ဝဋ်ဆိုတာ ဘ၀မကူးပါဘူး ဦးဆန်းဆင့်ရယ်

U San Sint

ကျွန်တော် တပ်မတော်က ဒုက္ခိတဘ၀နဲ့ ပင်စင်ယူခဲ့ရတဲ့ အရာရှိတစ်ဦးပါ။ ပြီးခဲ့တဲ့ အပတ်က ဂျာနယ် တစ်စောင်မှာ သာသနာရေး ၀န်ကြီးဟောင်း ဦးဆန်းဆင့်ကို ဒုတိယအကြိမ် ရုံးထုတ်လာတော့ မတရား ခံရတာပါလို့ ငယ်သံပါအောင် အော်နေတာကို ဖတ်လိုက် မြင်လိုက်ရတယ်။ လူအများကို မတရားလုပ်ခဲ့တဲ့ လူတစ်ယောက်ဟာ ကိုယ့်အလှည့်ကျမှ ကြောက်လန့် နေတာကို မြင်ရတော့ ကျွန်တော် ပြုံးမိလိုက်ပါတယ်။ မဟုတ်တာတွေ လုပ်ခဲ့တဲ့ အကျိုးဆက်အဖြစ် လောကီငရဲမှာ ဘ၀မကူးပဲ ခံရတော့မှာကို သိနေတဲ့ ကြောက်စိတ်နဲ့ သူအော်ခဲ့တာဖြစ်တယ်။

သူမတရားလုပ် ခံခဲ့ရသူတွေထဲမှာ တစ်ယောက် အပါအ၀င်ဖြစ်တဲ့ ကျွန်တော်က ဟိုးတုန်းက အခြေအနေတွေကို မနေ့တစ်နေ့ကလိုပဲ မျက်စိထဲ ပြန်မြင်ယောင်မိတယ်။ ကျွန်တော်ဟာ ဗိုလ်ချုပ် ဆန်းဆင့် စစ်ရာထူးခန့်ချုပ်တုန်းက ဘ၀ပျက်ခဲ့ရတဲ့ အရာရှိတွေထဲက တစ်ယောက်ပေါ့။ သူ့သားနဲ့ စီးပွားယှဉ်ဘက် ဖြစ်ခဲ့တဲ့ ကျွန်တော့်ကို သေရွာပို့ပစ်မယ်လို့ ကြိမ်းဝါးပြီး စစ်ထောက်ချုပ်ရုံးကနေ အဲဒီ့ ကာလက စစ်ဆင်ရေး အကြမ်းတမ်းဆုံးဖြစ်တဲ့ တောင်ပိုင်းတိုင်း စစ်ဌာနချုပ် လက်အောက်ခံ ခလရ(၃၉)ကို ပြောင်းပစ်တာ ခံခဲ့ရပါတယ်။ အဲဒီမှာပဲ စစ်ဆင်ရေး တစ်ခုမှာ မိုင်းထိပြီး ကျွန်တော် ဒုက္ခိတဘ၀ ရောက်ခဲ့ရပါတယ်။

သူ့သားနဲ့ စီးပွားရေးတစ်ခုတည်း ဆိုတာလည်း မသိပါဘူး။ စီးပွားပြိုင်ဖက် ဖြစ်သွားတယ်ဆိုတာလည်း ကျွန်တော် မသိပါဘူးလို့ တောင်းပန်ပြီး သိန်း ၁၅၀တန် ခြင်းတောင်းတစ်တောင်းနဲ့ ကန်တော့ပန်းဆင်ပြီး ကတိပေးခဲ့ရပါတယ်။ အဲဒါကြောင့် ပို့ဆောင်ရေး ၀န်ကြီးဌာနကို ဒုက္ခိတဘ၀နဲ့ ပြောင်းရွှေ့ တာဝန် ထမ်းဆောင်စေလို့ ဦးဆန်းဆင့်က အမိန့်တော် ချမှတ်လိုက်ပါတော့တယ်။

ပို့ဆောင်ရေး ၀န်ကြီးဌာနကို ရောက်ပြီး တာဝန်ထမ်းဆောင်ချိန်မှာ ကိုယ်ပိုင် စီးပွားရေးလေးတစ်ခုတော့ လုပ်မှ မိသားစု အဆင်ပြေမယ်ဆိုပြီး ရေသန့်စက်လေးတစ်ခု ထောင်လိုက်ပါတယ်။ ကံဆိုးမ သွားလေရာ မိုးလိုက်လို့ ရွာတာပဲလား။ ဦးဆန်းဆင့် သားကပဲ ရှိသမျှ စီးပွားရေး အကုန်လုပ်နေသလားတော့ မသိပါဘူး။ သူ့သားနဲ့ နောက်တစ်ကျော့ စီးပွားရေးတူနေ ပြန်တာကြောင့် အရပ်ဖက် ၀န်ကြီးဌာနကို ရောက်ပြီးကာမှ တပ်မတော်ကို ပြန်လည်ခေါ်တဲ့ အမိန့်ထုတ်ပြီး စစ်တရားရုံးနဲ့ ထောင်ခုနစ်နှစ် ချပစ်မယ်လို့ ကြွေးကြော်ပြီး စစ်တရားရုံးဖွဲ့ပြီး ကျွန်တော့်ကို စစ်ပြန်ပါတော့တယ်။ နောက်ဆုံးမတော့ ကျွန်တော့်ရေသန့်စက်ကို သူ့ကိုထိုးအပ်ရတဲ့အပြင် သိန်းပေါင်းများစွာ သူ့ကိုကန်တော့ပြီး ရန်ငြိုးရှိရင် ပြေပါစေတော့ရယ်လို့ နယ်ဘက် ၀န်ကြီးဌာနကိုလည်း မပြောင်းရဲတော့ပဲ သူသနားလို့ပေးတဲ့ ဆေးပင်စင်နဲ့ပဲ စစ်ဆင်ရေး ဒုက္ခိတဘ၀နဲ့ ကျွန်တော့်ဘ၀ အဆုံးသတ် ခဲ့ရပါတယ်။

ကျွန်တော့်နာမည်ကို မဖော်ပြပေမယ့် သူ့ရဲ့မတရား လုပ်ဆောင်မှုတွေကြောင့် တပ်မတော်က အရာရှိကြီးတွေရော၊ ၀န်ကြီးဌာနက အရာရှိကြီးတွေပါ။ ဒီစာဖတ်ရင် သိလောက်အောင် မတရား ဆောင်ရွက်ခဲ့တဲ့ ဗိုလ်ချုပ်ဆန်းဆင့်ဟာ ဘ၀မကူးပဲ ၀ဋ်လည်နေပြီးလားဆိုတာ ကျွန်တော် လက်ညှိုးထိုးပြီး အဘ ဗိုလ်ချုပ် ဆန်းဆင့်နဲ့ ဇနီး အန်တီနန်းကို မေးလိုက်ချင်ပါရဲ့ဗျာ။

စစ်ဆင်ရေးဒုက္ခိတ အငြိမ်းစား အရာရှိတစ်ဦး

NLD ကို မဲပေးသင့်သည့် အကြောင်းများ

vote-nld

၁- ပါတီ ၉၀ ကျော်ရှိသည်ကြား၏။ မည်သည့်ပါတီမှ NLD မှာလို ဒေါ်အောင်ဆန်းစုကြည် ခေါင်းမဆောင်။ ဒေါ်အောင်ဆန်းစုကြည်က ဘာမို့လဲဟု မေးသူသည် ငပေါဖြစ်မည်။ နိုင်ငံတကာဝယ် အကောင်းနှင့်ယှဉ်၍ တိုင်းပြည်ခေါင်းဆောင်တိုင်းသိသော ပုဂ္ဂိုလ်သည် ဒေါ်စုသာရှိသည်။ ဆိုးယုတ်မှုနှင့် ယှဉ်သိသောသူကိုတော့ မပြောလို။ ကျန် ပါတီ ခေါင်းဆောင် များနာမည် အိုဘားမားကို သွားရွတ်ပြပါ။ သိမည်မဟုတ်။

၂- လက်ရှိ အာဏာရပါတီနှင့် ယှဉ်ပြိုင်ကာ တိုင်းပြည်၏ ကောင်းသော အပြောင်းအလဲကို ဖေါ်ဆောင်နိုင်သော ပါတီသည် NLD သာ ရှိသည်။ လက်ရှိပါတီက ကောင်းနေလျှင် မပြောင်းလဲလည်း ကိစ္စမရှိ။ လက်ရှိပါတီက ကောင်းနေမနေကတော့ နိုင်ငံတကာမှ အင်ဒီကေတာများကြည့်ပါ။ အီသီယိုးပီးယားအောက် နိမ့်အောင် ပို့ခဲ့သူများ ဘယ်သူဖြစ်သနည်း။ မလုပ်တတ်၍ သူတို့ပါ မွဲသွားလျှင် နားလည်ပေးမည်။ သူတို့ကျ ချမ်းသာသွားပြီး ပြည်သူက မွဲကျန်လျှင် မလုပ်တတ်ရုံသာမက။ ယုတ်မာမှုပါ ပါနေသည်ဟု ပြောရမည်။

၃- ဒေါ်စုကို ခနဖယ်ကြည့်ပါ။ NLD အမတ်တိုင်းသည် ကိုယ့်ပိုင်ဆိုင်မှုကို ကြေငြာပြီး အမတ်လျောက်ထားကြခြင်းဖြစ်သည်။ ခိုးဝှက် ထားသည်များ မရှိ။ အမတ်ဖြစ်ပြီး တာဝန်ပီးဆုံးချိန်ဝယ် ပိုင်ဆိုင်မှုကို ပြန်စစ်ပါ။ ပိုနေလျှင် တရားစွဲ၍ ရသည်။ ဤမျှလောက် ရိုးသားသော အမတ်များအား မယုံပဲ ရွှေတောင်ကြားမှာ အိမ်သွားကြည့်ရသော လူများအား ရိုးသားသည်ဟု ယုံလျှင် ရူး၍ မဟုတ်လျှင် အရိုးအရင်း ကိုက်ရသောကြောင့် ဖြစ်မည်။

၎- လူကြီး လူငယ်မျှသည်။ ဂျန်ဒါ မျှပေးထားသည်။ တိုင်းရင်းသားများ မျှပေးထားသည်။ အနာဂတ်နိုင်ငံတော်တည်ဆောက်ရေးအတွက် အခြေခံဖြစ်သော ပြည်ထောင်စု စစ်စစ်ဖြစ်ရေးအတွက် သေသေချာချာ တွက်ချက် နေရာချထားခြင်း ဖြစ်သည်။ နိုင်ငံရေး မျိုးဆက် မပြတ်နိုင်သော ပါတီ ဖြစ်လာရေးလည်းပါသည်။ အရည်အချင်းဘက်က ကြည့်လျှင်လည်း စနစ်တကျလေ့လာထားသော ပညာရှင်များ ပါသည်။ တစ်ခုတော့ ရှိသည်။ ပါးရိုက်မည် နားရိုက်မည် ပြောသူများတော့ဖြင့် မပါ။

ပေါ်တင်လော်သည်။ မှားလျှင် တခြားပါတီ မဲပေးပါ။

ရန်ကုန်စတော့အိတ်ချိန်းအလားအလာ

Ticker_board_of_Tokyo_stock_exchange
ဘဏ္ဍာရေးကျွမ်းကျင်သူ ဒေါက်တာအောင်သူရနှင့် တွေ့ဆုံခြင်း

လာမည့်လအနည်းငယ်အတွင်း မြန်မာပြည်၌ စတော့အိတ်ချိန်းကစတင်
အသက်ဝင်တော့မည်ဖြစ်သည်။ ယင်းရန်ကုန်စတော့အိတ်ချိန်း (YSX)ကို အောင်မြင်နိုင်ခြေမရှိ၊ ဟန်ပြသက်သက်သာဖြစ်မည်ဟု ဝေဖန်နေသူများရှိသလို မြန်မာပြည်၏ စီးပွားရေးအလားအလာကောင်းကြောင့် အကောင်းမြင်မှုများလည်း ရှိနေသည်။ သို့ဖြစ်ရာ ရန်ကုန်စတော့အိတ်ချိန်းအလားအလာအချို့နှင့် ပတ်သက်ပြီး ဘဏ္ဍာရေးဆိုင်ရာဝန်ဆောင်မှုများပေးနေသည့် ThuraSwiss ကုမ္ပဏီ၏ CEO ဒေါက်တာအောင်သူရနှင့် ယခုလိုတွေ့ဆုံမေးမြန်းခဲ့ပါသည်။

မင်္ဂလာပါ ကိုအောင်သူရရေ။ မကြာသေးခင်ကဘဏ္ဍာရေးဒုဝန်ကြီး ဒေါက်တာမောင်မောင်သိမ်းက စတော့အိတ်ချိန်းစဖို့အတွက်ပြင် ဆင်မှုက ရာခိုင်နှုန်း ၆၀-၇၀ လောက်ပြီးသွားပြီလို့ပြောပါတယ်။ လာမယ့်အောက်တိုဘာမှာစမယ်၊ အချိန်ကသိပ်မလိုတော့ဘူးဆို
တော့လက်ရှိပြင်ဆင်ပြီးသားအနေအထားကိုသုံးသပ်ကြည့်ရင်လာ မယ့်အောက်တိုဘာမှာ အဆင်ပြေပြေချောချောမွေ့မွေ့စနိုင်ပါ့ မလား။

ဒါကတော့ သိပ်တော့မပြောတတ်ဘူး။ နှစ်ဖက်ရှိတာဆိုတော့
စတော့အိတ်ချိန်းအတွက်ဥပဒေ၊ နည်းဥပဒေက အဆင်သင့်ဖြစ်နေပြီ။
ဒါပေမဲ့ စတော့အိတ်ချိန်းဘက်က ကျန်တယ်။ စတော့အိတ်ချိန်းဘက်က အဆောက်အအုံကိုတော့ ပြင်ဆင်နေတယ်လို့ ပြောတယ်။
ပြီးမှ IT System တွေဘာတွေ အကုန်လုံး Install လုပ်ရမယ်။ Setup
လုပ်ရမယ်။ အဲဒီအပိုင်းတော့ ဂျပန်တွေနဲ့ လုပ် နေတဲ့ကိစ္စဖြစ်တဲ့အတွက် အစ်ကိုတို့လည်းသိပ်မသိလှဘူး။ ဟို တစ်လောက ICTအတွက်
တင်ဒါခေါ်ထားတယ်။ အဲဒီဟာတွေက ဘယ်လောက်မြန်မလဲဆိုတော့
အစ်ကိုတို့လည်း မပြောတတ်ဘူး။ နောက်တစ်ပိုင်းကတော့ Securitiesကုမ္ပဏီဘက်က ရှိမယ်။ လိုင်စင်တွေဘာတွေ ချပေးပြီးရင်လုပ်ရမယ့်ကိစ္စနှစ်ခုရှိတယ်။ တစ်ခုက IT Infrastructure ကိုပြင်ဆင်ရမယ်။ စတော့အိတ်ချိန်းနဲ့သူတို့ချိတ်ရမယ်။ ဒုတိယအပိုင်းကတော့ ၀န်ထမ်းတွေခန့်ရမယ်။ Trainingပေးရမယ်။ ဒါကအချိန်ကတော့ တော်တော်ကပ်နေပြီ။ ဖိဖိစီးစီးလိုင်စင်ချပြီးခါစလုပ်ရင်တော့ ဖြစ်နိုင်တယ်ပေါ့။ အစပိုင်းမှာဒီစတော့အိတ်ချိန်းက Business ကလည်းများ ဦးမှာမဟုတ်သေးဘူးလို့ ထင်ပါတယ်။ Listed ကုမ္ပဏီဆိုရင်လည်း များဦးမှာ မဟုတ်သေးဘူး။ လုပ်နိုင်ဖို့ပဲ အရေးကြီးပါတယ်။ စလုပ်နိုင်ပြီးရင် Step by Stepတွေ အကုန်လုံးကို ပိုပြီးကောင်းအောင်
လုပ်သွားလို့ရပါတယ်။

ကျွန်တော်တို့သိရသလောက်တော့ Listing လုပ်ဖို့ MAPCO နဲ့ AGDကတော့ နာမည်ထွက်နေတယ်။ အစ်ကိုတို့ကြားမိ သလောက်
ဘယ်ကုမ္ပဏီတွေ ဖြစ်နိုင်သေးလဲ။ စတဲ့အချိန်မှာ
ဘယ်နှခုလောက် Operate လုပ်ဖြစ်မယ်ထင်လဲ။ Securities
ကုမ္ပဏီအနေနဲ့ဆိုရင် ကော ဘယ်နှခုလောက်ရှိမှ စတော့မားကက်အတွက် Effective ဖြစ်နိုင်မလဲ။

ပြောဖို့ကတော့ခက်ပါတယ်။ AGD တို့၊ MAPCO တို့ ဆိုတာကတော့ လူတွေပြောနေကြတာပေါ့။ ဒါပေမဲ့ ဘယ်ဟာမှတော့ Confirm မဖြစ်ထားပါဘူး။ သိသလောက်ကတော့ FMI လည်းကြိုးစားနေတယ်။ ဒါလည်း ဘယ်လောက်အထိဖြစ်မယ်ဆိုတာမသိနိုင်ဘူး။ ကိုယ်လည်း Processထဲမှပါထားတာမဟုတ်ဘူးလေ။ အစပိုင်းမှာတော့ ကုမ္ပဏီတစ်ခုနဲ့ပဲစစ၊ ငါးခုနဲ့ပဲစစ စဖို့အရေးကြီးတယ်။ ကုမ္ပဏီနည်းနည်းနဲ့ပဲစလို့ မအောင်မြင်ဘူး လို့ ပြောလို့မရဘူး။ အစပိုင်းကတော့ အစမ်းသပ်ခံကာလလို့ပြော လို့ရပါတယ်။ ပြီးရင် တဖြည်းဖြည်းနဲ့ ကုမ္ပဏီတစ်ခုပြီးတစ်ခုတိုးလာ မှာပဲ။စဖွင့်တဲ့အချိန်မှာ ကုမ္ပဏီဘယ်နှစ်ခုရှိရမယ်ဆိုတာ အရေးမကြီးဘူး။ Infrastructureအဆင်သင့်ဖြစ်ဖို့အရေးကြီးတယ်။ ထားလိုက်ပါတော့ကုမ္ပဏီတစ်ခုနဲ့ စပြီးတော့နောက်နှစ်လနေပြီးတော့မှ ကုမ္ပဏီတစ်ခုတိုးလာတယ်။ နောက်သုံးလေးလနေမှနှစ်ခု သုံးခုတိုးလာတယ်ဆိုလည်းအဆင်ပြေတယ်။ ဗီယက်နမ်မှာဆိုရင် ၂၀၀၀-၂၀၀၆ ကာလတုန်းက OTC (Over The Counter Market) နဲ့စခဲ့တာ။ စတော့အိတ်ချိန်းနဲ့စခဲ့တာမဟုတ်ဘူး။ OTC ဈေးကွက်မှာလည်း သူတို့သုညနဲ့ စခဲ့ပြီးတော့ နောက်ပိုင်း ၂၀၁၂ ခုနှစ်လောက်ရောက်တော့သုံးရာကျော်သွားပြီ။ စတာတော့သုည နဲ့ စမှာပဲ။ အဲဒီတော့ စဖွင့်တဲ့အချိန်မှာ ကုမ္ပဏီငါးခုရှိမှအောင်မြင် တယ်၊ ဆယ်ခုရှိမှ အောင်မြင်တယ်လို့ ပြောလို့ မရဘူး။ အများကြီး နဲ့စပြီးမှ နောက်ပိုင်း System မနိုင်လို့၊ ဒါမှမဟုတ် မကျွမ်းကျင်လို့ Crash ဖြစ်သွားတာနဲ့စာရင်နည်းနည်းလေးနဲ့ပဲစပြီးတော့ နိုင်နိုင်နင်းနင်းတိုးသွားတာ ပိုကောင်းမယ်လို့ ထင်ပါတယ်။

Securities ကုမ္ပဏီကတော့ ဘယ်နှခုလောက်ဆိုရင် ဒီဈေးကွက် အတွက် Effective ဖြစ်မလဲ။

အစပိုင်းမှာ Listed ကုမ္ပဏီကမများဘူးဆိုတော့ Securities ကုမ္ပဏီကလည်းအများကြီးမလိုဘူး။ ပထမနှစ်နှစ်လောက်က ကုမ္ပဏီဘယ်နှခုချပေးမလဲမသိဘူး။ များများချပေးရင်လည်း ပထမနှစ်နှစ်လောက်က မမြတ်နိုင်သေးဘူး။ ပထမနှစ်နှစ်၊ သုံးနှစ် လောက်က Investment Period လို့ပဲ ကြည့်ရမှာပဲ။ ၀င်ငွေမရသေးပေမဲ့ ၀န်ထမ်းလစာတွေပေးရမယ်၊ ကုန်ကျစရိတ်တွေရှိမယ်ဆိုတဲ့အတွက် အဲဒီအချိန်အတွင်းမှာရှုံးဖို့ များတယ်။ ပြီးတော့မှ Listedကုမ္ပဏီတွေလည်းများလာပြီး Investorတွေ
ပိုရှာတွေ့တယ်ဆိုမှအမြတ်တွေဘာတွေဖြစ်ချင်ဖြစ်လာမယ်။ Securities
ကုမ္ပဏီတွေက အစပိုင်းမှာ သူတို့အနေနဲ့ Investment Period လို့ယူဆ ရမှာပါ။

ခုနကပြောသွားတဲ့အထဲမှာ ဗီယက်နမ်က ပထမငါးနှစ်လောက်မှာ OTC နဲ့စခဲ့တယ်။ ကျွန်တော်တို့နဲ့ဖွံ့ဖြိုးမှုချင်းနီးစပ်တဲ့ လာအိုနဲ့ကမ္ဘောဒီးယားမှာဆိုရင် ကုမ္ပဏီနှစ်ခုသုံးခုလောက်နဲ့ပဲ
တော်တော်လေးဈေးကွက်အေးနေတဲ့အနေအထားရှိတယ်။ ကျွန်တော်တို့ဆီမှာကော စစချင်းမှာ စတော့ဈေးကွက်ကငြိမ်နေပြီး OTCကပဲ အားကောင်းတာမျိုးဖြစ်လာနိုင်လား။

ဒါကလည်း အစိုးရရဲ့ Incentive(မက်လုံး) ပေါ်မူတည်ပါတယ်။ ကမ္ဘောဒီးယားနဲ့ လာအိုက စီးပွားရေးအရပဲဖြစ်ဖြစ်၊ လူဦးရေအရပဲဖြစ်ဖြစ် မြန်မာနိုင်ငံနဲ့ ယှဉ်လို့မရဘူး။ အဲဒီတော့ မြန်မာနိုင်ငံကယှဉ်မယ်ဆိုရင် ဗီယက်နမ်နဲ့ပဲ ပိုယှဉ်လို့ရမယ်ထင်တယ်။ အရေးကြီးတာက ဗီယက်နမ်မှာတော့ လက်ရှိငါးရာလောက်ရှိတယ်ထင်တယ်။ ဗီယက်နမ်ဘက်မှာ အစပိုင်းမှာ Listed ကုမ္ပဏီကဘယ်ကလာလဲဆိုတော့ State Owned Enterprise တွေဆီက လာတယ်။ State Owned
(အစိုးရပိုင်) ကုမ္ပဏီတွေကို Publicပြောင်းပြီးတော့ Listing လုပ်လိုက်တယ်။ မြန်မာပြည်မှာက State Owned တွေဆီကတော့သိပ်လာမယ်မထင်ဘူး။ လက်ရှိ Public ကုမ္ပဏီတွေကလည်း စတော့အိတ်ချိန်းကိုတင်ဖို့ သိပ်အဆင်မပြေလှဘူး။ နှစ်ရာလောက်ရှိတယ်။ ဒါပေမဲ့ အဲဒီ Public ကုမ္ပဏီတော်တော်များများက လုပ်ငန်းစလုပ်ခါစလေးတွေ၊ ဒါမှမဟုတ်သေးသေးလေးတွေ၊ အကြောင်းအမျိုးမျိုးကြောင့် လွန်ခဲ့တဲ့နှစ်နှစ်အတွင်းမှာစခဲ့တဲ့ ကုမ္ပဏီတွေများတယ်။ ကျွန်တော့်အမြင်မှာတော့ စတော့အိတ်ချိန်းမှာ Listing လုပ်တဲ့ ကုမ္ပဏီတွေက Private Sector ကလာမယ်ထင်တယ်။ အောင်မြင်တဲ့ Private ကုမ္ပဏီတွေက Public ကုမ္ပဏီတွေအဖြစ်ပြောင်းပြီး Listing လုပ်တာအားသာချက်တစ်ခုတွေ့တယ်ဆိုရင် သူတို့လုပ်လိမ့်မယ်လို့ထင်တယ်။ အောင်မြင်တဲ့ Private ကုမ္ပဏီတွေဆိုတာ များသောအားဖြင့် သူဌေးတစ်ဦးတည်းပိုင်တဲ့၊
ဒါမှမဟုတ်အများအားဖြင့် သူဌေးတစ်ဦးစီ Controlလုပ်နေတဲ့ကုမ္ပဏီတွေပဲလေ။ သူတို့အနေနဲ့ ဘာကိုစဉ်းစားမလဲဆိုတော့ Listingလုပ်ရင်သူတို့အတွက် ဘာဖြစ်သွားမလဲ။ Costတွေပိုများသွားမယ်၊ Transparency ပိုလုပ်ရမယ်၊ ပိုခက်မယ်၊ ခါတိုင်း သူတို့တစ်ယောက်တည်း ဆုံးဖြတ်နေကျကိစ္စကို တစ်ယောက်တည်း ဆုံးဖြတ်လို့မရတော့ဘူး။
ဘာလို့လဲဆိုတော့ Shareholderတွေ ထပ်ဝင်လာရင် နဂိုပိုင်ရှင်က
Majorityကိုင်ထားရင်တောင် ဒီအကြောင်းကြောင့် ဒီလိုမျိုး Decision လုပ်ခဲ့တယ်ဆိုတာကိုတင်ပြရတော့မယ်။ သူ တို့အတွက်က Mentalityပြောင်းဖို့ပိုလိုလာမယ်။ Accounting တွေဘာတွေကအစ Transparency ရှိဖို့ပိုလိုလာမယ်။ အားနည်းချက်က အဲဒါတွေရှိတယ်ဆိုတော့ သူတို့အတွက် အားသာချက်က
ဘာတွေရှိမလဲစဉ်းစားမယ်။ ဒီအားသာချက်ကပိုများနေရင်သူတို့ Listingလုပ်ဖို့စိတ်ဝင်စားမယ်။ အားသာချက်ကဘာဖြစ်နိုင်လဲဆိုတော့ အဓိကက သူတို့လုပ်ငန်းတွေတိုးချဲ့ချင်တယ်၊ နိုင်ငံခြား ကုမ္ပဏီဝင်လာပြီး အပြိုင်အဆိုင်များလာရင် သူတို့ရဲ့ Capitalနဲ့ မလုံလောက်တော့ဘူး။ သူတို့အနေနဲ့လုပ်ငန်းတိုးချဲ့ဖို့ ပိုက်ဆံရှာနေ ပြီဆိုရင်ဘဏ်တွေဆီကသွားချေးဖို့အဆင်မပြေဘူးဆိုရင် Investor ထပ်ရှာနိုင်မှသူတို့လုပ်ငန်းတွေတိုးချဲ့လို့ရမယ်။ သူတို့အနေနဲ့အစက၁၀၀ရာခိုင်နှုန်းပိုင်နေတဲ့အနေအထားကနေနောက်ပိုင်းကနေ၅၁ရာခိုင်နှုန်းလောက်ပဲပိုင်ချင်ပိုင်တော့မယ်။ ဒါပေမဲ့ အဲဒီ ၅၁ ရာခိုင်နှုန်းပဲပိုင်တဲ့ကုမ္ပဏီက အရမ်းပိုအောင်မြင်တဲ့၊ ပိုပြီး ကြီးတဲ့ကုမ္ပဏီဖြစ်နိုင်တယ်။
ငွေကြေးပမာဏအနေနဲ့ ကြည့်လိုက်မယ်ဆိုရင် ကုမ္ပဏီ ကြီးရဲ့ ၅၁ ရာခိုင်နှုန်းက ကုမ္ပဏီအသေးရဲ့ ၁၀၀ ရာခိုင်နှုန်းထက် ပိုများနိုင်တယ်။ နိုင်ငံခြားကုမ္ပဏီတွေဝင်လာလို့ သူတို့နဲ့ Partner လုပ်မယ်ဆိုရင်လည်း Position
ပိုကောင်းတယ်။ Competition ဆိုရင်လည်း ကိုယ့်ကုမ္ပဏီကပိုပြီးတော့ယှဉ်နိုင်တယ်။ အခုလူတွေ တော်တော်များက ဘာတွေ့ကြလဲဆိုတော့ Mr. Serge Pun တို့ အုပ်စုဆိုရင် YOMA Strategic ရှိတယ်။ သူကမြန်မာပြည်မှာ Listing
လုပ်ထားတာတော့မဟုတ်ပါဘူး။ စင်ကာပူမှာ Listing လုပ်ထားတာ။ ဒါပေမဲ့ အဲဒီလို Listing လုပ်ထားတဲ့အတွက် သူတို့အုပ်စုကစိတ်ချရတယ်ဆိုတဲ့အမြင်မျိုးရှိတယ်။Image ပို ကောင်းသွားတယ်။ ဘာဖြစ်လို့လဲဆိုတော့ Listing
လုပ်ဖို့ဆိုတာက Criteriaတွေကို ကိုယ့်ဘက်ကဖြည့်ဆည်းပေးနိုင်မှ Listingလုပ်ခွင့်ပေးတာကိုး။ ပြီးတော့စတော့ အိတ်ချိန်းကလည်းတောက်လျောက်စောင့်ကြည့်နေတယ်။ နိုင်ငံခြားကုမ္ပဏီတစ်ခုက ဥပမာ- KFCတို့၊ ဒါမှမဟုတ်လည်း ကုမ္ပဏီအကြီးကြီးတစ်ခုက မြန်မာပြည် ကိုဝင်လာရင် ဘယ်သူနဲ့ Partnerလုပ်မလဲသူတို့စဉ်းစားတော့မယ်။ ဒီကုမ္ပဏီက Listedကုမ္ပဏီတစ်ခုဖြစ်နေတယ်ဆိုရင် စတော့ အိတ်ချိန်းကလည်း နာမည်ကောင်းတယ်ဆိုရင် အဲဒီ Listedကုမ္ပဏီတစ်ခုနဲ့သူတို့တွဲလုပ်ဖို့ သူတို့ပိုလွယ်တယ်။ Privateကုမ္ပဏီတစ်ခုကျတော့သူတို့ ဘယ်လောက်ပဲအောင်မြင်အောင်မြင် သူတို့အကြောင်းကိုဘာမှမသိဘူး။ Transparentမဖြစ်ဘူးဆိုရင် အရွယ်အစားချင်းတူရင်တောင် Listed
ကုမ္ပဏီနဲ့ပဲ တွဲလုပ်လိမ့်မယ်။ အဲဒီတော့ မြန်မာပြည်ကလည်း နောက်ငါးနှစ်၊ ဆယ်နှစ်မှာ လုပ်ငန်းတွေပိုတိုးချဲ့လာမယ်ဆိုတာ နိုင်ငံခြားရင်းနှီးမြှုပ်နှံမှုနဲ့လည်း တော်တော်လေးဆိုင်တယ်။ န်ုင်ငံခြားရင်းနှီးမြှုပ်နှံသူနဲ့ တွဲလုပ်နိုင်တဲ့ကုမ္ပဏီကလည်းပိုပြီးတော့အောင်မြင်နိုင်မယ်။ အဲဒီတော့တချို့ကုမ္ပဏီတွေက Listingလုပ်ထားတယ်ဆိုရင်၊ စတော့အိတ် ချိန်းကလည်း နာမည်ကောင်းတယ်ဆိုရင် Listing လုပ်လိုက်တယ်ဆိုရင် အားသာချက်တစ်ခုဖြစ်သွားတယ်။ Listing မလုပ်တဲ့ ကုမ္ပဏီတွေကတော့ပြတ်ကျန်သွားမယ်။ အဲဒီမှာ Competitionပေါ်လာတယ်။ တချို့တွေပိုအောင်မြင်သွားတယ်။ တချို့တွေက သူတို့မပြောင်းတဲ့အတွက် မအောင်မြင်ဘူးဆိုရင် အဲဒီဘက်မှာ Pressure ဖြစ်ပြီးတော့ Listingလုပ်ဖို့ တော်တော်များများစိတ် ၀င်စားလာလိမ့်မယ်။

ကိုအောင်သူရတို့ Thura Swiss အနေနဲ့ OTCမားကက်ကို
စိတ်ဝင်စားတယ်လို့ ကြားရပါတယ်။ အဲဒီအတွက်ဘာတွေပြင်ဆင်ထားပြီးပြီလဲ သိပါရစေ။

OTC မားကက်ဆိုတာကတော့ ကျွန်တော်တို့ဘက်က ဘာလုပ်ထားသလဲဆိုတော့ ဆော့ဖ်ဝဲကိုရေးထားတာ အိုင်တီပလက် ဖောင်းအနေနဲ့ ပြင်ဆင်ထားတာ။ နောက်ပိုင်း OTC မားကက်တွေ ဘာတွေလုပ်လို့ရမယ့်အချိန်ကျရင် အိုင်တီပလက်ဖောင်းရှိတယ်။ အရောင်းအ၀ယ်တွေလုပ်လို့ရအောင် ပလက်ဖောင်းတစ်ခုပြင်ဆင် ထားတဲ့သဘောပါပဲ။ စိတ်ဝင်စားတာကတော့ Securitiesလုပ်ငန်း ကို ဘယ်အပိုင်းမဆိုစိတ်ဝင်စားပါတယ်။
ဒါတော့ ဘယ်အပိုင်းမှာလုပ်ခွင့်ရမယ်၊ မရဘူးဆိုတာ ကိုလည်းမသိသေးပါဘူး။ အစိုးရကလည်း လိုင်စင်တွေဘယ်လို ချပေးမယ်ဆိုတာကိုလည်း အတိအကျမသိသေးတဲ့အတွက် ဘယ်အပိုင်းမှာ ပါလို့ရတယ်၊ မရဘူးဆိုတာတော့ ကိုယ်လည်းပြောလို့မရသေးဘူးပေါ့။ အစ်ကိုတို့အနေနဲ့ကတော့ Securities Market ကို တစ်နည်းမဟုတ်တစ်နည်းတော့ပါချင်တယ်။ Contribute လုပ်ချင်တယ်။ ဘယ်လိုလုပ်လို့ရမလဲဆိုတာတော့ နောက်ပိုင်းပိုပြီးရှင်း လာတဲ့အချိန်ကျမှ သတ်မှတ်လို့ရမှာပေါ့။

စတော့ဈေးကွက်မှာရှိတဲ့စိန်ခေါ်မှု တော်တော်များများထဲက တစ်ခုပေါ့။ ရင်းနှီးမြှုပ်နှံမှုနဲ့ပတ်သက်တဲ့ကျွမ်းကျင်တဲ့သူ မြန်မာပြည်မှာက
စတော့မားကက်ဆိုတာက အခုမှပြန်လုပ်ကြတာ။ အဆက်ပြတ်နေတာကြာပြီဆိုတော့ လူ့စွမ်းအားအရင်းမြစ်နဲ့
ပတ်သက်ပြီး နိုင်ငံခြားသားကျွမ်းကျင်ပညာရှင်တွေကိုပဲ အဓိကသုံးလာနိုင်လား၊ ဒါမှမဟုတ် ပြည်တွင်းကပဲ
လုံလုံလောက်လောက်ရနိုင်မလား။

Securities ကုမ္ပဏီတစ်ခုအနေနဲ့က Division တွေ အမျိုးမျိုးရှိတယ်။ တစ်ခုက Investment Banking Division ရှိမယ်။
Investment Banking Division က ဘာလုပ်မလဲဆိုရင် ကုမ္ပဏီတစ်ခုငွေရှာနေတယ်ဆိုရင် သူတို့ရှယ်ယာတွေကိုထုတ် ရောင်းဖို့၊ ဒါမှမဟုတ် Bond တွေကို ထုတ်ရောင်းဖို့အကြံပေးတယ်။ အကြံပေးရုံတင်မဟုတ်ဘူး။ ရှယ်ယာတွေ၊ ဒါမှမဟုတ် Bondတွေထုတ်ရောင်းတဲ့ Processတစ်ခုလုံးကိုဝန်ဆောင်မှုပေးတယ်။ Valuation လုပ်ပေးတယ်။ ရှယ်ယာတွေထုတ်ရောင်းတဲ့အထိ အကုန်လုံးလုပ်သွားတယ်။ ပြီးရင် Underwriting
ကအစ သူတို့ လုပ်နိုင်တယ်။ Underwriting ဆိုတာ အာမခံပြီးတော့ မရောင်းရတဲ့ရှယ်ယာတွေကို သူတို့ကိုယ်တိုင်ဝယ်တယ်။ အဲဒီ Division ကတော့ ပညာတော်တော်လိုတယ်။ အဲဒါကိုဆုံးဖြတ်နိုင်ဖို့၊ ဝေဖန်နိုင်ဖို့ ကုမ္ပဏီတစ်ခုကိုတန်ဖိုးဖြတ်နိုင်ဖို့ မြန်မာတော်တော်များများက သိပ်မရှိသေးဘူး။ အဲဒီနေရာမှာဦးဆောင်မယ့်သူတွေ ကတော့အစပိုင်းမှာအတွေ့အကြုံရှိတဲ့ Investment၊ Banking မှာလုပ်ဖူးတဲ့သူတွေလိုတယ်။ ဒီ Capacity မြန်မာ ပြည်မှာသိပ်မရှိသေးဘူး။ ဒါပေမဲ့ အဲဒီမှာဝင်လုပ်တဲ့ တခြားသူတွေကတော့၊ ဥပမာ- Accounting ကိုကျွမ်းကျင်တဲ့မြန်မာတွေ၊ အင်္ဂလိပ်လိုလည်း ကျွမ်းကျင်ရမယ်။ Business အမြော်အမြင်ရှိတဲ့သူမျိုး ဖြစ်နိုင်တယ်။ သူတို့က ဒီ Processတွေ နားလည်အောင်ငါးနှစ်၊ ဆယ်နှစ်လောက်တော့သင်ရလိမ့်မယ်။ Investment Banking Division မှာ အစပိုင်းတော့
နိုင်ငံခြားအကူအညီ လိုလိမ့်မယ်။ နောက်တစ်ခုက Sales & Trading Division ရှိတယ်။ Brokerage
တို့၊ အရောင်းအ၀ယ်လုပ်တာတို့၊ ရှိပြီးသားရှယ်ယာတွေအရောင်း အ၀ယ်လုပ်တဲ့အပိုင်းတွေပေါ့။ အဲဒီ Division
ကတော့ နိုင်ငံခြားသားတွေက အတိုင်းအတာတစ်ခုထိပဲလိုအပ်တယ်။ Broker တွေဆိုတာ Client Relationship
ကိုတည်ဆောက်ရမှာ။အဲဒါတွေကျတော့ မြန်မာတွေကလုပ်တတ်တယ်။
နိုင်ငံခြားသားဆိုရင်လည်း အောင်မြင်မှာမဟုတ်ဘူး။ Local ပညာတတ်တွေလိုမယ်။ Customerတွေနဲ့ဆွေးနွေးနိုင်ရမယ်။ Customer
တွေကိုရှင်းပြနိုင်ရမယ်။ ဘယ်ရှယ်ယာတွေကို ဘာကြောင့်ဝယ်သင့်တယ်။ ဘာကြောင့်ရောင်းသင့်တယ်။ သူတို့ကိုယ်တိုင် Knowledgeက Research တွေဘာတွေလုပ်တဲ့အဆင့်ထိမဟုတ်ဘူး။ ရှိပြီးသား Research တွေကိုဖတ်ပြီးတော့ Client တွေကို ပြန်ရှင်းပြနိုင်တဲ့အဆင့်ဆိုရင်ရတယ်။ ဒါက Local တွေနဲ့ဆိုင်တယ်။
တတိယ Division က ဘာလဲဆိုတော့ Research Division ဆိုတာရှိတယ်။ Research Divisionကဈေးကွက်ကြီး တစ်ခုလုံးရော ကုမ္ပဏီတစ်ခုရဲ့ အခြေအနေကိုပါ လေ့လာတယ်။ Report တွေဖတ်မယ်၊ သတင်းစာတွေဖတ်မယ်၊ Annual General Meeting တွေသွားမယ်။ Management နဲ့ဆွေးနွေးမယ်။ အဲဒါတွေကိုအခြေခံပြီးတော့ Independent Report တွေရေးရမယ်။ Independent ဆိုတာ အဲဒီကုမ္ပဏီဘက်ကအားနာပြီးတော့ လိုက်မရေးရဘူး။ သူတို့ အမြင်အရ ဒီကုမ္ပဏီဆီကရှယ်ယာဝယ်သင့်တယ်၊ မ၀ယ်သင့်ဘူးဆိုတာကိုရေးရတယ်။ သူတို့ကလည်း Independent ဆိုတာကလည်း Broker တွေဆီကနေ Independent ဖြစ်ရမယ်။ Broker တွေက ဒီကုမ္ပဏီတွေကို ၀ယ်စေချင်လို့ Reportတွေကိုဒီလိုရေးပေးပါဆိုရင် ရေးပေးလို့မရဘူး။ အဲဒီဝန်ထမ်းတွေက Broker တွေနဲ့သတ်သတ်ခွဲထားရမယ်။Research
လုပ် မယ့်ဝန်ထမ်းတွေကျတော့ အတွေ့အကြုံလိုတယ်။ အတွေ့အကြုံဆိုတာက ကုမ္ပဏီကို တန်ဖိုးဖြတ်နိုင်ရမယ်။ Report တွေရေးတတ်ရမယ်။ အဲဒါတွေက Researchအပိုင်းမှာ အတွေ့အကြုံလိုတယ်။ အဲဒါကျတော့ နိုင်ငံခြားသားအကူအညီလိုနိုင်တယ်။ ဒါပေမဲ့ နိုင်ငံခြားသားအကူအညီနဲ့လည်းမပြီးနိုင်ဘူး။ Localလည်းလိုအပ်တယ်။ နိုင်ငံခြားသားကနည်းပညာတွေနဲ့ Valuation Method တွေသိမယ်။ ဒါပေမဲ့ ဒီကုမ္ပဏီ Mangementနဲ့ သွားတွေ့ဖို့၊
ဒါမှမဟုတ် Financail Statement တွေဖတ်ဖို့ တချို့က
မြန်မာလိုရေးထားတယ်။ Financial Statementကို မြန်မာပြည်မှာဘယ် လိုရေးတယ်ဆိုတာနားလည်ဖို့လိုလည်းလိုတယ်။နိုင်ငံခြားသားကျတော့သိချင်မှသိမယ်။ အဲဒီနေရာကျတော့ နိုင်ငံခြားသားနဲ့ တွဲလုပ်ဖို့ လိုတယ်။ ဒါကတော့ Knowledge ပိုလိုတယ်။ အဲဒီ Report ကို အခြေခံပြီးတော့မှ Brokerက အဲဒါကိုဖတ်ပြီးတော့ ဘယ်ရှယ်ယာကို ၀ယ်သင့်တယ်၊ ဘယ်ရှယ်ယာကို ရောင်းသင့်တယ်ဆိုတာကို အကြံပေးတယ်။ အဲဒီတော့ Division တစ်ခုနဲ့ တစ်ခုမတူဘူး။ Investment Banking Division မှာ နိုင်ငံခြားသားအကူအညီ တော်တော်လေးလိုမယ်။ အဲဒါက Underwriting နဲ့ ဆိုင်တဲ့ Businessပေါ့။ Brokerage Business ကျတော့တော်တော်လေး Local နဲ့ ဖြစ်နိုင်တဲ့မားကက်၊ Research မားကက်ကျတော့နိုင်ငံ ခြားသားရော၊ ပြည်တွင်းပါလိုမယ်။

လက်ရှိ ကျွန်တော်တို့လေ့လာမိသလောက်တော့ ပြည်တွင်းမှ တခြား Sector တွေထက် Banking Sector က စတော့အိတ်ချိန်းမှာဝင်ပြီး Listingလုပ်ဖို့ပိုပြီးများ စိတ်ဝင်စားနေသလားလို့။ ဒါပေမဲ့ တစ်ဖက်က ပြန်စဉ်းစားကြည့်ရင်လည်းစပြီး Boom ဖြစ်လာတဲ့ Sector တွေလည်းအများကြီးရှိပါတယ်။ ဥပမာ- IT Sectorတွေလိုမျိုးပေါ့။ အဲဒီတော့ အစ်ကို့ရဲ့အမြင်အရနောက်ပိုင်းကျရင်
စတော့ဈေးကွက်၊ OTCဈေးကွက်တွေမှာ ဘယ် Sector တွေကကုမ္ပဏီတွေ ပိုပြီးဝင်ရောက်လာမယ်လို့ ခန့်မှန်းမိလဲ။

ဘဏ်တွေက ဘာကြောင့်စိတ်ဝင်စားလဲဆိုရင် ဗဟိုဘဏ်က
အမြဲစောင့်ကြည့်နေတော့ သူတို့ရဲ့ Accounting Standard က တခြား Sector တွေနဲ့ယှဉ်ရင် ပိုပြီး Cleanဖြစ်နေပြီလို့ ပြောလို့ရတယ်။ အဲဒီတော့ သူတို့အနေနဲ့ စတော့အိတ်ချိန်းကိုတင်မယ်ဆိုရင်
မခက်တော့ဘူး။ အကုန်လုံးကပြင်ဆင်ပြီးသားလို ဖြစ်နေတယ်။ ကျန်တဲ့ကုမ္ပဏီကျတော့ တချို့က အရင်တုန်းကအခွန်မဆောင်တာတွေ၊ စာရင်းတွေနှစ်မျိုး ကိုင်တာတွေရှိတဲ့အတွက် စတော့အိတ်ချိန်းကို လက်ရှိတင်ချင်တယ်ဆိုရင်တောင် မလွယ်ဘူး။ သူတိုရဲ့ Standard တွေကိုပြန်လုပ်ရမှာတွေ အများကြီးရှိသေးတယ်။ အဲဒီကုမ္ပဏီတွေတော်တော်များများက အဆင်သင့်မဖြစ်သေးတဲ့အတွက် သူတို့ဆီကသိပ်မကြားရဘူး။

နောက်ဆုံးမေးချင်တာကပြီးခဲ့တဲ့နှစ်တွေအတွင်းရင်းနှီးမြှုပ်နှံမှု အားအရမ်းကောင်းခဲ့တဲ့ အိမ်ခြံမြေဈေးကွက်က အခုလက်တလောတော့ အနည်းငယ်အေးနေတာတွေ့ရပါတယ်။ ပြီးတော့ ကားဈေးကွက်တို့ဘာတို့ဆိုရင်လည်း အခြေအနေသိပ်မကောင်းလှဘူး။ အဲဒီတော့ စတော့ဈေးကွက်ပေါ်လာတဲ့အခါကျရင် ရင်းနှီးမြှုပ်နှံမှု အရွေ့ကဘယ်လိုမျိုးဖြစ်လာနိုင်လဲ။ အိမ်ခြံမြေ၊ ကား၊ ဘဏ်၊ စတော့ရှယ်ယာစတာတွေထဲမှာ လူတွေပိုရင်းနှီးမြှုပ်နှံမယ့်ဈေးကွက်ပေါ့။

ဒါကတော့ စတော့ဈေးကွက်လည်း Investmentတစ်မျိုး
ဖြစ်သွားမှာပဲ။ အိမ်ခြံမြေဈေးကွက်ကတစ်ခုရှိတယ်။ ForeignExchangeရှိတယ်။ Commodity အရောင်းအ၀ယ်လုပ်တာလည်းရှိမယ်။
အဲဒီအတိုင်းပဲစတော့အိတ်ချိန်းပေါ်လာမယ်ဆိုရင်လည်း ဒီရှယ်ယာဈေးကွက်က ရင်းနှီးမြှုပ်နှံမှုတစ်မျိုးဖြစ်လာမှာပဲ။ အိမ်ခြံမြေဈေးကွက်မှာဆိုရင် တချို့တွေက ပိုက်ဆံတွေပိုနေပြီးတော့၊ ဒါမှမဟုတ် ငွေမည်းတွေကို ဘယ်မှာထားရမှန်းမသိလို့ အဲဒီမှာသွားဝယ်ပြီးလုပ်ကြတာရှိတယ်။ အခုလောလောဆယ် ရှိနေတဲ့ပုံစံက ၃၀ရာခိုင်နှုန်းအခွန်ဆောင်လိုက်မယ်ဆိုရင် ငွေဖြူဖြစ်သွားတယ်။
ခြံကိုပြန်ရောင်းလိုက်ရင်လည်း ငွေဖြူဖြစ်သွားတယ်။ စတော့အိတ်ချိန်းမှာလည်း အဲဒီလိုမျိုးဖြစ်သွားနိုင်တယ်။ အန္တရာယ်ရှိတယ်။

စတော့အိတ်ချိန်းမှာလည်း ငွေမည်းရှိတယ်။ငွေမည်းကို ရှယ်ယာဝယ်လိုက်တယ်။ ပြန်ရောင်းလိုက်ရင်ထွက်လာတဲ့ပိုက်ဆံက
ငွေဖြူဖြစ်ရင် လူတွေက စတော့အိတ်ချိန်းမှာရင်းနှီးတာက
ငွေဖြူဖော်ဖို့ဖြစ်သွားနိုင်တယ်။ ငွေဖြူဖော်ဖို့အတွက်ပဲ ရင်းနှီးတယ်ဆိုရင် ရေရှည်မှာအလားအလာမကောင်းနိုင်ဘူး။ ရှယ်ယာဈေးကွက်မှာ အရောင်းအ၀ယ်တွေကကုမ္ပဏီတွေနဲ့ မဆိုင်တော့ဘူး။ ငွေဖြူဖော်ချင်ရင်ရှယ်ယာဝယ်လိုက်တဲ့ အချိန်မှာ စတော့ဈေးကွက်ကအရမ်းထိုးတက်သွားရော။ အထူးသဖြင့် ကုမ္ပဏီသိပ်မများတဲ့အချိန်မှာဖြစ်နိုင်တယ်။

ထိုးတက်တာက အဲဒီကုမ္ပဏီရဲ့အခြေအနေနဲ့ ဘာမှ မဆိုင်ဘဲ ထိုးတက်သွားတာ။ ပြီးမှငွေဖြူပေါ်ပြီဆိုပြီး ပြန်ရောင်းထုတ်တဲ့အချိန်မှာ ထိုးကျသွားရော။ တချို့ဟာတွေကျတော့ Seasonal (အချိန်ရာသီအလိုက်) ဖြစ်နိုင်တယ်။ အဲဒီလိုမျိုးဖြစ်တယ်ဆိုရင် စတော့ဈေးကွက်ကြီး ထိုးတက်၊ ထိုးကျတာက အဲဒီကုမ္ပဏီရဲ့အခြေအနေနဲ့မဆိုင်ဘဲနဲ့ အဲဒီလိုမျိုးဖြစ်တယ်ဆိုရင် ရေရှည်မှာမကောင်းဘူး။ အိမ်ခြံမြေဈေးကွက်လည်း အဲဒီအတိုင်းဖြစ်နေတာ၊
တကယ်တော့မကောင်းဘူး။ အဲဒီလိုမျိုးမဖြစ်သင့်ဘူး။ ရေရှည်မှာ စီးပွားရေးတစ်ခုလုံးကို ထိခိုက်တယ်။ အစိုးရအနေနဲ့ဘာကိုစဉ်းစားသင့်သလဲဆိုတော့ အစိုးရအနေနဲ့ ငွေဖြူဖော်ဖို့အတွက် Investment နည်းလမ်းမဟုတ်တာမျိုး တခြားနည်းလမ်း ရှာပေးသင့်တယ်။ အစိုးရဘက်က ဘယ်လိုမျိုးငွေမည်းကို ငွေဖြူအဖြစ်ပြောင်းဖို့လက်ခံပြီး ဘယ်လိုဟာမျိုးကိုတော့ လက်မခံဘူးဆိုတာပေါ့။ ဥပမာ- မူးယစ်ဆေးဝါးကို လက်မခံဘူးဆိုရင် ခွင့်မပေးနဲ့။ တချို့ဟာကျတော့အရင်တုန်းက အခွန်မဆောင်ထားတဲ့ ငွေမည်းတွေရှိမယ်။ အဲဒါမျိုးကျတော့ သူတို့အနေနဲ့ ငွေဖြူပြန်ဖြစ်ဖို့ အစိုးရကလက်ခံတယ်ဆိုရင် လမ်းဖွင့်ပေးဖို့လိုမယ်။ တချို့ကျတော့လည်း
မှောင်ခိုလုပ်ထားတာ၊ ကျောက်တွေဘာတွေ လုပ်ထားတာ အဲဒါကိုလည်းငွေဖြူအဖြစ်ပြန် ဖော်ဖို့ အစိုးရအနေနဲ့ စိတ်ဝင်စားတယ်ဆိုရင် အိမ်ခြံမြေဈေးကွက်တို့၊ စတော့ဈေးကွက်တို့ကို အလွဲသုံးစားလုပ်မယ့်အစား သူတို့အနေ နဲ့ တိုက်ရိုက်လမ်းဖွင့်ပေးလိုက်။ ကိုယ့်မှာငွေမည်းရှိတယ်ဆိုရင်ဘယ်ကလာတဲ့ ငွေမည်းလဲဆိုတာကို ကြေညာရမယ်။ ကြေညာပြီးရင် အဲဒါကို အခွန်ဘယ်လောက်ဆောင်လိုက်ဆိုရင် ငွေဖြူဖြစ်သွားမယ်။ အဲဒါမျိုးကိုလုပ်ဖို့ဆိုရင် အချိန်အတိုင်းအတာတစ်ခု
ပေးလိုက်ပေါ့။ နှစ်နှစ်အတွင်းမှာ ငွေမည်းမှန်သမျကို ငွေဖြူအဖြစ် ပြောင်းရမယ်။ အခွန်ဘယ်လောက်ဆောင်ရမယ်။ ဒီနှစ်နှစ်အတွင်းမှာ အစိုးရက သတ်မှတ်ထားတဲ့ နည်းလမ်းကိုသုံးသွားမယ်ဆိုရင်
အခွန်ဆောင်တာကလွဲလို့ တခြားဘာမှအရေးမယူဘူးဆိုတာကို အစိုးရက အာမခံဖို့လိုမယ်။အဲဒီနှစ်နှစ်ကျော်သွားလို့ ငွေမည်းကိုတွေ့တယ်ဆိုရင်တော့
ပြင်းပြင်းထန်ထန် အရေးယူမယ်ဆိုရင် ပိုပြီးကောင်းလိမ့်မယ်ထင်တယ်။ အဲဒါအတွက်ဘာလို့လဲဆိုရင် အစိုးရကလွှတ်တော်ကတစ်ဆင့် ဥပဒေတစ်ခု လိုမယ်။ ဥပဒေကလွှတ်တော်ဆီကတစ်ဆင့်ဆိုရင် ပြောင်းဖို့မလွယ်ဘူး။ တကယ့်ဥပဒေနဲ့ သွားမယ်ဆိုရင် လူတွေက ပိုပြီးယုံကြည်မှုရှိမယ်။ အဲဒါကို ငွေဖြူဖော်တယ်ဆိုရင် အဲဒီငွေဖြူကို နေရာတိုင်းမှာသုံးလို့ ရတယ်။ မြေ၀ယ်မလား၊ စတော့အိတ်ချိန်းမှာရင်းနှီးမလား၊ တခြားဟာဘာလုပ်မလဲပေါ့။ အဲဒီလိုမျိုး လိုမယ်ထင်တယ်။

အခုလိုအချိန်ပေးဖြေကြားပေးတဲ့အတွက် ကျေးဇူးအထူးတင်ပါတယ်။

တရုတ်လူမျိုးတစ်ဦးရဲ့ စီးပွားရေး ဈေးကွက် အပိုင်သိမ်းမှု

Lo Ping Zhong (aka Steven Law, aka Tun Myint Naing) the head of Asia World in Toronto, June 5, 2014.   Credit: Asia Pacific Foundation of Canada.  Note small file size.  [PNG Merlin Archive]

Lo Ping Zhong (aka Steven Law, aka Tun Myint Naing) the head of Asia World in Toronto, June 5, 2014. Credit: Asia Pacific Foundation of Canada. Note small file size. [PNG Merlin Archive]

တရုတ်လူမျိုး ဦးထွန်းမြင့်နိုင်(Asia World)က ရန်ကုန်လေဆိပ်ကို ဘယ်လိုချယ်လှယ်ခဲ့ သလဲဆိုတာ နည်းနည်း ထပ်ပြောပါမယ်။ တကယ်တော့ လေဆိပ်တစ်ခုရဲ့ အော်ပရေတာ အနေနဲ့ ပွင့်လင်းမြင်သာမှုရှိရမယ့်ကိစ္စတွေမှာ မရှင်း မလင်းဖြစ်နေ တာတွေ အတွက် ဝေဖန်စရာတွေ ရှိနေပါတယ်။ ရိုးသားမှုနဲ့ ပွင့်လင်းမြင်သာမှုဆိုတာက ဒွန်တွဲနေတဲ့အရာတွေပါ။

Airport Operator အနေနဲ့ လေဆိပ်မှာရှိတဲ့ ဆိုင်တွေရဲ့ Space Allocation ကို စီမံခန့်ခွဲခွင့်ရှိပေမယ့် ကိုယ့် သဘောနဲ့ကိုယ် လုပ်လို့မရပါဘူး။ မြင်သာ၊ထင်သာရှိတဲ့ စနစ်နဲ့ လုပ်ရပါမယ်။ (ဈေးတစ်ဈေးမှာ ဈေးခေါင်း က သူ့ဆိုင်နဲ့ သူ့ရဲ့ဆွေမျိုးအသိုင်းအ၀ိုင်းတွေအပေါင်းအသင်းတွေကျတော့
နေရာကောင်းမှာပေးပြီး၊ ကျန်တဲ့ ဆိုင်တွေကို ချောင်ထိုးတဲ့အလုပ်လုပ်လို့ မရသလိုပေါ့။) တင်ဒါတွေ ခေါ်ရပါမယ်။ ဈေးနူန်းတွေ တိုးပြီးတောင်း တာကရော ဘယ်စနစ်အပေါ်အခြေခံပြီး တောင်းတာလဲ။

Airport Operator အတွက် တင်ဒါတောင်းခံခဲ့တုန်း က ဘယ်လိုစည်းမျဉ်း၊စည်းကမ်းသတ်မှတ်ချက်တွေ ရှိခဲ့လဲ။ မြေဧကဘယ်လောက်ငှားခွင့်ရပြီး တစ်ဧက ဘယ် လောက်နူန်းလဲ။ အရင်းကြေ ကာလဘယ လောက်တွက်ပြီး ၀င်ငွေရပေါက်ရလမ်းတွေ ဘယ်လိုဖော်ပြခဲ့လဲပေါ့။ ဒါတွေကို ပွင့်လင်းမြင်သာအောင် ရှင်း မပြဘဲ ကိုယ်သတ်မှတ်ချင်တဲ့ဈေးနူန်းသတ်မှတ်ပြီး တောင်းတယ်ဆိုရင်တော့ မဖြစ်သင့်ဘူးပေါ့။

ဒါက မြေ နေရာလောက်ပဲရပြီး လေဆိပ်အသစ်ကြီးဆောက်နေရတာလဲ မဟုတ်ဘူး။ Existing Facility တွေ သုံးပြီး Extension လုပ်ရတဲ့ သဘောဘဲရှိတာ။

အထက်မှာဖော်ပြခဲ့သလို ၂.၇.၂၀၁၂ ရက်နေ့မှာ ဟံသာဝတီ လေဆိပ်ကိစ္စ DCA က ချပြရှင်းလင်းပုံက ဟံသာဝတီလေဆိပ်ကို ဆွဲထားတဲ့ Schedule တွေ အတိုင်းလုပ်ပြီး ပြီးသွားရင် ရန်ကုန်လေဆိပ်က Domestic Airline လောက်ပဲ ကျန်ခဲ့ပြီး General Aviation ကိစ္စအဓိကလုပ်ရမှာ။ ဟံသာဝတီလေဆိပ်ကို အထောက် အကူပြုတဲ့ လေဆိပ်အနေနဲ့ပဲ ရှိတော့မှာမယ့်အနေအထားပေါ့။ ခရီးသည် (၅.၄) သန်းလောက် handle လုပ်နိုင်တဲ့ Facility ရှိဖို့ပဲ အဓိကလုပ်ရမှာ။

ဒါက ဟံသာဝတီလေဆိပ် အတွက် Successful Tenderer နဲ့ back up Tenderer တွေနဲ့ ဆွေးနွေး တဲ့အပိုင်းမှာလည်း အဓိကအချက် အနေနဲ့ ပါနေတာ။ အခုတော့ ဦးစိုးသိန်းနဲ့ ပေါင်းပြီး ခရီးသည် သန်း ၂၀ လောက် handle လုပ်နိုင်တဲ့ အဆင့် အထိ ကျိုးစားနေတယ်ဆိုတော့ တစ်ဖက်က ဟံသာဝတီလေဆိပ် Project ကို ပျက်အောင်လုပ်နေတယ်ဆိုတာ မပေါ်လွင်ဘူးလား။ ဟံသာဝတီလေဆိပ်ပြီးလို့ ပြောင်းသွားရင် သူ့ရဲ့ ၀င်ငွေက ကျသွားမှာလေ။ နိုင်ငံအတွက် မဟုတ်ဘဲ သူတို့အတွက်ပဲလုပ်နေတယ်ဆိုတာ မထင်ရှားဘူးလား။

DCA က ပြည်တွင်းလေဆိပ် (၃၀)ကိုလည်း PPP (Public Private Partnership) လုပ်ဖို့ အဆိုပြုလွှာ တွေ လက်ခံခဲ့ပြီးမှ ဥပဒေတွေ၊နည်းဥပဒေတွေ မရှိသေးလို့၊ မထုတ်ပြန်ရသေးလို့ဆိုပြီး စောင့်နေခဲ့တယ်လို့ပဲ နားလည်ထားတာ၊ အခုတော့ ဘာဥပဒေတွေနဲ့ လုပ်နေကြတာလဲ။ ဒီလိုပွင့်လင်းမြင်သာမှု မရှိတဲ့အချက်တွေက နိုင်ငံတိုးတက်ရေးကို အဓိကမထား တဲ့လုပ်ရပ်တွေလို့ပဲ ကောက်ချက်ရတော့မှာပါဘဲ။

ဆားပုလင်းသာဂိ

2015 MMI

ကဲ.. ဘော်ဒါတို့ရေ..။ Like and Share လုပ်ပြီး သွားအားပေးလိုက်ပါဦးဗျို့..။ သူကလေးက 2013 ခုနှစ်ကလည်း ဝင်ပြိုင်ဖူးသဗျ..။

Dear all, please kindly check the link below and hit share and LIKE with your facebook via this link. I just notice her since from 2013 Miss Myanmar International. Gorgeous and attractive smile make her beauty.

https://www.facebook.com/missmyanmarinternational/photos/a.861210097289202.1073741855.368529049890645/861210153955863/?type=1&permPage=1

 

michelle

News in Brief

01

(၁)   ကျောက်စိမ်းလုပ်ကွက် ဧရိယာနည်းပြီး အထွက်လျော့၍ လုပ်ကိုင်လိုသူ နည်းလာ

ဖားကန့်ရှိ ကျောက်စိမ်း တူးဖော်ရေးလုပ်ကွက်များတွင် ထပ်မံတူးဖော်ရန် လုပ်ကွက်ဧရိ ယာနည်းပါးသွားပြီး ကျောက် ထွက်ရှိမှုလျော့ကျလာ၍ လုပ်ကိုင်လိုသည့် ကုမ္ပဏီများနည်းပါး လာကြောင်း သတ္တုတွင်းဝန်ကြီး ဌာန ညွှန်ကြားရေးမှူးချုပ် ဦးဝင်းထိန်က ပြောသည်။

Credit to: 7 Day

See More>>>

(၂)   တင်ဒါအောင်ကျောက်စိမ်းများကြောင့် မန္တလေး ကျောက်စိမ်းဈေးကွက် အနည်းငယ် ကျဆင်းဖွယ်ရှိ

ဖားကန့်မြို့ မဏိရတနာ ကျောက်စိမ်းခန်းမတွင် သြဂုတ်လ ၂၁ ရက်နေ့က ကျင်းပပြီးစီးခဲ့ သည့် ရွေးကျန်ကျောက်စိမ်းတင်ဒါအောင် ကျောက်များ မန္တလေးမြို့ကျောက်စိမ်းဈေးကွက် အနည်းငယ် ကျဆင်းသွားနိုင်ကြောင်း မန္တလေးမြို့ရှိ ကျောက်စိမ်းဈေးမှ ကျောက်စ်ိမ်းကုန်သည်များမှ ပြောကြားသည်။

Credit to:Eleven 

လေကြောင်းသတင်း

(၁)   Silk Air နှင့် Singapore လေကြောင်းလိုင်းများ အောက်တိုဘာမှ စ၍ ရန်ကုန်-စင်ကာပူ ခရီးစဉ်အား တစ်ပတ်လျှင် အကြိမ် ၂၀ သို့ တိုးမြှင့်ပျံသန်းမည်

ရန်ကုန်-စင်ကာပူခရီးစဉ် ပျံသန်းနေသော လေကြောင်းလိုင်းများဖြစ်သည့် Singpore Airlines နှင့်ှsilk Air လေကြောင်းလိုင်းများသည် လာမည့် အောက်တိုဘာလမှ စ၍ တစ်ပတ်လျှင် အကြိမ် ၂၀ သို့ တိုးမြှင့်ပျံသန်းမည်ဖြစ်ကြောင်း Silk Air လေကြောင်းလိုင်း ရန်ကုန်မြို့သို့ ပျံသန်းခြင်း ၂၅နှစ်မြောက် နှစ်ပတ်လည် အခမ်းအ

နားပွဲမှ သိရသည်။

Credit to: Eleven

စီးပွားရေးနှင့်ရင်းနှီးမြှုပ်နှံမှုသတင်း


(၁)
  မြန်မာအပါအဝင် မဲခေါင်ဒေသနိုင်ငံများ ဂျပန်နှင့် ပူးပေါင်း၍ စက်မှုလုပ်ငန်းထူထောင် ရေး စီမံကိန်းဆောင်ရွက်ရန် သဘောတူ

မြန်မာအပါ အဝင် မဲခေါင်ဒေသနိုင်ငံများ ဂျပန် နိုင်ငံနှင့်ပူးပေါင်း၍ စက်မှုလုပ်ငန်း ထူထောင်ရေးစီမံကိန်းကို ဆောင်ရွက် သွားရန် ဩဂုတ် ၂၄ ရက်က သဘော တူညီခဲ့ကြကြောင်း သိရသည်။

Credit to: Democracy

See More>>> 

(၂)   ထားဝယ်၌ LNG သိုလှောင်ဖြန့်ဖြူးရေးစက်ရုံတည်ဆောက်ရန် Shell ကုမ္ပဏီနှင့် ပူးပေါင်းမည်

ထားဝယ် အထူးစီးပွားရေးဇုန် ၌ တည်ဆောက်မည့် သဘာဝ ဓာတ်ငွေ့အရည် LNG သိုလှောင် ဖြန့်ဖြူးရေး စက်ရုံတည်ဆောက်ရန် ပြီးခဲ့သည့် သြဂုတ်လ တတိယအပတ်အတွင်းက Italian-Thai Development ကုမ္ပဏီနှင့် LNG Plus International ကုမ္ပဏီတို့ ဘန်ကောက်၌ သဘောတူလက်မှတ်ရေးထိုး ခဲ့ကြောင်း သြဂုတ် ၂၄ ရက် ဘန်ကောက်ပို့စ် သတင်းအရသိရသည်။

Credit to: Democracy 

ငွေကြေးနှင့်ဘဏ်သတင်း

(၁)   ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအတွက် JICA ထံမှ ဂျပန်ယန်း ၂၄ ဘီလျံကျော် ချေးယူခွင့်ပြုရန် လွှတ်တော်သို့ တင်ပြ

ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအတွက် ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) ထံမှ ဂျပန်ယန်း ၂၄ ဒသမ ၈၆၆ ဘီလျံ ချေးယူခွင့်ပြုရန် ရထားပို့ဆောင်ရေးဝန်ကြီးဌာန ဒုတိယ၀န်ကြီး ဦးမြင့်သိန်းက လွှတ်တော်သို့ တင်ပြခဲ့သည်။

Credit to: Eleven

See More>>>

(၂)   နိုင်ငံခြားငွေဖြင့် ၀န်ဆောင်မှုနှင့် ကုန်ပစ္စည်းရောင်းချမှုများကို အရေးယူမည်ဟုဆို

ပြည်တွင်း၌ အမေရိကန် ဒေါ်လာတန်ဖိုးမြင့်တက်မှုကို လျှော့ချရန် ကုန်ပစ္စည်းများ၊ ၀န် ဆောင်မှုများအား နိုင်ငံခြားငွေဖြင့်ရောင်းချမှုကို အရေးယူရန်စီစဉ်နေကြောင်း မြန်မာနိုင်ငံဗဟိုဘဏ်မှ သတင်းရရှိသည်။

Credit to: 7 Day

See More>>>

အိမ်၊ ခြံ၊ မြေ၊ လယ်ယာသတင်း

(၁)   ဒဂုံစီးတီးမြေနေရာ အစားပေးမှု အစိုးရနှင့် ဆွေးနွေးဆဲဟုဆို

ရပ်ဆိုင်းခံထားရသည့် ဒဂုံစီးတီးစီမံကိန်းကို မြေနေရာအ စားပြန်ပေးခြင်းနှင့် ပတ်သက်၍ လတ်တလောတွင် အစိုးရနှင့် ဆွေးနွေးနေဆဲအဆင့်သာရှိသေးသည်ဟု အဆိုပါကုမ္ပဏီမှသတင်း ရရှိသည်။

Credit to: 7 Day

See More>>>

(၂)   ဗိုလ်ဗထူး တိုက်ခန်းဝယ်သူများ ငွေသွင်းချိန် နောက်ကျပါက ဒဏ်ရိုက်မည်

တန်ဖိုးမျှတ အိမ်ရာစီမံကိန်းများတစ်ခုဖြစ်သော ဗိုလ်ဗထူး အိမ်ရာစီမံကိန်းတိုက်ခန်း ၀ယ်ယူထားသူများအနက် ငွေသွင်း၇န် ကျန်ရှိသူများအနေနှင့် သတ်မှတ်ရက်ထက် နောက်ကျပါက ရက်လွန် ဒဏ်ကြေး အဖြစ် ဒဏ်ရိုက်မည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာ ဌာန (အဆောက်အအုံ)မှ အကြီးတန်းအရာရှိတစ်ဦးက ပြောကြားသည်။

Credit to:Eleven

(၃)   ဥယျာဉ်မြေကို အိမ်ရာမြေပြောင်းခြင်းက ပိုင်ဆိုင်မှုအပေါ် သက်ရောက်မှု မရှိဟုဆို

ထားဝယ်မြို့ပေါ် ၁၅ရပ်ကွက်ရှိ ဥယျာဉ် ခြံမြေ အဖြစ်ရှိနေသေးသည့် မြေများကို အိမ်ရာမြေအဖြစ် ပြောင်းလဲခြင်းသည် ပိုင်ဆိုင်သူအမည် အပြောင်းအလဲ ပြုလုပ်၍ မရသည့်အတွက် ပိုင်ဆိုင်မှုအပေါ် သက်ရောက်မှုမရှိနိုင်ကြောင်း ထားဝယ်မြို့နယ် လယ်ယာမြေစီမံခန့်ခွဲ ရေးနှင့် စာရင်းအင်းဦးစီးဌာနထံမှ သိရသည်။

Credit to: Eleven 

(၄)   ဖဆပလ အိမ်ရာနှင့် လမ်းသစ်ရိပ်သာ အိမ်ရာတို့ကို အဆင့်မြှင့်တင် ပြန်လည်တည်ဆောက်ရန် ညှိနှိုင်းမှုများ ပြုလုပ်နေ

ဆောက်လုပ်ရေးဝန်ကြီးဌာန မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ တည်ဆောက်ပေးခဲ့သော ပြည်သူ့အိမ်ရာများထဲ ဖဆပလ အိမ်ရာနှင့် လမ်းသစ်ရိပ်သာအိမ်ရာတို့ကို အဆင့်မြှင့်တင် ပြန်လည်တည်ဆောက်ရန်အတွက် ညှိနှိုင်းမှုများ ပြုလုပ်လျက်ရှိကြောင်း ရန်ကုန်တိုင်းဒေသကြီး မြို့ပြနှင့် အိမ်ရာဖွံ့ဖြိုးရေး ဦးစီး

ဌာတိုင်းဒေသကြီး ညွှန်ကြားရေးမှုး ဦးယုခိုင်ကေ ပြာသည်။

Credit to:ပြည်မြန်မာ 

နိုင်ငံရေးသတင်း

(၁)   မြန်မာနိုင်ငံ၌ ဒီမိုကရေစီ အပြည့်အ၀ ရရှိပြီဟု ၉၅ ရာခိုင်နှုန်းက မယူဆဘဲ ငါးရာခိုင်နှုန်းကသာ ယူဆကြောင်း 2015 Myanmar Asian Barometer Survey (ABS) စစ်တမ်းတွင် ဖော်ပြ

မြန်မာနိုင်ငံ၌ ဒီမိုကရေစီ အပြည့်အ၀ ရရှိပြီဟု ၉၅ ရာခိုင်နှုန်းက မယူဆဘဲ ၅ ရာခိုင်နှုန်းကသာ ယူဆကြောင်း 2015 Myanmar Asian Barometer Survey (ABS) စစ်တမ်းတွင် ဖော်ပြခဲ့သည်။

Credit to: Eleven

See More>>>

(၂)   ဦးသိန်းစိန်ကို သမ္မတ ထပ်ဖြစ်ရန် လိုလားသူ ၁၆ ရာခိုင်နှုန်းရှိဟု စစ်တမ်းဆို

လက်ရှိအစိုးရအဖွဲ့ကို ဦးဆောင်သူ နိုင်ငံတော်သမ္မတ ဦးသိန်းစိန်ကို လာမည့် သက်တမ်းအတွက် သမ္မတထပ်ဖြစ်ရန် လိုလားသူ ၁၆ ရာခိုင်နှုန်း ရှိကြောင်း အာရှဘာရိုမီတာ ဆာဗေးအဖွဲ့ ပါမောက္ခ Ms. Bridget Welsh က ပြောကြား သည်။

Credit to: The Voice

See More>>>

လွှတ်တော်နှင့်နိုင်ငံရေးပါတီသတင်း

 (၁)   ဒေါ်အောင်ဆန်းစုကြည်၏ ကိုယ်စားလှယ်လောင်းစိစစ်မှု ကန့်ကွက်သူမရှိ အောင်မြင်

၂၀၁၅ အထွေထွေရွေး ကောက်ပွဲ ၀င်ရောက်ယှဉ်ပြိုင် မည့် ဒေါ်အောင်ဆန်းစုကြည်၏ ကိုယ်စားလှယ်လောင်းစိစစ်လွှာ ကန့်ကွက်သူမရှိအောင်မြင်ကြောင်း ရန်ကုန် တောင်ပိုင်းခရိုင် ရွေး ကောက်ပွဲ ကော်မရှင် အဖွဲ့ခွဲမှ သတင်းရရှိသည်။

Credit to: 7 Day

See More>>>

(၂)   NLD က ကိုယ်စားလှယ်လောင်း ရုပ်သိမ်းမှုများ၊ မှားယွင်းတင်သွင်းမှုများနှင့် ပတ်သက်၍ သက်ဆိုင်ရာ ခရိုင်ရွေးကောက်ပွဲ ကော်မရှင်ရုံးများထံ ပြန်လည်တင်ပြမှုများ ပြုလုပ်

အမျိုးသားဒီမိုကရေစီအဖွဲ့ချုပ် (NLD) မှ ကိုယ်စားလှယ်လောင်းရုပ်သိမ်းမှုများ၊ မှားယွင်းတင်သွင်းမှုများနှင့် ပတ်သက်၍ သက်ဆိုင်ရာ ခရိုင်ရွေးကောက်ပွဲကော်မရှင်ရုံးများထံသို့ ထိုသူများက ပြန်လည်တင်ပြမှုများ ပြုလုပ်နေကြောင်း NLD ပါတီ ပြောရေးဆိုခွင့်ရှိသူ ဦးဉာဏ်ဝင်းက ပြောကြားသည်။

Credit to: Eleven

See More>>>

(၃)   လွှတ်တော်ကိုယ်စားလှယ်လောင်းအဖြစ်မှ ပယ်ချခံရမှု အယူခံဝင်မည်ဟု ဦးရွှေမောင်ဆို

မွေးဖွားချိန်တွင် မိဘနှစ်ပါး နိုင်ငံသား မဟုတ်သောကြောင့် ကိုယ်စားလှယ်လောင်း လျှောက်ထားလွှာ ပယ်ချမှုကို ရခိုင်ပြည်နယ် ရွေးကောက်ပွဲကော်မရှင်ထံ အယူခံဝင် ဖြေရှင်းမည်ဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင်ဟောင်း ဦးရွှေမောင်က The Voice သို့ ပြောကြားသည်။

Credit to: The Voice

See More>>>

(၄)   နိုင်ငံရေး ရပ်တည်ချက် ကွဲပြားခြင်း မရှိကြောင်း NLD နှင့် ၈၈ ပူးတွဲကြေညာ

လာမည့် အထွေထွေရွေးကောက်ပွဲတွင် တိုင်းပြည် တည်ငြိမ်အေးချမ်းစွာ ပြုပြင်ပြောင်းလဲနိုင်ရေးအတွက် အမျိုးသားဒီမိုကရေစီအဖွဲ့ချုပ် (NLD) ပါတီ နှင့် ၈၈ ငြိမ်းချမ်းရေးနှင့် ပွင့်လင်းလူ့အဖွဲ့အစည်းအကြား နိုင်ငံရေးရပ်တည်ချက် ကွဲပြားခြင်း မရှိကြောင်း နှစ်ဖက်အဖွဲ့အစည်းများက ပူးတွဲ ထုတ်ပြန်ကြေညာသည်။

Credit to: The Voice

See More>>>

(၅)   အစိုးရဖွဲ့နိုင်သည်ဆိုသော ပါတီကြီးနှစ်ခုက ပြည်သူသို့ ကတိက၀တ် မထုတ်ပြန်နိုင်သေးချိန်တွင် ပါတီတစ်ခုက ကတိက၀တ် ရေးဆွဲထားပြီ

အစိုးရတစ်ရပ်ဖွဲ့နိုင်သည်ဟု ကြေညာထားသော အင်အားကြီး ပါတီကြီး နှစ်ခုက ရွေးကောက်ပွဲအပြီး အစိုးရဖွဲ့ဖြစ်ပါက ပြည်သူများသို့ လုပ်ဆောင်ပေးမည့် ကတိက၀တ်ကို ထုတ်ပြန်ကြေညာနိုင်ခြင်းမရှိ သေးသည့် အချိန်တွင် ကိုယ်စားလှယ်လောင်း တတိယအများဆုံးတင်ထားသော တစည (တိုင်းရင်းသား စည်းလုံးညီညွတ်ရေး ပါတီ)က ပြည်သူသို့ ကတိက၀တ် ကို ထုတ်ပြန်ရန် ပြင်ဆင်ထားပြီဖြစ်ကြောင်း သတင်းရရှိသည်။

Credit to;ပြည်မြန်မာ

See More>>> Attached file

(၆)   သူရဦးရွှေမန်း ပါတီမှ နုတ်ထွက်ပါက ထူးခြားသော ပြောင်းလဲမှု မရှိနိုင်ဟု ဦးဌေးဦး ပြောကြား

ကြံ့ခိုင်ရေးပါတီ၏ ဥက္ကဋ္ဌရာထူးမှ ထုတ်ပယ်ခံရသော ပြည်သူ့လွှတ်တော် ဥက္ကဋ္ဌ သူရဦးရွှေမန်း ပါတီမှ နုတ်ထွက်ပါကလည်း ပါတီတွင်း ထူးခြားသော ပြောင်းလဲမှု မဖြစ်နိုင်ကြောင်း လက်ရှိ ယာယီဥက္ကဋ္ဌ တာဝန်ယူထားသော ဦးဌေးဦးက The Voice သို့ ပြောသည်။“ထူးထူးခြားခြား ပြောင်းလဲမှုတော့မဖြစ်နိုင်ပါဘူး၊ နေရာတစ်နေရာတော့ လွတ်သွားတာပေါ့” ဟု ၎င်းက ဆိုသည်။

Credit to: ပြည်မြန်မာ

See More>>>

စစ်တပ်နှင့်တိုင်းရင်းသားလက်နက်ကိုင်သတင်း
(၁)
  တပ်မတော်အနေဖြင့် လွတ်လပ်ပြီးတရားမျှတသည့် ရွေးကောက်ပွဲဖြစ်ရန်ကို သာလိုလားပြီး ရွေးကောက်ပွဲရလဒ်ကိုလည်း လက်ခံသွားမည်ဟု တပ်မတော် ကာကွယ်ရေးဦးစီးချုပ်ပြောကြား တပ်မတော်ပိုင် စီးပွားရေးလုပ်ငန်းများကိုလည်း အချိန်သင့်သည့်အခါတွင် အများပိုင်လုပ်ငန်းများအသွင်ပြောင်းလဲဆောင်ရွက်သွားမည်ဟုဆို

တပ်မတော် အနေဖြင့် လွတ်လပ်ပြီး တရားမျှတ သည့်ရွေးကောက်ပွဲဖြစ်ရန်ကိုသာ လိုလားပြီး ရွေးကောက်ပွဲရလဒ်ကို လည်း လက်ခံသွားမည်ဖြစ်ကြောင်း နှင့် တပ်မတော်ပိုင်စီးပွားရေးလုပ်ငန်း များကိုလည်း အချိန်သင့်သည့်အခါတွင် အများပိုင်လုပ်ငန်းများအသွင် ဆောင် ရွက်သွားမည်ဟု တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။

Credit to: Democracy

See More>>> 

(၂)   တစ်နိုင်ငံလုံး အပစ်ရပ်စာချုပ်တွင် တိုင်းရင်းသားလက်နက်ကိုင်အဖွဲ့အားလုံး တစ်ပြိုင်နက်တည်း ပါဝင်ရေးမူအားဖြင့် ကိုင်စွဲ၍ အစိုးရနှင့် ဆွေးနွေးမည်

တစ်နိုင်ငံလုံး အပစ်အခတ်ရပ်စဲရေး သဘောတူစာချုပ် (NCA) လက်မှတ်ထိုးရာတွင် တိုင်းရင်းသားလက်နက်ကိုင်အဖွဲ့အားလုံး တစ်ပြိုင်နက်တည်း ပါဝင်ရေးကို မူအားဖြင့် ကိုင်စွဲ၍  အစိုးရနှင့် ဆွေးနွေးသွားမည် ဖြစ်သော်လည်း အစိုးရဘက်က လက်ခံခြင်း မရှိပါက NCA တွင် လက်မှတ်ထိုး၍ မရသေးသည့် အဖွဲ့များ နစ်နာမှု မရှိစေရေးနှင့် ယင်းအဖွဲ့များ ပါဝင်လာနိုင်ရေးအတွက် မည်ကဲ့သို့ နည်းလမ်းရှာမည် ဆိုသည်ကို ဆွေးနွေးသွားရန် သြဂုတ် ၂၁ ရက်မှ ၂၄ ရက်အထိ ထိုင်းနိုင်ငံ ချင်းမိုင်၌ ပြုလုပ်ခဲ့သော တိုင်းရင်းသားလက်နက်ကိုင်အဖွဲ့ ထိပ်သီးခေါင်းဆောင်များ အစည်းအဝေးက ဆုံးဖြတ်ခဲ့ကြောင်း သတင်းရရှိသည်။

Credit to: Eleven

See More>> 

(၃)   အပစ်အခတ်ရပ်စဲရေး လေးသင်္ချေနှင့် ကမ္ဘာတစ်သိန်းမှသာ ဖြစ်မည်

လက်နက်ကိုင် အဖွဲ့အစည်းများ အားလုံး ပါဝင်သော အပစ်အခတ် ရပ်စဲရေးမှာ လာမည့်လေးသင်္ချေနှင့် ကမ္ဘာတစ်သိန်းမှသာ ဖြစ်မြောက်လာနိုင်မည်ဟု KNU ဗဟိုအလုပ်အမှုဆောင် ဖဒိုမန်းငြိမ်းမောင်က ပြောသည်။

Credit to:Messenger

See More>>>

(၄)   မူဆယ်မြို့ အင်းဝဘဏ် အဆောက်အအုံအပြင်ဘက်တွင် သြဂုတ် ၂၄ ရက် ည ၉ နာရီ ၅၅ မိနစ်က ပေါက်ကွဲမှုဖြစ်ခဲ့

မူဆယ်မြို့ အင်းဝဘဏ် အဆောက်အအုံအပြင်ဘက်တွင် သြဂုတ် ၂၄ ရက် ည ၉ နာရီ ၅၅ မိနစ်က ပေါက်ကွဲမှုဖြစ်ခဲ့ ပြီး ပေါက်ကွဲမှုအရှိန်ကြောင့် ကိုက် ၅၀၀ အကွာခန့်ရှိနေအိမ်၊ အဆောက်အအုံများတွင်ပါ တုန်ခါမှုကို ခံစားရကြောင်း ဒေသခံများကပြောသည်။

Credit to: ပြည်မြန်မာ

See More>>>

နိုင်ငံတကာသတင်း

(၁)   တရုတ်စီးပွားရေး နှေးကွေးမှုကို စိုးရိမ်နေကြချိန်တွင် အာရှ၌ စတော့ဈေးနှုန်းများ ကျဆင်း၊ ရေနံဈေးနှုန်း ဆက်လက်ကျဆင်းပြီး ဒေါ်လာ ၄၀ အောက်သို့ ရောက်ရှိ

တရုတ်စီးပွားရေး နှေးကွေးမှုက ကမ္ဘာ့စီးပွားရေး တိုးတက်မှုကို ရိုက်ခတ်လာနိုင်ကြောင်း စိုးရိမ်မှုများ မြင့်တက်နေချိန်တွင် ရှန်ဟိုင်းစတော့ဈေးကွက်၌ ရှစ်နှစ်အတွင်း အဆိုးဆုံး ရှယ်ယာဈေးနှုန်းများ ကျဆင်းမှု ဖြစ်ပွားခဲ့ပြီး အာရှစတော့ဈေးကွက်သည် သြဂုတ် ၂၄ ရက်က သိသိသာသာ ကျဆင်းခဲ့သည်။

Credit to: Eleven

See More>>>

လူမှုရေးသတင်း
(၁)
  “ဦးပိုင်သည် စစ်မှုထမ်းဟောင်းများ၊ တပ်မတော်သားများ၊ ပြည်သူများအတွက်ဟု ကာချုပ် ပြော”

မြန်မာ့စီးပွားရေးဦးပိုင်လီမိတက်အနေဖြင့် တပ်မတော်သား မိသားစုဝင်များ၏ သက်သာချောင် ချိရေး၊ စစ်မှု ထမ်းဟောင်းများ၏ သက်သာချောင်ချိရေး၊ပြည်သူလူထု၏ သက်သာချောင် ချိရေးများ ဆောင်ရွက်ပေးနိုင် ရန်နှင့် နိုင်ငံတော် စီးပွားရေးအား အထောက်အကူပြုရန် ရည်ရွယ်ချက်များဖြင့် လုပ်ဆောင်နေခြင်း ဖြစ်ကြောင်း မနေ့က စာနယ်ဇင်းကောင်စီ (ယာယီ)နှင့် တွေ့ဆုံစဉ် ဗိုလ်ချုပ်မှူးကြီး မင်းအောင်လှိုင်က ပြောဆိုလိုက်ခြင်း သည်။

Credit to: Irrawaddy

See More>>>

အထွေထွေ     

(၁)   ဟားခါးမြို့ပေါ်ရှိ မြို့ဟောင်းရပ်ကွက် လုံးဝမနေသင့်တော့သဖြင့် အိမ်ထောင်စု ၅၂၀ ပြောင်းရွှေ့ရန် နေရာအသစ်တောင်းခံထားမှုကို ချင်းပြည်နယ်အစိုးရ သဘောတူညီ

ဟားခါးမြို့ ပေါ်ရှိ မြို့ဟောင်းရပ်ကွက် လုံးဝ မနေသင့်တော့ခြင်းကြောင့် အိမ် ထောင်စု ၅၂ဝပြောင်းရွှေ့ရန်နေရာ သစ်တောင်းခံထားကြောင်း ချင်း ပြည်နယ်အစိုးရအဖွဲ့သစ်တောနှင့် သတ္တုဝန်ကြီးဦးကျော်ငြိမ်းက ပြော သည်။

Credit to: Democracy

မြန်မာနိုင်ငံငွေရေးကြေးရေးကဏ္ဍ၌လက်ရှိဖြစ်ပေါ်နေသည့်စိန်ခေါ်မှုများ

inflation

ဟိုဘဏ်မှာ Deposit တင်ထားတဲ့အတွက် ဗဟိုဘဏ်က ပုဂ္ဂလိကဘဏ်တွေအတွက် အာမခံတာမဟုတ်ပါဘူး။ ပုဂ္ဂလိကဘဏ်တွေငွေကြေး အကျပ်အတည်းဖြစ်လာပြီး Interbank market ကတစ်ဆင့်ငွေချေးလို.မရတော့တဲ့ အချိန်မှာ ဗဟိုဘဏ်က Lender of last resort အနေနဲ. ၄င်းတို.ပြိုလဲမသွားအောင် ငွေထုတ် ချေးပေးမယ်ဆိုတဲ့ အာမခံချက်ကိုပေးတာဖြစ်ပါတယ်။ အဲဒီတော့ ငွေကြေးအကျပ်အတည်းကြုံပြီး ဘဏ်ပျက်တဲ့အဖြစ်မျိုး ဖြစ်စရာမရှိနိုင်ပါဘူး။

၅။ နိုင်ငံတကာရဲ့ ငွေရေးကြေးရေးကဏ္ဍမှာ စိန်ခေါ်မှုတွေပိုများလာသလို မြန်မာနိုင်ငံမှာလည်း စိန်ခေါ်မှုတွေများလာပါတယ်။ အဲဒီစိန်ခေါ်မှုတွေကို မဖြေရှင်းနိုင်သေးတဲ့ဗဟိုဘဏ်ကိုလည်း ၀ိုင်းပြီး အပြစ်တင်ကြပါတယ်။ အဆိုးထဲကအကောင်းတစ်ခုကတော့ နိုင်ငံတကာက ဗဟိုဘဏ်တွေလို မြန်မာနိုင်ငံရဲ့ဗဟိုဘဏ်ကရော လွတ်လတ်မှုရှိရဲ့လားဆိုတဲ့မေးခွန်းတွေထွက်လာပါတယ်။ ဒါပေမဲ့ ဘာကြောင့်ဗဟိုဘဏ်က လွတ်လတ်မှုရှိဖို.လိုတာလဲဆိုတာကို ဆွေးနွေးတဲ့သူနည်းပါတယ်။ ဗဟိုဘဏ်တွေရဲ့ မူဝါဒဆိုင်ရာဆုံးဖြတ်ချက်တွေ အတော်များများက Popular မဖြစ်တဲ့အတွက် အဲဒီလိုဆုံးဖြတ်ချက်တွေကို ၀င်ရောက်မစွက်ဖက်နိုင်အောင် ဗဟိုဘဏ်တွေကို လွတ်လပ်ခွင့်ပေးထား သင့်တာဖြစ်ပါတယ်။ စီးပွားရေးကပ်ဆိုက်ပြီး နလံပြန်ထအောင် ဆောင်ရွက်တဲ့ဗဟိုဘဏ်တွေရဲ့ Expansionary policy ဆုံးဖြတ်ချက်တွေကို လူကြိုက်များနိုင်ပေမဲ့ စီးပွားရေးတိုးတက်မှု အရှိန်အဟုန်များပြီး ဖြစ်ပေါ်လာတဲ့ ငွေကြေးဖောင်းပွမှုတွေထိန်းချုပ်ဖို.ဆောင်ရွက်တဲ့ ဗဟိုဘဏ် တွေရဲ့ Contractionary policy တွေကို ဘယ်သူမှမကြိုက်ကြပါဘူး။ အဲဒီအချိန်မှာ အချို.ဗဟိုဘဏ်တွေရဲ့ မူဝါဒဆုံးဖြတ်ချက်တွေဟာ Politically costly တောင်ဖြစ်နိုင်ပါသေးတယ်။ အဲဒီလိုအချိန်တွေမှာ ဗဟိုဘဏ်ရဲ့မူဝါဒဆုံးဖြတ်ချက်တွေကို ၀င်ရောက်စွက်ဖက်လို.မရနိုင်အောင်လို. ဗဟိုဘဏ်တွေကို လွတ်လပ်ခွင့်ပေးထားရတာဖြစ်ပါတယ်။ ဒါပေမဲ့ လုံးဝအလုံးစုံလွတ်လပ်တဲ့ ဗဟိုဘဏ်ဆိုတာလည်း မရှိသေးပါဘူး။ သို.သော် လွတ်လပ်စွာဆုံးဖြတ်ခွင့်အတော်များများကို ပေးထားကြရပါတယ်။ အများလက်ခံနိုင်တဲ့ အများကြိုက်တဲ့ မူဝါဒတွေကို ချမှတ်နိုင်ဖို. ဗဟိုဘဏ်ကို လွတ်လပ်ခွင့်ပေးသင့်တယ်လို. ထင်ရင်တော့မှားပါလိမ့်မယ်။

၆။ နိုင်ငံတစ်နိုင်ငံမှာ တည်ငြိမ်တဲ့ Macroeconomic environment ကိုရရှိနိုင်ဖို. ထိန်းချုပ် သင့်တာတွေကို ထိန်းချုပ်ကြပါတယ်။ ဒါပေမဲ့ လူတိုင်းကတော့ ထိန်းချုပ်တယ်ဆိုတာကို ကြိုက်မှာ မဟုတ်ပါဘူး။ ဥပမာ မြန်မာနိုင်ငံနဲ.အနီးဆုံးဖြစ်တဲ့ ထိုင်းနိုင်ငံမှာ နိုင်ငံခြားငွေကြေးဈေးကစားမှုတွေ မဖြစ်ပေါ်ဖို. ထိန်းချုပ်မှုတွေအခုအချိန်အထိရှိနေပါတယ်။ ထိုင်းလူမျိုးတွေရဲ့ FCD လို.ခေါ်တဲ့ Foreign Currency Deposit တွေထဲမှာ ပြည်ပက၀င်တဲ့နိုင်ငံခြားငွေကိုဘဲ သိမ်းထားနိုင်ပြီး ပြည်တွင်း Account transfer နဲ.၀ယ်ယူထည့်သွင်းထားလို.မရပါဘူး။ နိုင်ငံခြားငွေကို ကြိုက်သလောက်ထည့် သိမ်းထားခွင့်လဲမရှိပါဘူး။ နိုင်ငံခြားငွေနဲ.ပြည်ပကို ပေးချေစရာ Obligations တွေရှိရင် အထောက်အထားတွေတင်ပြပြီး အဲဒီပမာဏထက်ပိုတဲ့ နိုင်ငံခြားငွေကို FCD ထဲမှာထားလို.မရပါဘူး။ တကယ်လို. နိုင်ငံခြားငွေနဲ.ပြည်ပကိုပေးချေစရာအတွက် အထောက်အထားမပြနိုင်ရင် ဒေါ်လာ ၅ သန်းထက်ပိုပြီးမထားရပါဘူး။ ၂၀၁၀ ခုနှစ်အထိ အထောက်အထားမပြနိုင်ရင် ဒေါ်လာ ၅ သိန်းထက်ပိုပြီးမထားရပါဘူး ၂၀၀၇ ခုနှစ် အထိ အထောက်အထားမပြနိုင်ရင် (တစ်ဦးချင်းဆီရဲ့ ငွေစာရင်းမှာ) ဒေါ်လာ ၅ သောင်း (ကုမ္မဏီတစ်ခုချင်းဆီရဲ့ငွေစာရင်းမှာ) ဒေါ်လာ ၂ သန်းထက် ပိုပြီးထားလို.မရပါဘူး။ စတော့ဈေးကွက်တွေမှာ နိုင်ငံခြားသားတွေက ၀င်ရောက်ဈေးမကစား နိုင်အောင်လို. Non Resident FCD တွေအပေါ်ထိန်းချုပ်မှုတွေလည်း အများကြီးရှိပါတယ်။

၇။ မြန်မာနိုင်ငံမှာတော့ အဲဒီလိုထိန်းချုပ်မှုတွေမရှိတဲ့အတွက် “အဝေး” လို.ခေါ်တဲ့ Informal Hundi transfer တွေ၊ နိုင်ငံခြားငွေစာရင်းရှင်တစ်ဦးနဲ.တစ်ဦး အပြန်အလှန်ရောင်းဝယ်တဲ့ Account transfer ဈေးကွက်တွေက ကြီးထွားလာပါတယ်။ အဲဒီစနစ်တွေကနေ Capital flows တွေ အရှိန်အဟုန်နဲ. ၀င်ထွက်နေတာကိုလည်းတွေ.ရပါတယ်။ အဲဒီ Capital flows တွေကဖြစ်ပေါ်လာတဲ့ Effects တွေကို ထိန်းနိုင်ဖို.လည်း ငွေရေးကြေးရေးဆိုင်ရာကိရိယာတွေ မစုံလင်သေးပါဘူး။ ဥပမာ မိုးရွာတဲ့အချိန် ခေါင်မိုးပေါက်နေပြီး ရေမစိုအောင်သေသေချာချာကာနိုင်တဲ့ထီးတွေမရှိသေးဘဲ ရှိတဲ့ပစ္စည်းအချို.နဲ.မိုးကာနေရသလိုဖြစ်နေပါတယ်။ ခေါင်မိုးလုံအောင်လုပ်ဖို.ကအဓိကဆိုပေမဲ့ အဲဒီ ခေါင်မိုးပြင်ဖို.အတွက် ကိရိယာအနည်းငယ်သာရှိပြီး အိမ်သားအချို.ကလည်း ခေါင်းမိုးရဲ့အချို.နေရာ တွေကိုဖောက်ပြီး ရေခံနေတာနဲ.တူနေပါတယ်။ အဲဒီအချိန်မှာ ရေမစိုအောင်ထီးလိုက်ရှာရ၊ ပေါက်နေတဲ့ခေါင်မိုးကို ရှိတဲ့ပစ္စည်းနဲ.ပြုပြင်ရ၊ ခေါင်မိုးဖောက်နေတဲ့အိမ်သားတွေကိုလည်းပြောလို.မရ၊ အိမ်ထဲကအခြားအိမ်သားတွေကလည်း မိုးရေစိုိုလို.၀ိုင်းဆဲနေတဲ့အခြေအနေဆိုရင် နီးစပ်မယ်လို. ထင်ပါတယ်။

၈။ ဘယ်လိုအခြေအနေဘဲရောက်နေပါစေ ရှိတဲ့ပစ္စည်းနဲ. မိုးကိုပိုပြီးလုံအောင်ကာနိုင်ဖို.နဲ. ရှိတဲ့ ပစ္စည်းနဲ. ခေါင်မိုးကိုပြုပြင်နိုင်ဖို.ကအရေးကြီးပါတယ်။ အဲဒါကြောင့် Deposit auction, Reserve requirement စတဲ့ ရနိုင်တဲ့နည်းလမ်းပေါင်းစုံနဲ. ဗဟိုဘဏ်က Contractionary monetary policy ကိုကျင့်သုံးနေပါတယ်။ မြန်မာငွေကျပ်လာတော့မှ မြန်မာငွေတန်ဖိုး အရမ်းကျဆင်းခြင်းကို ကာကွယ်နိုင်မှာဖြစ်ပါတယ်။ Secondary bond market မရှိသေးတဲ့အတွက် နိုင်ငံတကာမှာ ကျင့်သုံးတဲ့ Open Market Operations (OMO) နည်းလမ်းကိုတော့ မသုံးနိုင်သေးပါဘူး။ Secondary bond market ဖြစ်လာနိုင်ဖို.အရင်ဦးဆုံး Market driven interest rates တွေရှိဖို.လိုပါတယ်။ အဲဒါကြောင့် Treasury bills တွေကို Scriptless လို.ခေါ်တဲ့ အီလက်ထရောနစ်ပုံစံပြောင်းပြီး Treasury securities auction ကိုစလုပ်ရတာဖြစ်ပါတယ်။ နောက်ပြီး Bonds တွေကိုလည်း အီလက်ထရောနစ်ပုံစံပြောင်းဖို.လုပ်နေပါတယ်။ Treasury security auction ကနေတစ်ဆင့် သက်တမ်းအမျိုးမျိုးရှိတဲ့ Market driven yields တွေကိုရရှိနိုင်မှာဖြစ်ပြီး Yield curve ကိုဆွဲနိုင်မှာ ဖြစ်ပါတယ်။ Yield curve ရလာမှသာ Currency forward ဈေးကွက်တည်ဆောက်နိုင်မှာဖြစ်ပါတယ်။ အဲဒီ Currency forward ဈေးကွက်ဟာလည်း နိုင်ငံခြားငွေကြေးတည်ငြိမ်ရေးမှာ အဓိကကျပါတယ်။ အဲဒီအချိန်ကျမှ Repo (Repurchase Agreement) ဈေးကွက်ပေါ်လာပြီး အဲဒီ Repo တွေကတစ်ဆင့် Interbank money market တွေကျယ်ပြန်.လာကာ OMO ကိုလည်း တွင်ကျယ်စွာဆောင်ရွက်နိုင်မှာ ဖြစ်ပါတယ်။

၉။ အဲဒါတွေအပြင် အခြားဆောင်ရွက်စရာတွေ အများကြီးရှိနေပါသေးတယ်။ တစ်နိုင်ငံလုံး ဘဏ်စနစ်ကိုလွယ်ကူစွာသုံးစွဲနိုင်ဖို.၊ ဘဏ်စာရင်းရှိတဲ့သူတွေရော မရှိတဲ့သူတွေပါ ငွေသားတွေ အများကြီးသယ်ယူစရာမလိုဘဲ အီလက်ထရောနစ်မြန်မာကျပ်ငွေပိုက်ဆံတွေကို ပြည်တွင်းမှာသာမက ပြည်ပမှာပါ အဆင်ပြေချောမွေ.စွာအသုံးပြုနိုင်ဖို.၊ တရားမ၀င်ဈေးကွက်တွေနေရာမှာ လွယ်ကူ ချောမွေ.တဲ့ တရားဝင်ဈေးကွက်တွေဖြစ်လာနိုင်ဖို. စတဲ့ဆောင်ရွက်စရာတွေအများကြီးရှိနေ ပါသေးတယ်။ အဲဒါတွေဆောင်ရွက်နိုင်အောင်လည်း Mobile banking စနစ်၊ Mobile payment စနစ်၊ Debit and credit card payment စနစ်၊ e-commerce စနစ် တွေကိုလည်း အကောင်အထည်ဖော်ဆောင်ရွက်နေပါတယ်။ အခုဆိုရင် Mobile banking တွေသုံးလို.ရနေပါပြီ။ မိုဘိုင်းဖုန်း ဒါမှမဟုတ် Cyber banking စနစ်ကတစ်ဆင့် ငွေလွှဲတာတွေ ဘဏ်အချို.မှာ လုပ်လို.ရနေပါပြီ။ မတူညီတဲ့ဘဏ်စာရင်းအချင်းချင်းအပြန်အလှန် Cyber banking နဲ.လွှဲ နိုင်အောင်လည်း Payment switch တွေလုပ်နေပါပြီ။ Real time gross settlement system (RTGS) ကိုလည်း ဒီနှစ်ကုန်မှာစတင်သုံးနိုင်မှာဖြစ်ပါတယ်။ ကျပ်ငွေနဲ. Debit card တွေအပြင် Credit card တွေကိုပါ ထုတ်ခွင့်ပြုထားပါပြီ။ JCB, CUP, Visa, Master တွေနဲ.ချိတ်ဆက်ပြီး ကျပ်ငွေနဲ. အသုံးပြုတဲ့ Debit card တွေ Credit card တွေကို နိုင်ငံတကာမှာသုံးလို.ရနိုင်အောင်လည်း ဆောင်ရွက်နေပါတယ်။ E-commerce စနစ်တွေကိုလည်း ခွင့်ပြုဆောင်ရွက်ထားပြီးဖြစ်ပါတယ်။ အခုဆိုရင် အခွန်အခအတွေကို မိုဘိုင်းဖုန်းနဲ.ဘဲဖြစ်ဖြစ် ကွန်ပြူတာနဲ.ဘဲဖြစ်ဖြစ် e-commerce စနစ်နဲ. Electronically ပေးလို.ရနေပါပြီ။ သီလ၀ါအထူးစီးပွားရေးဇုန် စီမံခန်.ခွဲမှုကော်မတီက ပထမဦးဆုံးအဖြစ် Commercial tax ကျပ်သိန်းပေါင်း တစ်သောင်းနှစ်ထောင်ကျော်ကို အီလက်ထရောနစ် e-commerce စနစ်ကိုသုံးပြီး သြဂုတ်ဆန်းမှာပေးခဲ့ပါတယ်။

၁၀။ မြန်မာနိုင်ငံငွေရေးကြေးရေးကဏ္ဍကြီးတစ်ခုလုံး အလုံးစုံတိုးတက်သွားနိုင်ဖို.လို. ချက်ခြင်း ဆောင်ရွက်လို.မရနိုင်သေးပေမဲ့ ဆောင်ရွက်သင့်တာမှန်သမျှ ကြိုးစားဆောင်ရွက်လျက်ရှိကြောင်း ကျွန်တော့်ရဲ့ အညတရသဘောထား (Humble opinion) လေးကို ကြိုးစားဖော်ပြထားခြင်းသာ ဖြစ်ပါတယ်။ ကျွန်တော့်ကို သင်ကြားခဲ့ဘူးသောဆရာ၊ဆရာမများ၊ မသင်ကြားခဲ့ဘူးသော်လည်း မြင်ဆရာ၊ကြားဆရာအဖြစ် ကျွန်တော်ကမှတ်သားနာယူခဲ့ရဘူးသောဆရာ၊ဆရာမများအားလုံးဟာ ကျွန်တော့်ထက်အဆပေါင်းမြောက်များစွာပိုပြီးနားလည်တတ်ကျွမ်းတဲ့အတွက် ကျွန်တော့်ဖော်ပြမှုမှာ အမှားများရှိလျင် ဆက်လက်သင်ကြားထောက်ပြပေးပါခင်ဗျား။

(ဆက်အောင်)