောနှင့် သတ္တုဝန်ကြီးဦးကျော်ငြိမ်းက ပြော သည်။
Credit to: Democracy
ဟိုဘဏ်မှာ Deposit တင်ထားတဲ့အတွက် ဗဟိုဘဏ်က ပုဂ္ဂလိကဘဏ်တွေအတွက် အာမခံတာမဟုတ်ပါဘူး။ ပုဂ္ဂလိကဘဏ်တွေငွေကြေး အကျပ်အတည်းဖြစ်လာပြီး Interbank market ကတစ်ဆင့်ငွေချေးလို.မရတော့တဲ့ အချိန်မှာ ဗဟိုဘဏ်က Lender of last resort အနေနဲ. ၄င်းတို.ပြိုလဲမသွားအောင် ငွေထုတ် ချေးပေးမယ်ဆိုတဲ့ အာမခံချက်ကိုပေးတာဖြစ်ပါတယ်။ အဲဒီတော့ ငွေကြေးအကျပ်အတည်းကြုံပြီး ဘဏ်ပျက်တဲ့အဖြစ်မျိုး ဖြစ်စရာမရှိနိုင်ပါဘူး။
၅။ နိုင်ငံတကာရဲ့ ငွေရေးကြေးရေးကဏ္ဍမှာ စိန်ခေါ်မှုတွေပိုများလာသလို မြန်မာနိုင်ငံမှာလည်း စိန်ခေါ်မှုတွေများလာပါတယ်။ အဲဒီစိန်ခေါ်မှုတွေကို မဖြေရှင်းနိုင်သေးတဲ့ဗဟိုဘဏ်ကိုလည်း ၀ိုင်းပြီး အပြစ်တင်ကြပါတယ်။ အဆိုးထဲကအကောင်းတစ်ခုကတော့ နိုင်ငံတကာက ဗဟိုဘဏ်တွေလို မြန်မာနိုင်ငံရဲ့ဗဟိုဘဏ်ကရော လွတ်လတ်မှုရှိရဲ့လားဆိုတဲ့မေးခွန်းတွေထွက်လာပါတယ်။ ဒါပေမဲ့ ဘာကြောင့်ဗဟိုဘဏ်က လွတ်လတ်မှုရှိဖို.လိုတာလဲဆိုတာကို ဆွေးနွေးတဲ့သူနည်းပါတယ်။ ဗဟိုဘဏ်တွေရဲ့ မူဝါဒဆိုင်ရာဆုံးဖြတ်ချက်တွေ အတော်များများက Popular မဖြစ်တဲ့အတွက် အဲဒီလိုဆုံးဖြတ်ချက်တွေကို ၀င်ရောက်မစွက်ဖက်နိုင်အောင် ဗဟိုဘဏ်တွေကို လွတ်လပ်ခွင့်ပေးထား သင့်တာဖြစ်ပါတယ်။ စီးပွားရေးကပ်ဆိုက်ပြီး နလံပြန်ထအောင် ဆောင်ရွက်တဲ့ဗဟိုဘဏ်တွေရဲ့ Expansionary policy ဆုံးဖြတ်ချက်တွေကို လူကြိုက်များနိုင်ပေမဲ့ စီးပွားရေးတိုးတက်မှု အရှိန်အဟုန်များပြီး ဖြစ်ပေါ်လာတဲ့ ငွေကြေးဖောင်းပွမှုတွေထိန်းချုပ်ဖို.ဆောင်ရွက်တဲ့ ဗဟိုဘဏ် တွေရဲ့ Contractionary policy တွေကို ဘယ်သူမှမကြိုက်ကြပါဘူး။ အဲဒီအချိန်မှာ အချို.ဗဟိုဘဏ်တွေရဲ့ မူဝါဒဆုံးဖြတ်ချက်တွေဟာ Politically costly တောင်ဖြစ်နိုင်ပါသေးတယ်။ အဲဒီလိုအချိန်တွေမှာ ဗဟိုဘဏ်ရဲ့မူဝါဒဆုံးဖြတ်ချက်တွေကို ၀င်ရောက်စွက်ဖက်လို.မရနိုင်အောင်လို. ဗဟိုဘဏ်တွေကို လွတ်လပ်ခွင့်ပေးထားရတာဖြစ်ပါတယ်။ ဒါပေမဲ့ လုံးဝအလုံးစုံလွတ်လပ်တဲ့ ဗဟိုဘဏ်ဆိုတာလည်း မရှိသေးပါဘူး။ သို.သော် လွတ်လပ်စွာဆုံးဖြတ်ခွင့်အတော်များများကို ပေးထားကြရပါတယ်။ အများလက်ခံနိုင်တဲ့ အများကြိုက်တဲ့ မူဝါဒတွေကို ချမှတ်နိုင်ဖို. ဗဟိုဘဏ်ကို လွတ်လပ်ခွင့်ပေးသင့်တယ်လို. ထင်ရင်တော့မှားပါလိမ့်မယ်။
၆။ နိုင်ငံတစ်နိုင်ငံမှာ တည်ငြိမ်တဲ့ Macroeconomic environment ကိုရရှိနိုင်ဖို. ထိန်းချုပ် သင့်တာတွေကို ထိန်းချုပ်ကြပါတယ်။ ဒါပေမဲ့ လူတိုင်းကတော့ ထိန်းချုပ်တယ်ဆိုတာကို ကြိုက်မှာ မဟုတ်ပါဘူး။ ဥပမာ မြန်မာနိုင်ငံနဲ.အနီးဆုံးဖြစ်တဲ့ ထိုင်းနိုင်ငံမှာ နိုင်ငံခြားငွေကြေးဈေးကစားမှုတွေ မဖြစ်ပေါ်ဖို. ထိန်းချုပ်မှုတွေအခုအချိန်အထိရှိနေပါတယ်။ ထိုင်းလူမျိုးတွေရဲ့ FCD လို.ခေါ်တဲ့ Foreign Currency Deposit တွေထဲမှာ ပြည်ပက၀င်တဲ့နိုင်ငံခြားငွေကိုဘဲ သိမ်းထားနိုင်ပြီး ပြည်တွင်း Account transfer နဲ.၀ယ်ယူထည့်သွင်းထားလို.မရပါဘူး။ နိုင်ငံခြားငွေကို ကြိုက်သလောက်ထည့် သိမ်းထားခွင့်လဲမရှိပါဘူး။ နိုင်ငံခြားငွေနဲ.ပြည်ပကို ပေးချေစရာ Obligations တွေရှိရင် အထောက်အထားတွေတင်ပြပြီး အဲဒီပမာဏထက်ပိုတဲ့ နိုင်ငံခြားငွေကို FCD ထဲမှာထားလို.မရပါဘူး။ တကယ်လို. နိုင်ငံခြားငွေနဲ.ပြည်ပကိုပေးချေစရာအတွက် အထောက်အထားမပြနိုင်ရင် ဒေါ်လာ ၅ သန်းထက်ပိုပြီးမထားရပါဘူး။ ၂၀၁၀ ခုနှစ်အထိ အထောက်အထားမပြနိုင်ရင် ဒေါ်လာ ၅ သိန်းထက်ပိုပြီးမထားရပါဘူး ၂၀၀၇ ခုနှစ် အထိ အထောက်အထားမပြနိုင်ရင် (တစ်ဦးချင်းဆီရဲ့ ငွေစာရင်းမှာ) ဒေါ်လာ ၅ သောင်း (ကုမ္မဏီတစ်ခုချင်းဆီရဲ့ငွေစာရင်းမှာ) ဒေါ်လာ ၂ သန်းထက် ပိုပြီးထားလို.မရပါဘူး။ စတော့ဈေးကွက်တွေမှာ နိုင်ငံခြားသားတွေက ၀င်ရောက်ဈေးမကစား နိုင်အောင်လို. Non Resident FCD တွေအပေါ်ထိန်းချုပ်မှုတွေလည်း အများကြီးရှိပါတယ်။
၇။ မြန်မာနိုင်ငံမှာတော့ အဲဒီလိုထိန်းချုပ်မှုတွေမရှိတဲ့အတွက် “အဝေး” လို.ခေါ်တဲ့ Informal Hundi transfer တွေ၊ နိုင်ငံခြားငွေစာရင်းရှင်တစ်ဦးနဲ.တစ်ဦး အပြန်အလှန်ရောင်းဝယ်တဲ့ Account transfer ဈေးကွက်တွေက ကြီးထွားလာပါတယ်။ အဲဒီစနစ်တွေကနေ Capital flows တွေ အရှိန်အဟုန်နဲ. ၀င်ထွက်နေတာကိုလည်းတွေ.ရပါတယ်။ အဲဒီ Capital flows တွေကဖြစ်ပေါ်လာတဲ့ Effects တွေကို ထိန်းနိုင်ဖို.လည်း ငွေရေးကြေးရေးဆိုင်ရာကိရိယာတွေ မစုံလင်သေးပါဘူး။ ဥပမာ မိုးရွာတဲ့အချိန် ခေါင်မိုးပေါက်နေပြီး ရေမစိုအောင်သေသေချာချာကာနိုင်တဲ့ထီးတွေမရှိသေးဘဲ ရှိတဲ့ပစ္စည်းအချို.နဲ.မိုးကာနေရသလိုဖြစ်နေပါတယ်။ ခေါင်မိုးလုံအောင်လုပ်ဖို.ကအဓိကဆိုပေမဲ့ အဲဒီ ခေါင်မိုးပြင်ဖို.အတွက် ကိရိယာအနည်းငယ်သာရှိပြီး အိမ်သားအချို.ကလည်း ခေါင်းမိုးရဲ့အချို.နေရာ တွေကိုဖောက်ပြီး ရေခံနေတာနဲ.တူနေပါတယ်။ အဲဒီအချိန်မှာ ရေမစိုအောင်ထီးလိုက်ရှာရ၊ ပေါက်နေတဲ့ခေါင်မိုးကို ရှိတဲ့ပစ္စည်းနဲ.ပြုပြင်ရ၊ ခေါင်မိုးဖောက်နေတဲ့အိမ်သားတွေကိုလည်းပြောလို.မရ၊ အိမ်ထဲကအခြားအိမ်သားတွေကလည်း မိုးရေစိုိုလို.၀ိုင်းဆဲနေတဲ့အခြေအနေဆိုရင် နီးစပ်မယ်လို. ထင်ပါတယ်။
၈။ ဘယ်လိုအခြေအနေဘဲရောက်နေပါစေ ရှိတဲ့ပစ္စည်းနဲ. မိုးကိုပိုပြီးလုံအောင်ကာနိုင်ဖို.နဲ. ရှိတဲ့ ပစ္စည်းနဲ. ခေါင်မိုးကိုပြုပြင်နိုင်ဖို.ကအရေးကြီးပါတယ်။ အဲဒါကြောင့် Deposit auction, Reserve requirement စတဲ့ ရနိုင်တဲ့နည်းလမ်းပေါင်းစုံနဲ. ဗဟိုဘဏ်က Contractionary monetary policy ကိုကျင့်သုံးနေပါတယ်။ မြန်မာငွေကျပ်လာတော့မှ မြန်မာငွေတန်ဖိုး အရမ်းကျဆင်းခြင်းကို ကာကွယ်နိုင်မှာဖြစ်ပါတယ်။ Secondary bond market မရှိသေးတဲ့အတွက် နိုင်ငံတကာမှာ ကျင့်သုံးတဲ့ Open Market Operations (OMO) နည်းလမ်းကိုတော့ မသုံးနိုင်သေးပါဘူး။ Secondary bond market ဖြစ်လာနိုင်ဖို.အရင်ဦးဆုံး Market driven interest rates တွေရှိဖို.လိုပါတယ်။ အဲဒါကြောင့် Treasury bills တွေကို Scriptless လို.ခေါ်တဲ့ အီလက်ထရောနစ်ပုံစံပြောင်းပြီး Treasury securities auction ကိုစလုပ်ရတာဖြစ်ပါတယ်။ နောက်ပြီး Bonds တွေကိုလည်း အီလက်ထရောနစ်ပုံစံပြောင်းဖို.လုပ်နေပါတယ်။ Treasury security auction ကနေတစ်ဆင့် သက်တမ်းအမျိုးမျိုးရှိတဲ့ Market driven yields တွေကိုရရှိနိုင်မှာဖြစ်ပြီး Yield curve ကိုဆွဲနိုင်မှာ ဖြစ်ပါတယ်။ Yield curve ရလာမှသာ Currency forward ဈေးကွက်တည်ဆောက်နိုင်မှာဖြစ်ပါတယ်။ အဲဒီ Currency forward ဈေးကွက်ဟာလည်း နိုင်ငံခြားငွေကြေးတည်ငြိမ်ရေးမှာ အဓိကကျပါတယ်။ အဲဒီအချိန်ကျမှ Repo (Repurchase Agreement) ဈေးကွက်ပေါ်လာပြီး အဲဒီ Repo တွေကတစ်ဆင့် Interbank money market တွေကျယ်ပြန်.လာကာ OMO ကိုလည်း တွင်ကျယ်စွာဆောင်ရွက်နိုင်မှာ ဖြစ်ပါတယ်။
၉။ အဲဒါတွေအပြင် အခြားဆောင်ရွက်စရာတွေ အများကြီးရှိနေပါသေးတယ်။ တစ်နိုင်ငံလုံး ဘဏ်စနစ်ကိုလွယ်ကူစွာသုံးစွဲနိုင်ဖို.၊ ဘဏ်စာရင်းရှိတဲ့သူတွေရော မရှိတဲ့သူတွေပါ ငွေသားတွေ အများကြီးသယ်ယူစရာမလိုဘဲ အီလက်ထရောနစ်မြန်မာကျပ်ငွေပိုက်ဆံတွေကို ပြည်တွင်းမှာသာမက ပြည်ပမှာပါ အဆင်ပြေချောမွေ.စွာအသုံးပြုနိုင်ဖို.၊ တရားမ၀င်ဈေးကွက်တွေနေရာမှာ လွယ်ကူ ချောမွေ.တဲ့ တရားဝင်ဈေးကွက်တွေဖြစ်လာနိုင်ဖို. စတဲ့ဆောင်ရွက်စရာတွေအများကြီးရှိနေ ပါသေးတယ်။ အဲဒါတွေဆောင်ရွက်နိုင်အောင်လည်း Mobile banking စနစ်၊ Mobile payment စနစ်၊ Debit and credit card payment စနစ်၊ e-commerce စနစ် တွေကိုလည်း အကောင်အထည်ဖော်ဆောင်ရွက်နေပါတယ်။ အခုဆိုရင် Mobile banking တွေသုံးလို.ရနေပါပြီ။ မိုဘိုင်းဖုန်း ဒါမှမဟုတ် Cyber banking စနစ်ကတစ်ဆင့် ငွေလွှဲတာတွေ ဘဏ်အချို.မှာ လုပ်လို.ရနေပါပြီ။ မတူညီတဲ့ဘဏ်စာရင်းအချင်းချင်းအပြန်အလှန် Cyber banking နဲ.လွှဲ နိုင်အောင်လည်း Payment switch တွေလုပ်နေပါပြီ။ Real time gross settlement system (RTGS) ကိုလည်း ဒီနှစ်ကုန်မှာစတင်သုံးနိုင်မှာဖြစ်ပါတယ်။ ကျပ်ငွေနဲ. Debit card တွေအပြင် Credit card တွေကိုပါ ထုတ်ခွင့်ပြုထားပါပြီ။ JCB, CUP, Visa, Master တွေနဲ.ချိတ်ဆက်ပြီး ကျပ်ငွေနဲ. အသုံးပြုတဲ့ Debit card တွေ Credit card တွေကို နိုင်ငံတကာမှာသုံးလို.ရနိုင်အောင်လည်း ဆောင်ရွက်နေပါတယ်။ E-commerce စနစ်တွေကိုလည်း ခွင့်ပြုဆောင်ရွက်ထားပြီးဖြစ်ပါတယ်။ အခုဆိုရင် အခွန်အခအတွေကို မိုဘိုင်းဖုန်းနဲ.ဘဲဖြစ်ဖြစ် ကွန်ပြူတာနဲ.ဘဲဖြစ်ဖြစ် e-commerce စနစ်နဲ. Electronically ပေးလို.ရနေပါပြီ။ သီလ၀ါအထူးစီးပွားရေးဇုန် စီမံခန်.ခွဲမှုကော်မတီက ပထမဦးဆုံးအဖြစ် Commercial tax ကျပ်သိန်းပေါင်း တစ်သောင်းနှစ်ထောင်ကျော်ကို အီလက်ထရောနစ် e-commerce စနစ်ကိုသုံးပြီး သြဂုတ်ဆန်းမှာပေးခဲ့ပါတယ်။
၁၀။ မြန်မာနိုင်ငံငွေရေးကြေးရေးကဏ္ဍကြီးတစ်ခုလုံး အလုံးစုံတိုးတက်သွားနိုင်ဖို.လို. ချက်ခြင်း ဆောင်ရွက်လို.မရနိုင်သေးပေမဲ့ ဆောင်ရွက်သင့်တာမှန်သမျှ ကြိုးစားဆောင်ရွက်လျက်ရှိကြောင်း ကျွန်တော့်ရဲ့ အညတရသဘောထား (Humble opinion) လေးကို ကြိုးစားဖော်ပြထားခြင်းသာ ဖြစ်ပါတယ်။ ကျွန်တော့်ကို သင်ကြားခဲ့ဘူးသောဆရာ၊ဆရာမများ၊ မသင်ကြားခဲ့ဘူးသော်လည်း မြင်ဆရာ၊ကြားဆရာအဖြစ် ကျွန်တော်ကမှတ်သားနာယူခဲ့ရဘူးသောဆရာ၊ဆရာမများအားလုံးဟာ ကျွန်တော့်ထက်အဆပေါင်းမြောက်များစွာပိုပြီးနားလည်တတ်ကျွမ်းတဲ့အတွက် ကျွန်တော့်ဖော်ပြမှုမှာ အမှားများရှိလျင် ဆက်လက်သင်ကြားထောက်ပြပေးပါခင်ဗျား။
(ဆက်အောင်)
ရွေးကောက်ပွဲတစ်ခုမှာ လူနဲ့ပါတီ ဘာကို ကြည့်ရမှာလဲဆိုတဲ့ ဆွေးနွေးမှုလေးတွေ ဒီရက်ပိုင်းမှာ ဝေဝေစီစီပဲ ဖြစ်နေကြတယ်။ တချို့က ပါတီကိုပဲ ကြည့်ပါလို့ ပြောတယ်။ တချို့က လူကိုပဲ ကြည့်သင့်တယ်လို့ ပြောတယ်။ တချို့ကတော့ ပါတီရော လူရော ကြည့်ရမှာပေါ့လို့ ပြောဆိုဆွေးနွေးကြတယ်။
ကျွန်တော့်သဘောထားလည်း မေးကြတယ်။ ရွေးကောက်ပွဲတစ်ခုမှာ ဘာကို ကြည့်ကြရမလဲတဲ့။
ကျွန်တော်ကတော့ ရိုးရိုးပဲ မြင်ပါတယ်။ ရွေးကောက်ပွဲတစ်ခုမှာ ဘာကို ကြည့်ကြမလဲဆိုတာထက်အရင် ရွေးကောက်ပွဲတစ်ခုကနေ ဘာကို လိုချင်ကြတာလဲဆိုတာကို သိအောင်လုပ်သင့်ပါတယ်။ အခု ကျင်းပတော့မယ်လို့ မျှော်လင့်ရတဲ့ ၂၀၁၅ အထွေထွေရွေးကောက်ပွဲကြီးကနေ ကျွန်တော်တို့ ဘာတွေ လိုချင်ပါသလဲ။
၁။ တရားမျှတတဲ့ ရွေးကောက်ပွဲဖြစ်ဖို့ မျှော်လင့်ကြတယ်။
(မဲပေးခွင့်ရှိသူတိုင်း မဲပေးခွင့် ရချင်ကြတယ်။ ကိုယ်ပေးတဲ့မဲကို ကိုယ်ပေးတဲ့အတိုင်း မှန်မှန်ကန်ကန် ရေတွက်စေချင်ကြတယ်။ ရေတွက်တဲ့အချိန် မဲတွေ စုစည်းတဲ့အချိန်တွေမှာ အများရှေ့မှာ ထင်သာမြင်သာ လုပ်တာမျိုးကို ဖြစ်စေချင်ကြတယ်။ ရေတွက်လို့ရတဲ့မဲကို တိတိကျကျ ကြေငြာစေချင်ကြတယ်။ ကြိုတင်မဲတွေ ရှိခဲ့မယ်ဆိုရင်လည်း ၂၀၁၀လိုမျိုး ကြိုတင်မဲတွေ မဖြစ်စေချင်ကြဘူး။ ပယ်မဲတွေ ရှိလာမယ်ဆိုရင်လည်း စည်းမျဉ်းစည်းကမ်းအတိုင်း ပယ်တဲ့ ပယ်မဲတွေပဲ ဖြစ်စေချင်ကြတယ်။)
၂။ ရွေးကောက်ပွဲပြီးနောက် အနိုင်ရတဲ့သူတွေကို အချိန်နဲ့တပြေးညီ ကြေငြာပေးစေချင်ကြတယ်။
(အဲဒီလိုကြေငြာပေးလိုက်တဲ့ ရွေးကောက်ပွဲအောင်နိုင်သူတွေကို ရွေးကောက်ပွဲရှုံးတဲ့သူကပဲဖြစ်ဖြစ်၊ တခြားတစ်ယောက်ယောက်ကပဲဖြစ်ဖြစ် တရားမဲ့မှုပြုကျင့်ခဲ့ပါတယ်လို့ ရွေးကောက်ပွဲကော်မရှင်ကို တိုင်ကြားမှု ရှိလာရင်လည်း မှန်မှန်ကန်ကန်စစ်ဆေးပြီး ပွင့်ပွင့်လင်းလင်း ကြေငြာတာမျိုးကို လိုချင်ကြတယ်။)
၃။ ရွေးကောက်ပွဲကနေ ရွေးချယ်ပေးလိုက်တဲ့ ကိုယ်စားလှယ်တွေ ပါဝင်တဲ့ လွှတ်တော်အသစ်ကို သတ်မှတ်အချိန်မှာ ခေါ်ယူစေချင်ကြတယ်။
(ဒါမှသာ လွှတ်တော်အသစ်က တရားဝင် အလုပ်တွေ စလုပ်နိုင်မယ်။ လွှတ်တော်အသစ်နဲ့ အစိုးရအဟောင်းတို့ သုံးလလောက် တွဲပြီး အလုပ်တွေ လုပ်ဖို့ရှိတယ်။ လွှတ်တော်အသစ်က ရွေးချယ်လိုက်တဲ့ အစိုးရအဖွဲ့အသစ်ကလည်း အစိုးရဟောင်းနဲ့ ညှိနှိုင်းလွှဲပြောင်းစရာတွေကို ညှိနှိုင်းဆောင်ရွက်ဖို့ အချိန်ပိုရမယ်။)
၎။ အစိုးရအသစ်ကို ဖွဲ့စည်းမယ့် အရည်အချင်းပြည့်ဝတဲ့ သမ္မတအသစ်ကို ရွေးကောက်တင်မြှောက်နိုင်စေချင်ကြတယ်။
(၂၀၀၈ အခြေခံဥပဒေအရ အစိုးရအဖွဲ့ကို သမ္မတကသာ ရွေးချယ်ဖွဲ့စည်းခွင့် ရှိတာမို့ သမ္မတဘယ်သူဖြစ်မယ်က အရေးကြီးပါတယ်။ သမ္မတကိုလည်း ပြည်သူက တိုက်ရိုက်ရွေးချယ်ခွင့်မရှိဘဲ လွှတ်တော်မှာ ပြည်သူ့လွှတ်တော်ရွေးကောက်ခံ ကိုယ်စားလှယ်များ၊ အမျိုးသားလွှတ်တော် ရွေးကောက်ခံ ကိုယ်စားလှယ်များ၊ ပြည်သူနဲ့အမျိုးသားက တပ်မတော်သားကိုယ်စားလှယ်များဆိုပြီး အဖွဲ့သုံးဖွဲ့က သုံးယောက်အဆိုပြုရမယ်။ ပြီးရင် မဲဝိုင်းပေးပြီး မဲအများဆုံးရသူက သမ္မတဖြစ်မှာပါ။ ဒီအတွက် မဲအများဆုံးပေးနိုင်ဖို့ ရွေးကောက်ပွဲမှာ အများဆုံးနိုင်တဲ့ ပါတီက အခွင့်အရေးအရှိဆုံးဖြစ်ပါတယ်။)
၅။ အစိုးရသစ်ကို အစိုးရဟောင်းက ကြည်ကြည်သာသာ အာဏာလွှဲပေးစေချင်ကြတယ်။
(ဒီမိုကရေစီစနစ်ကို တကယ်သွားချင်တယ်ဆိုရင် ရွေးကောက်ပွဲရလာဒ်ကို တန်ဖိုးထား လေးစားကြရမှာ ဓမ္မတာပဲဖြစ်ပါတယ်။ ချစ်လို့၊ မုန်းလို့၊ ကြောက်လို့၊ မသိလို့ဆိုတဲ့ အဂတိတရားတွေ မပါဘဲ အာဏာကို တည်ကြည်ဖြောင့်မတ်စွာ လွှဲပေးရမှာဖြစ်ပါတယ်။)
၆။ ၂၀၂၀မှာ နောက်ထပ် ရွေးကောက်ပွဲရှိသေးတယ်ဆိုတဲ့ မျှော်လင့်ချက်ကို ရှင်သန်ချင်ကြတယ်။
(၂၀၀၈ အခြေခံဥပဒေအရ အစိုးရနဲ့ လွှတ်တော်ရဲ့ သက်တမ်းဟာ ငါးနှစ်တစ်ကြိမ်ဖြစ်တာမို့ ငါးနှစ်တစ်ကြိမ်တိုင်းမှာ ရွေးကောက်ပွဲတွေရှိနေပြီး ပြည်သူလူထုလိုလားတဲ့ အစိုးရဆိုတာတွေကို စိတ်ကြိုက်ရွေးချယ်ခွင့်ရှိတယ်ဆိုတဲ့ မျှော်လင့်ချက်ကို ပြည်သူတိုင်းက အာမခံချက်ရှိရှိနဲ့ ယုံကြည်ချင်ကြတာဖြစ်ပါတယ်။)
၇။ ပိုကောင်းတဲ့ အစိုးရတစ်ရပ်ကို လိုချင်ကြတယ်။
(လူသားတွေဟာ မျောက်ကနေ လူဖြစ်လာတယ်လို့ ဒါဝင်က ဆိုပါတယ်။ တစ်ဆင့်ချင်း တိုးတက်ဖွံ့ဖြိုးလာတဲ့ သဘောလို့ ရှင်းပြပါတယ်။ လူဖြစ်လာတော့လည်း ကျောက်ခေတ်လူကနေ ကြေးခေတ် သံခေတ် အဆင့်ဆင့် တိုးတက်လာတယ်။ လူနေမှုစနစ်တွေ ဖွံ့ဖြိုးပြောင်းလဲလာတယ်။ ဝတ်တာစားတာ သုံးတာတွေ တီထွင် ဆန်းသစ်လာတယ်။ လူတွေဟာ အမြဲတမ်း ပိုကောင်းတာတွေဖြစ်လာဖို့ပဲ ကြိုးစားနေကြတယ်။ ရှာဖွေဆန်းသစ်မှုတိုင်းဟာ အခုထက် ပိုကောင်းတာ တစ်ခုဖြစ်လာဖို့ ရည်ရွယ်ကြတယ်။ ဒါကြောင့် အစိုးရဆိုတာကိုလည်း အရင်အစိုးရထက် ပိုကောင်းတဲ့အစိုးရကိုပဲ လူထုက လိုချင်ကြတယ်။)
ဒီအချက်တွေဟာ ရွေးကောက်ပွဲကနေ သာမန်ပြည်သူတွေ (မဲပေးခွင့်ရှိတဲ့ မဲဆန္ဒရှင်တွေရော၊ မဲပေးဖို့ အသက်မပြည့်သေးသူတွေရော၊ မဲပေးခွင့်မရှိပေမယ့် ဒီနိုင်ငံထဲမှာ နေထိုင်သူတွေရော) လိုချင်ကြတဲ့ အချက်တွေဖြစ်ပါတယ်။
ကိုယ်လိုချင်တာတွေကို ကိုယ့်ဖာသာရှင်းရှင်းလင်းလင်း သိရှိနားလည်ပြီဆိုရင်တော့ အဲဒီ လိုချင်တာတွေဖြစ်စေဖို့ ဘာတွေကို ကြည့်ရမယ်ဆိုတာ ဆက်စဉ်းစားသင့်ပါတယ်။
ရွေးကောက်ပွဲမှာ မဲပေးဖို့အတွက် ဘာကို ကြည့်ကြမလဲ။ ပါတီကိုလည်း ကြည့်ရမယ်။ ပါတီရဲ့ မူဝါဒကိုလည်း ကြည့်ရမယ်။ ပါတီက ရွေးချယ်လိုက်တဲ့ လူကိုလည်းကြည့်ရပါမယ်။ ဒီသုံးခုက အစဉ်လိုက် ကြည့်ရမှာဖြစ်ပါတယ်။
၁။ ပထမဦးစားပေးက ပါတီကို ကြည့်ရမယ်။ ဒီပါတီရဲ့ သမိုင်းကို ကြည့်ရမယ်။ ဒီပါတီရဲ့ ဆောင်ရွက်မှုတွေကို ကြည့်ရမယ်။ ပါတီတစ်ရပ်ဟာ ပြည်သူထဲက ပြည်သူတွေကပဲ ရည်ရွယ်ချက်ကောင်းနဲ့ ကိုယ့်ဖာသာ စုစည်းတည်ထောင်ထားတာ ဖြစ်ရမယ်။ တစ်စုံတစ်ယောက်က အမိန့်နဲ့ ဖွဲ့စည်းပေးထားတာမျိုး မဖြစ်ရဘူး။ အမိန့်ပေးသူရှိရင် အမိန့်ဆိုတာရယ် အမိန့်နာခံရခြင်းရယ် ရှိတယ်။ ပြည်သူ့အကျိုးနဲ့ အမိန့်ပေးသူရဲ့ အမိန့်ကို နာခံရခြင်းနဲ့ဟာ တိုက်ရိုက်အချိုးကျချင်မှ ကျမယ်။ ပြည်သူတွေ အကျိုးရှိဖို့အတွက်ဆိုရင် အမိန့်ပေးသူရဲ့ အမိန့်ကို လိုက်နာစရာမလိုတဲ့ ပါတီမျိုးကို ရွေးချယ်ကြရပါမယ်။
၂။ ပါတီရဲ့ မူဝါဒဆိုတာမှာ စာရွက်ပေါ်ရေးထားတဲ့ မူဝါဒမျိုးကို ဖတ်ကြည့်ရုံနဲ့ မလုံလောက်ပါ။ စာရွက်ပေါ်မှာ ရေးထားတာနဲ့ သူတို့လက်တွေ့အကောင်အထည်ဖော်နေတာတွေ ကိုက်ညီရဲ့လား စဉ်းစားကြရမှာဖြစ်ပါတယ်။ မူဝါဒစာအုပ်ထဲမှာတော့ ပြည်သူတွေ အကျိုးကို သယ်ပိုးဆောင်ရွက်ပါမယ်လို့ ပြောထားမယ်။ လက်တွေ့မှာတော့ ပြည်သူတွေဟာ စိတ်ဆင်းရဲ ကိုယ်ဆင်းရဲဖြစ်နေကြရမယ်ဆိုရင် ဒီပါတီဟာ သူ့မူဝါဒကို သူ့ဖာသာတောင် မလေးစားဘူးလို့ ပြောရပါမယ်။ ပါတီတစ်ခုရဲ့ လက်တွေ့ကျင့်သုံးနေတဲ့ မူဝါဒဟာ နိုင်ငံသားအများစု အကျိုးရှိဖို့အတွက်ပဲ ဖြစ်ရပါမယ်။ လူတစ်ဦးတစ်ယောက် ဒါမှမဟုတ် တစ်စုတစ်ဖွဲ့ကိုသာ ချမ်းသာပါစေ၊ လိုရာပြည့်ပါစေ၊ ထင်တိုင်းလုပ်နိုင်ပါစေဆိုပြီး အကောင်အထည်ဖော် ဆောင်ရွက်နေတာဆိုရင် အဲဒီလိုပါတီမျိုးကို မရွေးချယ်သင့်ဘူး။
၃။ နောက်ဆုံးအဆင့်က လူကို ကြည့်ရမယ်။ လူကိုကြည့်တဲ့အခါမှာ နှစ်ပိုင်းခွဲကြည့်ရမယ်။ ခေါင်းဆောင်ကိုကြည့်ရမယ်။ နောက်လိုက်တွေကို ကြည့်ရမယ်။ ခေါင်းဆောင်က ပြည်သူတွေကို နှိပ်စက်လိုသူလား။ နှိပ်စက်ခဲ့ဖူးသလား။ ဒီခေါင်းဆောင်ရဲ့ ဦးဆောင်မှုနောက်မှာ တိုင်းပြည်ဟာ ပိုဆင်းရဲခဲ့သလား။ ပိုချမ်းသာလာသလား။ ဒီခေါင်းဆောင်က သူ့ရဲ့ ပြည်သူပေါ်ထားတဲ့ သဘောထားကို ပြောင်းလဲဖို့ ဆန္ဒရှိရဲ့လား။ ဒီခေါင်းဆောင်မှာ မကောင်းတဲ့ အလေ့အထ အပြုအမူတွေရှိခဲ့ဖူးရင် အဲဒါတွေကို အခုထိ ဆက်လက်စွဲကိုင် ကျင့်သုံးနေတုန်းပဲလား။ အမှန်တကယ် ပြောင်းလဲပြီလား။ ပါတီရဲ့ ခေါင်းဆောင်ဟာ နိုင်ငံတကာမှာရော ဂုဏ်ပြောင်သူဖြစ်ရဲ့လား။ နိုင်ငံတကာမှာ ဂုဏ်မပြောင်တောင် ပြည်တွင်းမှာ အများက ကြည်ညိုရတဲ့ ဂုဏ်ပုဒ်ရှိသူ ဟုတ်ရဲ့လား။ ပြီးရင်တော့ ဒီခေါင်းဆောင်နောက်က လိုက်မယ့် နောက်လိုက်တွေကို ကြည့်ရမယ်။ နောက်လိုက်တွေဟာ ကိုယ်ပိုင်အသံရှိရဲ့လား။ မကျေနပ်ရင် မတရားဘူးထင်ရင် ပြောရဲဆိုရဲတဲ့လူတွေလား။ တစ်သွေးတစ်သံ တစ်မိန့်နဲ့ မှားနေလည်း အမှားအတိုင်း ဆက်သွားမယ်ဆိုတဲ့ လူတွေလား။ ကိုယ့်အသံတောင် မထွက်ရဲဘဲ ငြိမ်ကုပ်နေတတ်တဲ့ လူတွေလား။ ပြည်သူအပေါ် မတရားပြုမူတာ တစ်ခုခုကိုတွေ့ခဲ့ရင် မတရားဘူးလို့ ပြောဖို့နေနေသောသာ အလိုအတူအလိုပါနဲ့ ခေါင်းဆောင်ခိုင်းတဲ့အတိုင်း နှိပ်စက်ကလူပြုမယ့်သူတွေလား။ ပြည်သူ့အကျိုးကို တကယ်လိုလားကြတာလား။ ခိုင်းလို့ ပါတီဝင်ကြ၊ ရွေးကောက်ပွဲဝင်ကြတာလား။ ပြည်သူကို အကျိုးပြုဖို့ ရာခိုင်နှုန်းများတဲ့ ပါတီခေါင်းဆောင်နဲ့ ပါတီနောက်လိုက်တွေကို ကြည့်ပြီး ရွေးချယ်ကြရပါမယ်။
ရွေးကောက်ပွဲမှာ မဲပေးတယ်ဆိုတာ ကိုယ့်မြို့နယ်မှာ ဘယ်ပါတီက ဘယ်သူပြိုင်တယ်ဆိုတာလောက်ကို ကြည့်ပြီး မဲထည့်လို့မရပါဘူး။ ကိုယ့်မြို့နယ်က မဲပေးလိုက်တဲ့ ကိုယ်စားလှယ်ဟာ လွှတ်တော်ထဲရောက်ရင် ပထမဦးဆုံး ဘယ်လိုအစိုးရအဖွဲ့ကို ဖွဲ့ပေးမယ့် သမ္မတလောင်းကို မဲပေးမယ့်သူလည်းက အရင်စပြီး စစ်ဆေးရပါမယ်။ ပြည်သူကို မထေမဲ့မြင်ပြုမယ့်၊ ပြည်သူ့အကျုိးထက် ကိုယ်ကျိုးစီးပွားကိုသာ ဦးစားပေးမယ့်၊ ပြည်သူကို နှိပ်စက်ကလူပြုမယ့် အစိုးရအဖွဲ့မျိုးကို ဦးဆောင်ဖွဲ့စည်းမယ့် သမ္မတလောင်းကို ရွေးချယ်မယ့်သူမျိုးဆိုရင် အမျိုးအရင်းကြီဖြစ်နေရင်တောင် မဲမပေးသင့်ပါဘူး။ ကိုယ့်အမျိုးထဲက တစ်ယောက် လွှတ်တော်ကိုယ်စားလှယ်ဖြစ်လို့ ဂုဏ်ယူရမှာက နည်းနည်း၊ ကိုယ့်ကို သူရွေးလိုက်တဲ့ မဟုတ်မဟတ် သမ္မတနဲ့ အပေါင်းအပါ လူဆိုးလူကြမ်းဝန်ကြီးတွေပါမယ့် အစိုးရအဖွဲ့က နှိပ်စက်မှာက များများဖြစ်နေလို့ပါ။
ကိုယ်ပိုင်အသိဥာဏ်နဲ့ ရေရှည်ကို မျှော်တွေးပြီး ဆုံးဖြတ်ကြရမှာဖြစ်ပါတယ်။
ကျွန်တော်တို့နိုင်ငံဟာ သူများနိုင်ငံတွေနောက်မှာ နောက်ကောက်ကျ ကျန်ခဲ့တယ်။ ကျွန်တော်တို့နိုင်ငံဟာ ဆင်းရဲတဲ့နိုင်ငံအဖြစ် ရပ်တည်နေရတယ်။ ကျွန်တော်တို့နိုင်ငံမှာ အလုပ်အကိုင်အခွင့်အလမ်းတွေနည်းလို့ သူများနိုင်ငံတွေမှာ ရရာအလုပ်ကို တရားဝင်ရော တရားမဝင်ရော နိုင်ငံသားတွေ မျက်နှာအောက်ချပြီး သွားလုပ်နေကြရတယ်။
အာဆီယံအဆင့်သာမဟုတ်ဘူး။ အာရှအဆင့်မှာပါ နိုင်ငံကြီးတစ်နိုင်ငံဖြစ်ဖို့ အခွင့်အလမ်းတွေ ရခဲ့ဖူးပေမယ့် ကျဆုံးခဲ့ရတဲ့ ကျွန်တော်တို့ရဲ့ အမိမြန်မာနိုင်ငံတော်ကြီးဟာ ရောက်ရှိသင့်တဲ့အဆင့်ကို ပြန်ရောက်ဖို့ သင့်ပါပြီ။
ကျွန်တော်တို့တွေနေထိုင်တဲ့
ကျွန်တော်တို့ရဲ့ အမိမြန်မာနိုင်ငံတော်ကြီးဟာ…
ပြောင်းလဲဖို့ အချိန်တန်ပါပြီ။
ထွေထွေထူးထူး ကိုရွှေထူး 